بعد مرور أسبوع فاصل في حياه الجميع كان الجميع قد اتخذ قراره الأخير
.........
علي بزعيق/ياااا ماما
والدته/ بتزعق ليه يا زفت هو انا في تاني بلد
علي/ الجاكت الجديد فين
والدته/ هتلقيك رميه في اي حته
علي /استغفر الله العظيم
والدته/ انتا مضايق وهطلعهم عليا . ثم قالت مازحه. هيا علشان نفضتلك هههههههه
علي/اللهم اطولك يا روح
والدته /ههههههه أنا راحه أشوف الأكل
وهنا رن هاتف علي وكان المتصل والد رهف
علي/ازيك يا عمي .عامل ايه
/................
على بسعادة / ان شاء الله هاجيب الست الوالده ونبقي عندكم يوم الاتنين نقرأ الفتحه
/................
علي/ان شاء الله .السلام عليكم
علي بسعاده /يااااا ماما
والدته/ بطل زعيق يا بغل انا جايه أهو
وهنا امسكها علي وأخذ يدور بها
والدته/ يا لهوووي هموت
على /وافقت يا ماما
والدته/ بطل يا بن الهبله
علي/أهو خلاص بقلك رهف وافقت
والدته/ما هيا يا بن العبيطه لو كنت واخد بالك منها من الأول كما هتعرف هيا بتحبك قد ايه واكيد كانت هتوافق
علي/ ما انتو كلكوا ملاحظين بقا
والدته/ احنا مش ملاحظين انتا اللي اعمي
علي/طب أنا رايح لأسيف مشوفتهاش من أسبوع
والدته / غريبه هيا أسيف مش عارفه أنك مسافر
علي /لا عارفه
والدته/ انا برضوا استغربت دي عارفه حاجات عنك اكتر مني
علي/أسيف دي بنتي
والدته/ ربنا يخليكوا لبعض
علي /طب أنا رايحلها بقا وهبقي أنزل اتمشي شويه
والدته بخبث / تتمشي ولا رايح المستشفي
على بضحك/ههههههه عيب عليكي يا لولو رايح المستشفي طبعا ويلا بقا سلام
والدته/سلام يا حبيبي
.............................................................كانت أسيف جالسه في حجرتها تفكر أتقول
لعلي ولكنها خائفه عليه فهو لن يقبل بما حدث لها وهي خائفه مما سيحدث بينه وبين أوس فهي تعلم ان أوس قاتل ولن يتوان علي قتله بدم بارد وعند هذه اللحظه رن جري الباب ففزعت أسيف بشده ظنا انه أوس فذهبت عند الباب بخوف
أسيف بصوت مرتجف /م....مين
على ب إستغراب /انا يا أسيف
فتحت أسيف له الباب ثم قالت بتنهده
اسيف/ازيك يا علي
على بخوف /أسيف ايه اللي عامل فيكي كده
أسيف /مفيش حاجه تعبانه شويه
علي بشك/انتي مش تعبانه يا أسيف قوليلي في ايه
أسيف وقد اجهشت في البكاء فهي لن تتحمل أن يتأذي اخاها بسببها/ ما قلتلك تعبانه
على وقد فزع من منظرها/ خلاص يا حبيبتي بطلي قلبي بيوجعني لما بطعيتي دا الموت اهون عليا من إني أشوف دموعك
أسيف وهي تمسح دموعها / بعد الشر عليك
علي/تعالي يا ستي اقعدي على الكنبه دي هعمل حاجه وجايلك
وذهب علي وجلب المفارش وصنع جلستهم المفضله أمام التلفاز ثم جذب أسيف من ذراعها واجلسها في حضنه وأخذ يمسح علي شعرها بحنان
علي/أهدي يا قلبي واحكيلي والله هترتاحي
أسيف وهي تقول في سرها /منك لله يا اوس أول مره اكدب عليه
علي/ها سرحتي فين
أسيف / انا..... كنت زعلانه أصلي افتكرت بابا وماما لأني كنت مريضه في أول الأسبوع ولقيت نفسي وحيده وانتا مكنتش هنا علشان كده مكنتش بعمل حاجه إلا إني اعيط
علي بهدوء وما زال يمسح علي شعرها/ودلوقتي احسن
أسيف /الحمد لله
علي/بس أنا لما اكون مش هنا في ماما يا أسيف وانتي عارفه هيا بتحبك قد ايه وبتعاملك شكلي بالظبط وبعدين يا ستي عندك حبيبه قلبي رهف
أسيف /ما حبتشي ازعج حد
علي /ماتقوليش كده يا أسيف هما لو عرفوا أنك كنت تعبانه وماقولتيش لهم هيزعلوا منك جامد
