فارس احلامي 😘

البارت السادس

#فارس احلامي #

$البارت السادس $

$$اجو لبيتنة ايرانيين وكالو نريد نروح للزيارة وجان وكت محرم والايرانيين كلش انعجبو بية النسوان نعجبن بية وكالن امشي ويانة للزيارة كولتلهم لا ماروح وامي كالت روحي وياهم غيري  كلت لا ماروح يوم ثاني بيبيتي كاعدة بغرفة امي وامي يمهة تصلي وكالت امشي وياهم كلت لا ماروح انطلقت بالحجي لان ايرانيين مو يمنة كلتلهة يمة شلون اروح وية ايرانيين ونا ماعرفهم حتة حجيهم مكسر جان تكول بيبيتي ولج اروح انتي باامانتي كوتلهة صدك تحجين كالت اي كوتلهة خوش لعد اروح مدام انتي وياي بس انا رجلي ع رجلج يعني خاف ترحين لبيت بناتج هناك بكربلة انا وياج ماروح وياهن كالت اي وياي وجان اختي كالت روحي انا لو منج وماعندي دراسة جان اروح وهاي البنية بعمرج الايرانية صيرن صديقات وتمشن وسولفن وضحكن غيري جو كلت خوش فكرة حضرت جنطة ورحنة وصلنة عدنة بنت بيبي انا اسميهة بيبي لان هية مرة جبيرة مرت عم ابوي بنتهة بكربلة متزوجة وزوجهة فاتح مضيف للزوار رحنة بتنة ابيتهم نوب هذن ايرانيات مايكعدن  من الفجر يفزعن ماشاللة صحة وعافية وعجايز هنة زرنة والطريق رجعنة مشي تونسنة صار الليل نامت يمي وحدة من ايران هم جاية بس كولش حليوة اسمهة فرح وكالت تدرس معهد اسلامي وحوزة ضلينة نسولف ونمت وصار الفجر كعدت ياربي منو هذا بالمنام كاتل روحه عليه جايب امه وياه ويريد يخطبني ونا ارفضه وهوة يلح  وانة اصيح ماريدك وهوة لزكة اريدج اريدج كعدت الفرج تريكنة نغسل اماعين الريوك اني وصديقتي زنوبة الايرانية 

$ رنا $   ولج زينب ضليت اضحك

$ زينب $  ها شبيج  ع شنو تضحكين

$ رنا $ ولج غير حلمت بواحد ماعرف وكاتل روحه علية يريد يخطبني وجايب امه اكوله ماريدك يكولي اريدج

$زينب $  يعني ماتعرفينه انتي

$ رنا $  لا ماعرفه اصلا حتة شكله مو واضح 
$ زينب $ هههه صدك يضحك ماتردينه ويكول اريدج النوب جايب امه

$ رنا $  هههه اي ولج جايب امه وياه
خلصنة غسل المواعين ورحنة سولفنة وية ام البيت الي هية بنت عم ابوي كالت اكو وحدة اجت قبل اسبوع للزيارة باتت عدنة وكالت داوم كلية وهاي البنت قصتهة قصة كالت اكو ولد يلاحكهة لان هية حلوة وجميلة كلش بس هية تلبس عباية يعني ماطالع منهة شي ونزل من سيارته وكاللهة اذا ماتصعدين وياي افضحج يم اهلج وتكول رفضت وميتة خوف وصدك سواها وخابر لابوهة وابوهة كتلهة وكالتلهم وللة مو هيج السالفة هوة اعترضلي وراحو وسجلو عليه دعوة وذبوه بالسجن المهم  بعدين رحنة زرنة وندعيت كون اتعين وناذرة راتبي الاول بصندوك الحسين ورجعت للبيت مشتاقة لغرفتي وجان محرم وصدفة جان يوم القاسم وبيبي راحت الصبح قراية وكوتلهة جيبيلي شمعة وبخور كالت هاي مو اول عشرة عشرة ثالثة كلتلهة حتة لو بس اجت بلحضتهة بس شغلتهة ونذرت ع تعيين بالحضتهة دك تلفون
$بابا $  بابا اجاني مسج  ع تعيينج  تفائلي بالخير انشاللة خير سد التلفون

