دخل جواد وحياه الغرفه
حياه/ انا هنام فين
جواد/ في حضني
حياه / هنهزر
جواد/لا مبهزرش هتنامي فين يعني
حياه /عالسرير طبعا
جواد/ ما أنا بقول كده
وتقدم إليها
حياه / انتا رايح فين
جواد /هنام على السرير
حياه/ لا طبعا انتا ناسي ان احنا في حكم المطلقين
جواد/ في شرع مين ما يختي
حياه /بطل هزار
جواد/يطلب انتي هبل ويلا نامي وراي شغل
حياه / أوف سيبهالك انا هنام على الكنبه
جواد/ حياه .ما تخلنيش اتنرفز عليكي تعالى نامي
حياه / يا ربي
جواد بزعيق/ خلصي
حياه /اهو
تقدمت أسيف ونامت بجواره علي السرير واتخذت مسافه منه فقام جواد بسحبها الي احضانه. صدمت حياه من فعلته وابعدت يداه وقالت
حياه/ لوسمحت يا جواد احترم رغبتي
لم يبالي بها جواد واحتضنها أكثر
حياه في نفسها بسعاده/الحمد لله انه محترمهاش
جواد/ اه...... لو تعرفي يا حياه انا كنت ضايع من غيرك ازاي
حياه قاومت دموعها ولم ترد عليه فهي سامحته ولكنها تريد ان تعذبه قليلا بتركه لها
وفي اليوم التالي استيقظ جواد ولم يجد حياه بجواره وبعد قليل وجدها تخرج من الحمام
جواد /صباح الخير
حياه بهدوء /صباح النور
جواد بإستغراب /سبحان مغير الأحوال
حياه/اللهم اطولك يا روح
جواد/ لا والنبي ما تتحولي
حياه/ انا ماليش نفس أشاكلك
وأخذت حياه تمشط شعرها وفجأه وجدت جواد خلفها وأخذ منها المشط وأخذ يعدل من شعرها وبعد الانتهاء منه أدارها إليه
جواد بهيام/ انتي لو تعرفي انا بعشقك اد ايه مش هتعذبيني ببعدك كده
حياه/مش أنا اللي طلبت البعد يا جواد
جواد/ انتي اللي سبتيني في عز ما كنت المفروض أكون جنبك
حياه / انتا اللي حكمت عليا من غير ما تسمعني ورمتني
جواد/ انا مرمتكيش يا حياه مفيش حد يقدر يرمي روحه
حياه وقد ادمعت عيناها / وانتا قتلت روحك لما قلت عليا تربيه حواري وأنك لمتني من الشوارع
جواد/ يا حياه
قاطعته حياه/ لا يا جواد متبررش انا لا يمكن انسي ابدا ولو انا نسيت فسيف مش هينسي
جواد /انتي فاكراها سهله عليا اني لحد دلوقتي مش عارف احضن ابني
حياه / انتا اللي عملت في نفسك كده
جواد/ سامحيني يا حياه وساعديني اتقرب من سيف
حياه/ اسامحك يمكن بس أكيد مش دلوقتي لكن اقربك من سيف فدا محدش هيقدر يساعدك فيه غير سيف بذات نفسه انا عارفه ابني كويس
جواد/ يعني في امل
حياه/ضعيف
جواد/المهم يكون فيه وأنا مش هزهق ابدا
حياه/ انتا زهقت قبل كده انك تدور عليا ما تقولش كلام انتا مش قده
جواد / يا حياه انا نفسي حياتنا ترجع شكل الأول
حياه / ترجع شكل الأول ..لما احنا الأول نرجع
جواد / واحنا لسه شكل زمان ياحياه
حياه/ مش انا
جواد/ انتي لسه بتحبيني شكل زمان انا عارفك
حياه/ وأنا اتغيرت ويلا علشان انا هنزل لان آسر جاي النهارده
وقبل ان يتكلم جواد كانت حياه قد سبقته ونزلت إلى الأسفل ثم نزل ورائها
سلوي / صباح الخير يا حياه
حياه/صباح الخير يا ماما ولم تعير نور اي انتباه وكأنها غير موجوده
جواد / صباح الخير
رد الجميع عليه ما عدا سيف
جواد/ازيك يا سيف يا حبيبي مرتاح في أوضتك انا خلتهم يجددوها ويخلوا فيها كل اللي نفسك فيه وحتي خلتهم يجددوا الونها ايه رأيك في ذوقي
سيف/ مقرف
حياه / سيف . اتأسف لبابا فورا وقوله شكرا على اللي عمله
سيف/ يا ماما الاوضه مثال على العكعكه بجد دا عامله شكل اوضه البنات وحاططلي تويتي على الجدران
حياه وقد كتمت ضحكتها/معلش يا حبيبي هو لسه ماتعودش
سيف/ طب اما يتعود بقا
جواد وقد كز على اسنانه من الغيظ / خف علينا شويه يا باشا
سيف / ما أنا ناوي أخف خالص لما نمشي من هنا
جواد/ ابقي غطيها وانتا نايم
سيف/ هيا ايه دي
جواد/.......
حياه بصوت عالي/ جواد
جواد/الله مش عاملي غاندي وعمال يتكلم بثقه من امبارح
سلوى / في ايه يا جماعه مش عارفين نقعد هاديين شويه
جواد وقد وضع يده على فمه/ سكت خالص اهو
وهنا رن جرس الباب
ودخل آسر فأسرع إليه سيف وقام بإحتضانه بشده
سيف / ازيك يا بابا
آسر وقد تذكر خطه سيف وحياه في انهم يريدون إغضاب جواد/ازيك يا حبيبي عامل ايه
سيف/ بقيت كويس اما شوفتك
جواد بتهكم / من امتي الحنيه دي يا استاذ سيف
سيف/ لا بابا آسر حاله خاصه
جواد/ ياك بو اما يتنفخك
حياه / جواد الفاظك ثم توجهت الي آسر قائله وهي تتصنع الخجل
حياه/ازيك يا آسر. عامل ايه
أسر / تمام لما شوفتك
جواد/ اه وايه كمان يا آسر
آسر / حياه معزتها في قلبي كبيره.. كبيره قوي
جواد / ما هو واضح
آسر/ يلا يا حياه انتي وسيف علشان منتأخرش
حياه / هاجيب الشنطه واجي
جواد/ لا والله
آسر /اه والله دا بعد إذنك طبعا
جواد بسخريه / لا عيب عليك ما تقولش كده
آسر / لو عايز ممكن تيجي معانا
جواد / طبعا هو انا هسيبكم
لم يعارض جواد لأنه يعلم بأنها خدعه منهم لكي يغضبوه فهو يعرف ان حياه تحبه بشده ويعلم ان نظرات آسر لحياه ليست بنظرات حب بل هي نظره أخوه ولكن أكثر ما يؤلمه هو تعلق سيف به وشده حبه له
وجاءت كل من حياه وسيف وذهبوا هم الاربعه