أسيف /خلاص بالله عليك يا علي ما تقولهم
علي / خلاص يا ستي مش هقول .وصحيح ما أنا نسيت خالص اقولك ان رهف وافقت
أسيف / والله دا على اساس أنك اهبل مثلا دا الاعمي يشوف انها هتموت نفسها عليك
على بضحك /هههههههه لا ما هو انا شكلي فعلا اتعميت لسه ماما قايلالي نفس الكلام
أسيف /ربنا يتمملك بخير
على /يا رب انا ماشي بقا أصلي ناوي افاجئ الدكتوره وهاعدي عليكي باليل
أسيف /ماشي
وخرج من العماره وأثناء مروره في الشارع قابل ادهم
علي /ازيك يا دومه
أدهم /ازيك يا باشا
علي/هههههه باشا مره واحده دا أنا كده هتغر .قولي عامل ايه في مذاكرتك
أدهم / حلوه يا أخ علي
علي / طب حضرلي نفسك بقى يا خفيف قريب علشان هتجوز
أدهم بفزع/تتجوز.. بالله عليك ما تعملها
علي بإستغراب/ليه
أدهم / رهف هتزعل اوى والله دي شكلها بتحبك موت
علي بضحك شديد/ههههههههه حتي انتا يا أدهم ملاحظ.طب يلا يا اخويا بطل لعب وروح ذاكر شويه
.............................................................أسيف وهي جالسه أمام التلفاز رن هاتفها برقم غريب فتحت أسيف الخط
أسيف /السلام عليكم
......../ازيك يا قطه
أسيف بخوف/أ...أوس
أوس /أظن المهله انتهت ولا شكلك ناويه تسمعي خبر استشهاد ضابط بالجيش
أسيف بسرعه/لا بالله عليك انا موافقه
أوس بسعاده خفيه /انا قولتلك قبل كده أنا لما بعوز حاجه هخودها
أسيف /طب انتا ازاي هتيجي وهقول انا لعلي ايه
أوس بغضب/وهو سي علي كان من بقيت أهلك
أسيف /بس هو الوصي عليا
أوس / ليه بترضعي وانا معرفشي
أسيف /طب هتعمل ايه
أوس /مالكيش دعوه انتي
أسيف بخوف/حاضر بس بالله عليك ما تأذي علي
اوس/انا اديتك كلمه والقناص مبيرجعش في كلمه قالها لو علي موته
أسيف /تمام
أوس /آخر الشهر هتبقي في بيتي
أسيف بفزع /آخر الشهر ايه يا مجنون
اوس /لمي لسانك يا قطه علشان متندميش
أسيف /قصدي ازاي هتقنع علي وهو أكيد عارف أنك القناص ومش هيرضا
أوس بمكر /بس لما انتي تكوني عايزاني اكيد هيرضي
أسيف /ها... لا مش هعرف اكدب عليه اكتر من كده
اوس /خلاص نرتاح منه خالص
أسيف /لا خلاص والله هقوله ان أنا اللي عايزاك
كم اعجبته هذه الكلمه وتمني حقا ان تكون نابعه منها
أوس /خلاص ماشي انا هتصرف
وقفل معها الخط ظلت أسيف تبكي علي حالها كثيرا إلى ان غفت أمام التلفاز
.............................................................انا الجانب الآخر كانت حياه وسيف كانوا انتهوا من ترتيب البيت الجديد
سيف /البيت دا حلو أوي بس مش احلي عندي من بيتنا التاني
حياه/ان شاء الله هنرجعله تاني قريب
سيف /ان شاء الله .انتي هتروحي دلوقتي الشغل
حياه/ايوه . وهاتروح معايا انتا كمان
سيف /ليه ؟
حياه /علشان مبقاش خايفه عليك وأنا هناك
سيف/ما أنا كنت بفضل لوحدي في البيت في بيتنا
حياه/ يا حبيبي الشقه هنا لسه جديده علينا وأنا مش هبقي مطمنه وانا في الشغل
سيف/خلاص يا ماما انا هقوم البس
حياه /ماشي يا حبيبي
وانتهت حياه وسيف من لبس ملابسهم فكانت حياه مثال دائما على الاناقه وحجابها يزيدها جمالا وكانت معروفه من صغرها بعشق الموضه وقد اكتسب منها سيف هذه الصفه فهو يلبس كل ما هو جديد ويظهره بشخصيه جاده فكان دائما ما يلفت الانظار بوسامته التي اكتسبها من ابيه وحداثه لبسه التي اكتسبها من امه وشخصيته الجاده التي اكتسبها من أوس وعندما وصلوا إلى الشركه ظلت حياه تستعيد بها الذكريات فوجدت سيف يشد على يدها ليخبرها بانه معها فهو يعلم تمام العلم بان امه لم تنس ابيه ولو للحظه .دخل هو وامه إلى الشركه وذهبوا الي مكتب أوس وادخلتهم السكرتيره بسرعه بناء علي طلب من اوس .دقت حياه الباب وسمح لها أوس بالدخول
