وصلت أسيف إلى المستشفي وأعطت الدكتور ماجد الاوراق وطلبت منه ان تذهب الي بيتها حيث انها منهكه القوي فأذن لها بالذهاب
عندما وصلت اسيف الي الحاره قابلت ادهم يجري
أسيف / ايه يا ادهم أحنا مش قولنا بلاش جري لحد ما تخلص العمليه علي خير
ادهم/ خلاص يا دوك ما تزعليش نفسك ياختي علشان اللي في بطنك
أسيف/هههههه مش هتبطل لماضه بقا ويلا سلام انا جايه مكسره
وصلت اسيف إلى منزلها وشرعت في إعداد الطعام لنفسها وعندما همت بالاكل صدع صوت الجرس ذهبت أسيف لكي تفتح الباب
على / دا أنا كنت همشي افتكرتك نمتي
أسيف/ لا يا قلبي اتفضل ادخل .تعال كل معايا
على / احنا مش اتفقنا يا اسيف تيجي على الأقل يا ستي تاكلي معانا بدل ما بتيجي تعبانه ومهدود حيلك وماما قالتلك كذا مره علي كده
أسيف / انا مش عايزه اتعبكم معايا اكتر من كدا. انتو ايه اللي يجبركم تستحملوني .مش كفايه زمانك عايش في مكان أحسن من كده بس مش رادي علشاني
علي / انتي اتهبلتي تعب ايه وأرف ايه .انتي مش شايفاني اخوكي يا أسيف . انا اصلا غلطان إني جيت
أسيف وقد شرعت في البكاء/ انا اسفه يا علي انتا عارف انا بحبك قد ايه ومش عايزاك تشتال همي
علي بمزاح/وأشتالك كمان هو انا عندي كام أسيف . وبعدين يا بت اجمدي كدا مش كل كلمتين عياط شكل العيال الامؤاخذة كده
أسيف وقد لكزته في صدره/ بطل يا بارد وتعال كل
علي/ يلا يا ست الحسن
وقد جلسوا يتناولون الطعام وسط مزاحهم معا
علي / صحيح يا اسيف روحتي مستشفي الصياد
أسيف وقد شعرت بالتوتر كما حدث /ها آه رحتها
علي وقد شعر بتوترها/يعني كله تمام!
أسيف وهي تحاول إنهاء الموضوع/اه اه كله تمام . قولي انتا شغلك عامل ايه
علي/ الشغل . اهو ماشي
أسيف / خلي بالك من نفسك يا علي
علي/ما تقلقيش يا أسيف اللي كاتبه ربنا لنا هيكون
أسيف/ونعم بالله . معدشي غير ثلاثه شهور على رمضان ولازم الفانوس تجيبه والا مش هرحمك
علي/هههههه هو انا كنت نسيته قبل كدا علشان انساه المرادي فاكره يا أسيف اما كنا بنطير الطائرات ويجي ابوكي وابويا الله يرحمهم يلعبوا معانا
أسيف/ربنا يرحمهم وانتا دايما كنت بتكون كسبان بس تيجي في النهايه وتخسر علشان مزعلشي
علي/انتي غاليه عندي اوي يا أسيف دا أنا شايل مسؤليتك من صغري طول عمري بعتبرك بنتي
أسيف/ربنا يخليك ليا يا احلي اخ موز في العالم
علي/ههههههه يلا يا بت قومي جيبلنا بطنيتين نفرشهم في الصاله ونتفرج على اي فيلم كرتون
أسيف/ ههههههههههه كرتون مره واحده
علي /يلا يا بت انجزي
أسيف وقد جاءت بما يريد/يلا افرشهم انتا وظبط المكان انا اعمل فشار بسرعه واجي
علي/تمام هاتي يا أختي
جلسوا بجوار بعضهم وشرعوا في اكل الفشار ومشاهده الفيلم وقد جذبها علي الي صدره واستندت عليه وأخذوا يشاهدون الفيلم في جو ملئ بالحب والمرح
.............................................................
رجع أوس إلى منزله ثم صعد إلى حجرته وعندما خرج من الحمام و ارتدي ملابسه ثم دق على غرفته
أوس/ ادخل
الخادمه / موظف من الشركه تحت يا اوس ليه
أوس / دخليه المكتب واعملي قهوه
الخادمه/تمام يا بيه
نزل أوس بعد قليل الي حجره المكتب فوجد من كان كلفه بمعرفه المعلومات عن أسيف
أوس/ها قول
الموظف/ أسمها أسيف الهلالي أبوها ومامتها متوفيين .دكتوره أطفال شغاله في مستشفي الدكتور ماجد .عايشه لوحدها .لماسألت الناس عنها على اساس انها لوحدها شهدولها كلهم بالاحترام وشكلها محبوبه خالص في حارتهم لها ابن عم عايش هو وامه في الشقه اللي قصادهم هو علي الهلالي ظابط في الجيش قريبين من بعض جدا وكان بايت عندها امبارح
وعند هذه النقطه احتقن وجه أوس وتصاعدت الدماء فيه
الموظف/ واللي عرفته انهم اخوات في الرضاعه
تنفس أوس بارتياح عند هذه النقطه وقد وعد نفسه بانها ستكون له شاءت ام أبيت لا يعرف لماذا ولكنه اقنع نفسه بأنه لا أحد يرفضه لذا سيمتلكها ثم يتركها لا تصلح الي شئ
أوس/تقدر تمشي دلوقتي
ثم صعد أوس الي حجرته كي ينال قسطا من الراحه قبل تنفيذ ما يرنو اليه في امتلاكها
وأخذ يفكر في عيناها الرائعه ولكنه نفض عنه أفكاره ومن ثم نام سريعا
