ياسر بعد تعب قدر يقوم من السرير ويفتح الباب لقي الصينيه قدام الباب وعرف انو فاطمه م عايزه تشوفو
شال الصينيه ختاها في الطربيزه م كان عندو نفس ياكل بس شرب العصير 👋
شويه كدا جاتو مكالمه تلفون ردا وكان المتصل ابوهو ياسر رد : السلام عليكم
عبدالله: وعليكم السلام كيفك ي ياسر اخبارك شنو
ياسر بصوت تعبان: كويس ي ابوي الحمدلله انت كيفك قالو لي جاي السودان؟!
عبدالله: ايوا بكرا الفجر بكون عندك لكن صوتك دا مالو ي ولدي مهزوز كدا في شي حاصل؟!
ياسر:ابدا ي ابوي والله مافي شي شويه ارهاق وحيروحو
عبدالله: م تترهق نفسك حبيت اديك خبر اني جاي السودان بكرا ولقيت امك ماشاء الله م مقصره😂
ياسر: اي والله كلمتني اول امس توصل بالسلامه ي حاج👋
عبدالله : الله يسلمك يا ولدي خلاص انا بكرا قبل م اطلع المطار بديك تلفون لانو م قاعده في الخرطوم مسافر كسلا طوالي🙂👋
ياسر سمع كسلا من هنا قام قعد في نص السرير 😨: كسلا لشنو كسلا ي ابوي؟!
عبدالله :والله ي ولدي عندي ورق لازم يتوقع والمشكله الزول الخاشي معاهو في الشغل دا عندو اخوهو راقد في المستشفي وما بقدر يجي الخرطوم👋
ياسر باستغراب : خير أن شاء الله مالو الراجل🙄
عبدالله : والله قالو اعتدو ضربو بي قزاز او حاجه بالشكل دا م متاكد من التفاصيل عليه واظن راقد في المستشفي 🤔🤔🤔
ياسر نطط عيونو وحسي انو مرضو دا كلو راح نهائي وقال لي ابوهو : طيب الزول دا ليهو كم يوم ي حاج راقد؟!
عبدالله: انت مالك مهتمي كدا م من عوايدك تهتم بي شغلي وتفاصيلو؟!!
ياسر: لالا ي حاج بس قلت لو صحبك شديد امشي معاك ومنها اغير جو لي زمن م زرتا الولايات🙄
عبدالله: سبحان الله ي ياسر من بتين بتحب تسافر معاي م عارف بس م مطمن ليك نهائي😑
ياسر: شنو ي حاج مجرد فكره وخلاص زاتو لغيتا😑
عبد الله؛ كدا لمن اصل السودان اشوف البحصل شنو يلا في امان الله✋
ياسر طوالي مسك تلفونو واتصل الرقم السجلو كان مكتوب في ورقه العند فاطمه واتصل اول مره الشبكه م جمعت بس اتصل كتير لين م دخل معاو الخط واستني الرد🙄🙄🙄🙄
جاهو صوت مره: الووو
ياسر اتردد قبل م يرد بس اتشجع وردا قال: السلام عليكم
طبعا عرفتو الردت منو دي خاله فاطمه زاتا كانت شايله تلفون سليمان عندها✋
محاسن: وعليكم السلام منو معاي؟!
