ياسر اول م طلع شاف فاطمه نايمه في الارض قال في نفسو صحي والله جايه من البلد دي البنوما في الارض كدا شنو😒 قرب منها وشاف ملامح وشها😍😍😍😍 قال ماشاء الله تبارك الله معقول في جمال زي دا في الدنيا😍😍😍😍
وبقي واقف مسااافه يعاين ليها لما انتبه لي نفسو وبقي يتمتم شنو ي ياسر دي م نوعك المفضل اصلا م شايفا مبهدله كيف كدا اصحيها اشوف وراها ياتو مصيبه😑
ياسر: فاطمه ي استاذه انتي وبقي يلكز بي رجلو فيها 😒
قومي ي استاذه انتي م نايمه في فندق ممكن تقومي وبعدين النومك في الارض كدا شنو زاتو😒
فاطمه صحت مخلوعه طوالي شالت طرحتا لفتا في راسا وعاينت ليهو اول مره تشوف ملامحو ماشاء الله😍😍 بقت مقهيه فيهو لابس قميص ابيض وبنطلون اسود وجزمه كلاسيك وشايل في يدو شنطه صغيره مع الحزام شي فنان بعد فاقت من انبراشا قالت ليو : انت مشيت نمت طوالي ولا حتي وريتني الغرفه وين😦
ياسر اتذكر وحسي انو الغلط منو م منها🙄
قال ليها خلاص قومي انا طالع عندي شغل ارح وديك محل م كنتي ماشه امس✋
فاطمه ارتبكت وقامت وقفت قصادو وقالت ليو😞 انا م عندي مكان امشي ليهو اصلا انا جيت 😞
ياسر قاطعا كييييييف يعني م عندك مكان قاصداو في زول بجي الخرطوم ساي كدا انتي م عارفه انو الخرطوم دي كبيره وفيها الف مصيبه ومصيبه😳😳
فاطمه: انا جيت هاربه من راجل خالتي😞
ياسر:😨😨😨😨😨 كمان هاربه من اهلك وقاعده في بيتي دي مصيبه شنو انتي لي هربتي م تكوني قاتله ليك روحي 😨😨 هوي ي بت الناس انا امس جبتك هنا عشان البرد لكن والله م مستعد لي مشاكل بالله بس ي ترجعي بلدكم ي م عارفه زاتو ياخ👿👿👿 ياسر غضب شديد وبقي يحرك اصابعو حركه بعملا لمن يعصب .
فاطمه قالت ليو: خلاص انا حمشي وشكرا ليك انك خليتني انوم في بيتك شكرا لك كتير😞
فاطمه بدت تلم في حاجات ودا كلو ياسر بعاين ليها وقلبو م مطاوعو يخليها تمشي حتعمل شنو براها في الخرطوم لازم يساعدا علي الاقل💔😑
ياسر: م حتمشي خليكي😒
فاطمه: هسي مش قلت لي امشي؟!!!
ياسر: ي ستي غيرتا راي م تمشي خليكي انا طالع الشغل وبجي المسا شايفه الشباك دا واشر ليها علي شباك علي الشارع قال ليها م تفتحيو ولا تعلي صوت التلفزيون كل العماره عارفه انا عذابي وعارفين اني شغال الصباح م بكون في البيت ياريت تقعدي لحدي م اجي من الشغل ووتحكي لي القصه كلها فاهمه😑✋
فاطمه 😒😒😒: انت عشان دا بيتك عايز تتحكم فيني م بحكي ليك قصه ولا حاجه😑
ياسر: ي بت الناس انتي في موقف م بسمح ليك تتلائمي ولا كلامي دا غلط؟!😦