$ رنا $   مامعقول معقولة تعينت طايرة من الفرح  مامصدكة واخيرا حطلع من البيت هذا كاانه كبر رحنة انا وابوي جان طلع تعييني  وفرحت رجعت لكيت الكل مصدوف هههه مامصدكين ونا فرحانة واخيرا دخل الفرح بيتنة ونطرد الشر الي هوة مرت اخوي ويوم ثاني رحت لمكان تعييني والصدمة مكان زبالة ضجت نقهرت اريد انتقل ومايقبلون عانيت شوي والمدير شوي اذاني والي وياه معاملتهة كلش زفت وياي كلبهة قاسي وماتعرف رحمة مامصدكة صايرة مسؤالة وية المدير المهم عدت فد كم شهر ع تعييني كلت خلي اخلي نت راوتر مليت من اشتراك رصيد وصرف فلوس وماالحك عليه شتريته ونصبته وكملته ياي  هواي برامج حلوة تخبل اشكال ونا ماعندي شي لا ماما ولا دادا كاضيتهة نت ودوام خليت كومة برامج احتار يابرنامج اخليه تانكو  ويجات  فيس  ايمو  وبعد ماتذكر شنو من برامج هنة هواي  الهي روحي بيهن واصدقاء كومة عندي بنات ولد بس فد ملاحظة صغيرة انا ماكنت اراسل شباب لغرض الحب هيج مجرد صداقة فقط وبنات هواي سوالف دك للصبح يسولفن عن حياتهن ونشر وتعليقات كومة ومتونسة انشر ويعلقون وللة حلوة ذيج الايام جانت البنات كلهة متونسة بالنت وكلهة بس يدزولهة طلب توافق حتة لو ماتعرفه هسة الفيس صار بيه ضوابط وتغير نضامه مايصير ايضيف بس الاصدقاء واذا ضافو غريب يصير عرضة للتهكير بسرعة ويوم من الايام شفت برنامج جديد اسمه ويجات كلت خلي انزله نوب تعرفت ع بنية كالت انا احب مبين عليهة فطيرة وطفلة صغيرة بالعمر كوتلهة صدك ومنين تعرفتي ع حبيبج  كالت من هذا البرنامج الي جاي اراسلج منه الي هوة الويجات انا متت ضحك هههههه شنو من النت تحبين وهية ضحكت كالت اي كوتلهة هاي شون يصير وين تعرفينه شنو ماشنو وين يشوفج وين تشوفينه كالت بالصور نتشاوف انا كلت ليش  ماافكر بالزواج ابدي اتعرف ع واحد  من النت نية زواج فقط يعني مو حب واجرب واشوف يجوز يصير تفاهم بس انا بعيدة كل البعد عن الحب رافضة شي اسمه حب كرهته الحب كلش كرهته من تجربتي الفاشلة بالحب كرهته كلت شنو يعني الا حب هاي ناس كولهة تتزوج الا عن طريق حب عادي اهم شي خوش ولد ومامنه زلة رحت ويجات كوومة طلبات صداقة ياربي شبية خايفة اختار واحد من الطلبات واوافق عليه شو انا هواي اصدقاء عندي ومافكرت فد يوم اخاف يمكن لان الوضع يختلف لان هسة فكرت بواحد كزوج فترددت وخفت يعني هاي تجربة جديدة وصعبة شفتت ولد يعني متوسط الشكل يعني مقبول  طاكهة صفنة ولابس قميص احمر مخطط اسود وافقت ع طلبه

$ وسام $ مرحبا

$ رنا $ مراحب
$وسام $ شلونج
$رنا $ حمدللة تمام
$وسام $  من وين

$ رنا $ امم من البصرة
$ وسام $  امم حلو وشكد عمرج 
$ رنا $ عمري 24
$ وسام $ العمر كوله يارب
$ وسام $ شنو مخلصة دراسة
$ رنا $ اي مخلصة معهد وحاليا متعينة

$ وسام $ حلوو بالتوفيق انشاللة 

$ رنا $ وانتة ماعرفتني بحضرتك

$ وسام $  اسمي وسام عمري 25سنة خريح كلية ادارة واقتصاد وحاليا اشتغل بشركة اهلية

وساعات اروح يم بابا بالسنتر مالنة
  

$ رنا $ امم  العمر كوله وبالتوفيق يارب

$ وسام $ رنا انا ارتاحيتلج

$ رنا $ احجي بكلبي يمة نفس احساسي انة هم ارتاحيتله بيه شي يختلف عن