حياه/السلام عليكم .ازيك يا اوس بيه
اوس/أوس بس يا حياه من امتي كان بينا الألقاب
حياه/حاجات كتير اتغيرت
وهنا لمح أوس سيف فقام له واحتضنه بشده وجلس بجانبه
أوس بسعاده / نسخه مصغره من جواد
وهنا دخل جواد وكاد أن يتكلم حتى فاجئه الصغير يقول
سيف بهدوء/حد قالك إني واطي
حياه بزعيق/سيف
ابتلع جواد ريقه ثم قال/ازيك يا حياه
سيف بتهكم/اهي كملت
حياه /سيف انتا زودتها اوي اتفضل استناني بره
أوس بإعجاب من شخصيه سيف/لا راجل
حياه بعمليه/من فضلك يا اوس بيه خلينا نتكلم في الشغل
جواد بحزن/حياه
حياه وقد أغمضت عيناها فأكثر ما يؤلمها صوت كسرته /انا اسفه عن اللي حصل من شويه سيف متدايق بس لانو كان مرتبط بيبتنا أوي وهو متأكد ان انتم اللي ورا نقلنا
أوس بإعجاب/لا وذكي كمان
جواد/حياه انتي لسه علي ذمتي وأنا مستحيل اخليكي تعيشي بعيد عني انتي وأبني
وهنا دخل سيف ليطمئن علي امه
سيف/ لا معلش علشان تربيه الحواري ميوسخوش فيلة بابي
أوس بضحك/هههههههه انتا عقلك احسن من عقل ابوك
جواد /سيف أنا باباك
سيف / انا بابا وماما هي حياه وانا راضي
حياه وقد ادمعت عيناها/يلا يا حبيبي
جواد بغضب/انتو هتيجوا معايا
أوس قائلا في نفسه/هيضيع نفسه بغبائه .ونظر الي جواد كأنما يقول له هو دا اللي اتفقنا عليه
حياه بغضب /لا طبعا يلا يا أوس
جواد/ لا يماما انتو اخرتكم النهارده تجهزوا حاجتكم والا والله العظيم ما هتشوفي ابنك
حياه بصوت عالي/انتا شكلك اتجننت انا مفيش حد يقدر ياخد مني ابني
جواد/دا لما انا اكون اي حد انا جواد الاباصيري وأظنك عارفه يعني ايه
سيف وقد كرهه كثيرا وأخذ ينظر إليه بغضب
سيف /يلا يا ماما الناس دي مش عندهم قلب .هيا النار هتتملي من شويه
أوس /ههههههههه فعلا قريب القناص
خرجت حياه مع سيف
جواد وهو يجاهد دموعه/ ابني بيكرهني يا اوس
أوس/سيف ذكي وانتا هتشرحله وجهه نظرك هيسامحك بس انتا لبخت
جواد/ما قدرتش انهم يبعدوا عني انا هجيبهم الفله وبعدين هفضل معاهم عالطول لأني لازم اخليهم يسامحوني
أوس /ان شاء الله يسامحوك
جواد/ يا رب
.............................................................رهف وهي جالسه في حجرتها بالمشفي دق الباب
رهف/أدخل
على /يا صباح التفاح قشرلي وانا ارتاح
رهف /يا صباح اللي بتغني
على /ها هنهزر والله افسخ الخطوبه قبل ما ابدأها
رهف بغيظ /يكون احسن برضوا
على بإبتسامه/دا انتي كونتي تموتي فيها
رهف /ليه ان شاء الله مافيش غيرك
على /بس مافيش في قلبك غيري
رهف وقد تلونت وجنتاها باللون الأحمر .وقد أمسك على بيدها
علي/انتي ما تعرفيش انا بحبك قد ايه انا طول عمري بقول محدش هيتجوز رهف غيري
رهف بشجاعه/وانا برضوا كنت بصراحه اكتر امنياتي إني اشوفك مبسوط بس حتي لو مع غيري بس ربنا حققلي اللي عمري ما كنت اتخيله يحصل واني ابقا ملكك مش ملك حد تاني لأني أساسا مكنتش ناويه اجوز
علي/ربنا يقدرني واسعدك
رهف /يا رب
.............................................................وهم يتحدثون عن العمل صمت أوس قليلا ثم قال
أوس /انا ناويت اتجوز
جواد بدهشه/نعععععم
