فارس احلامي 😘

البارت الرابع

#فارس احلامي #

*البارت - الرابع *

$& رنا :   من رحت للزيارة مرت اخوي بدت تسوي مشاكل اجيت لكيت جنطتي مكطوع السير مالتهة شلون ياربي هاي ماتكعد راحة اكيد هية ورة المصايب اجت مرت اخوي دخلت للغرفة وية اختي وجان تغمز لاختي تكوللهة كطي انتي هم جنطتهة مثل ماكطعت جنطتج  هوايتهة تسوي مشاكل ماتكعد راحة الا كلش من شافتنة تنكافش من الروس ياللة ارتاح كلبهة ماعرف شصار بينة حتة امي دخيلك ربي هاي ام السحورة شجابهة علينة جنة ناقصين مصايب واجت لتمت علينة امي اول مرة اشوفهة هيج تعصب علية  اعوذ باللة العيون تجدح رحنا  دنزور ومناك مرينة بالمدينة نفتر  وبطلعتنة تعاركت وية اخوي ماعرف شبية وسبب تافه تعاركت علموده وفجاة وسمع صوتنة الضابط الي بالمدينة احنة جنة بالشارع والسعلوة مرت اخوي تسوي روحهة تهدء باامي واخوي تكولهم مو بالشارع خل نروح للبيت وهية سبب المشاكل كلهة اجة الضابط كال هسة اخذج للسجن وامي سمعت هيج دك ولطم  اللة يخليك عوفهة وللة ماتعيدهة ونا بعالم ثاني ماعرف شديصير كالتله خابر لابوهة عميد بالجيش هذا رقمه كاللهة راح اسجنهة وخلي العميد يفيدها بعدين الشرطي توسل بالضابط كاله لخاطر امهة مرة جبيرة بالعمر اعتبرهة مثل امك وتتوسل بيك وقبل بكلامه ورجعنة للبيت جنة كاعدين خطار ابيت عمي ورها خلصنة من الزيارة ورجعنة لبيتنة بس بالطريق انا كله مصفنة  وتعبانة ومااحجي كلمة واكل مااكل رجعت للبيت نفس الوضع مااكل مضربة عن الطعام وتعبت نفسيتي محد يسئل شبيهة مابيهة مشمورة وحدي بغرفتي  وقررت انتحر لان تعبت كلش  محد بصفي بالدنيا هاي اخذت خمسين حباية ماصار بية شي بفترتهة كلش تعبت نفسيتي حسيت الحياة شريط اسود جان ابوي مسافر بغداد  ومن رجع امي سولفتله وكال  هاي مو طبيعية بيهة شي خل اوديهة للسيد يكشف عليهة نوب يوم ثاني هم اخذت حبوب بس غير نوعية لان اسودت الدنيا بوجهي كلش وماحسيت بروحي كلبي مثل جبود تتكطع يتكطع شوي شوي اشهك  مثل شهكة الموت يعني شفت الموت بعيني اجت اختي المتزوجة خطار النة ووكت الغدة اجت تصيحلي وكتلهة ماريد ماجانت تدري بية ماخذة حبوب ومقررة انتحار كالت كومي اكلي خو ماتضلين هيج كوتلهة ماريد وراحت يمهم يتغدون نوب انا ماتحملت الالم حسيت روحي تريد تطلع احساس صعب وكفت يم باب الصالة وكالو شبيج تعبت كلش تخربطت طحت كوتلهم ماخذة حبوب اختي ضلت دك وتلطم  واسمع مرت اخوي فوك بالطابق الثاني واختي الصغيرة ع الدرج واكفة تكوللهة جذابة مابيهة شي تمثل لاتصدكيهة صعدي يمي فوك عوفيهم يلا صعدي واختي واكفة ع الدرج وتحاجيهة ولج طاحت شفتهة بعيني طاحت ماتمثل ونوب خابرو ابوي ودوني للمستشفى  سوولي غسيل معدة رجعت نفسيتي زفت واكثر شوي لاانا كدرت اتحمل انتحار ولاكدرت اتحمل حياة وبالصدفة برجعتي من المستشفى سمعت صوت هلاهل بنت جيرانة وصديقة الطفولة عرست كلت بكلبي ناس تعرس وناس تموت حياتيش هاي وضلت المشاكل نفسهة ماتغيرت كلش تعبت نفسيتي نوم ماانام ماعرف شبية محد بحالي محد يسئل عني رحت للصيدلية اخذت منوم كلشي مافاد ماكدر انام ماعرف ليش حسيت روحي انقمتت من البيت  احس البيت ضلام كرهته كلت لازم اهج من البيت اروح ابيت عمتي انة ماعرف شلون هيج قررت اصلا انا ماحب بيت عمتي قصدي عمتي بالذات ماحبهة هية وابنهة ماحبهم احس عدهم كمية جبيرة من الشر والحقد والنفاق شلون رجلية ودتني هناك ماعررف طلعت الفجر امشي وخايفة ورحت الكراج اهل الكراج عبالهم عندي دوام وكالو خطية يفوتهة دوام رحت تكسي وية شكم ولد بعدين نزلت صعدت كوستر وابو الكوستر بس يسئل وين توصلين وشنو عندج دوام كتله اي علما وصلت روحي طلعت توب نزلت براس الشارع دخلت بالفرع اتمشة وصلت لبيت عمتي سلمت ودخلت رحبت بية عمتي وكالت لعد ويامن جاية كوتلهة وية اخوي بس عنده دوام فكال اوصلج من وكت وارجع الحك دوامي كالت هاا  صار الظهر تغدينة صار العصر مااسمع الا تلفون عمتي دك  واحنة كولنة ملتمين رجل عمتي وعمتي والبنات بس الولد ماكو  كالو الو كالو رنا عدكم كالت اي عدنة  كالو ندور عليهة طالعة من الصبح ماكو سدت الخط عمتي وضلت تحجي علية ليش هيج سويتي كوتلهة همة ضغطو علية  بس انا مامرتاحة يعني اوهم نفسي انة مرتاحة طلعت من بيتنة بس انة بداخلي مامرتاحة احس اكو شي يجبرني ابقة ابيت خالتي غصب عني جاي امشي غسلت بالمغسلة وجان رجل عمتي اسمعه يحجي وية ابنه يكوله ماتريد تتزوج هية وهوة ابن عمتي جان يصبغ غرفة خواته هوة ونسيبهم وفتت وجان كالي رجل عمتي كبال ابنه تردين تتزوجين كولت بكلبي هذا وين وانة وين  صدك فاصل  ونوب كوتله لا ماريد اتزوج جان اندار ع ابنه وكاله ماتريد تتزوج انا عفته ومشيت واسمعه كال لابوه انتة ماكلتلهة علية بس هيج كلت  وانا من سمعته اتمنة اخنكه هذا من كل عقله يحجي حافي مهتلف  زعطوط عقله طكة ونص حلكه ليكول مجاري مفيضة  ضجت كلت بعد ماطلع من الغرفة كله بالغرفة اكعد ع الصار  صار الليل ونا كاعدة وحدي ونوب اسمع ابن عمتي يكول لأمه صيحيلهة خلي تجي يمنة ليش كاعدة وحدهة بس لاتكوليلهة انا كلت هيج جان صاحتلي خالتي كالت تعاي يمنة محمد ابني يكول تعاي يمنة وهوة سمعهة هيج كالت وعصب عليهة وصيح وصعد فوك نوب انا كلت اهوو  شلون ورطة هاي انة احس بروحي مامرتاحة هنا وبنات عمتي المتزوجات  من اجن ابيت عمتي الي هنة بيت الهلهم بس يضحكن علية ويتبسبسن ونا اضوج واحتصر هاي شون  ورطة ياربي  انا شجابني هنا عمتي كالت اخابر لاهلج يجون ياخذوج  كوتلهة لا ماروح انا كالت لعد شلون تضلين هنا طول العمر كوتلهة اي  انا  اضل هنا طول العمر  ماارجع  ماعرف انا ليش هيج كلت صح بيت اهلي تعبت منه بس ع كولتهم اصوم اصوم وافطر  ع  بصلة  يعني انا مالكيت بيت غير عمتي الي مااحبهة النوب ابنهة يجي يمنة بغرفة البنات بحجة يحول الكهرباء  ويباوع وخواته يضحكن اوف يارب  هذا شنو مريض نفسي بشر مايطيقك بعيشة اللة على شنو هيج تسوي نوب يتحجج ويحجي وياي اخر شي اجو اهلي وانا قررت اروح لان لعبت نفسي الصراحة رجعت للبيت اعصابي تعبانة اريد اكتل اختي كضيتهة من كبايةشعرهة وهية خافت مني  ع فكرة احب انوه عن فد شغلة اكتشفتهة موخرا