#الحب_والخذلان_

٥/٦

#البارت_الخامس  #الكاتبه جيمن وبعدها اني رجعت للبيت وسويت غده ل رسول و جان مزاجي كلش متقلب ومن رجع للبيت وحسيته

ديفتح الباب كبل طفرت لغرفتي وسويت نفسي نايمه ،،وهو دخل للبيت وغسل وصعد للغرفه شافني

نايمه ف باسني بخدي وغير ملابسه ونزل هو سوه غده لنفسه لان جنت نايمه عود. وراها صعد ،دينام

نمنا وبعد ساعتين بالضبط اندك الجرص واجتي امه ل رسول خطار يمنا كعدت نزلنا اني ورسول

ف امه كالت:ها يعرسان شوكت تجيبولنا بيبي صغير

رسول جاوبها:اي ان شاء اللة انشد حيلنا.

ف اني ترخصت منهم وكمت من مكاني

ف من داصعد للدراج اسمع امه ل رسول تكوله :اوي شبيها مرتك كالبه خلقتها بوجهي

_جاوبها لايمه هيه مدري شبيها اليوم

وبعدها دخلت للغرفه وسديت الباب وكعدت على السرير والزمت التليفون وضليت افكر ب سراج

وبذكريات حبنا بالوقت الي ميصير افكر بغير زوجي بحكم اني مزوجه،،وبعد مرور 15دقيقه صعد

رسول بعد ما امه راحت ،،صعد كعد يمي ولزم شعري وكال:حبيبتي اشبيج شو موعلى بعضج حتى

بتعاملج وي امي

_جاوبته: رسول مابيه شي

_جاوبني:شو بس رسول ماكو حبيبي ليش هالجفاء حياتي

_جاوبته:مابيه شي بس موزينه بالامتحان وراسي يوجعني

_جاوبني:حبيبتي كلها ايام وتجي امتحانات اخر السنه وتصيرين مرحله4

_جاوبته:الله كريم،،يلا اني راح اكوم اسوي عشه.

واثناء مادسوي عشه اجه ببالي افكار وووووو_________يتبع

#البارت_السادس #للكاتبه_جيمن اثناء مادسوي عشه اجه ببالي افكار هوايه ومجنونه مثلا اخليله سم بالاكل. اواحرك البيت اوف دخت 

ووبعدها كلت اني شدافكر اني شنو تخبلت و حضرت العشه وتعشينا ومن اجه وقت النوم اني وداانام

اجه ببالي اني بعد ماكدر اكمل وياه  ل رسول حسيت ان اني احبه ل سراج وقررت اروح لدكتوره نساء

وتوليد دو ن ميعرف رسول،بس اي طريقه اممممممم لازم اروح باجر لبيت اهلي ومناك اطلع ل اي دكتوره

وبعدها نمت وصار الصبح ،،كعدت وسويت اسلوبي  نفسي زينه وي رسول بس حتى اكدر اروح لبيت

اهلي وانفذ الي ببالي وفعلا اجيت ل رسول بالاسلوب الين وياه ووداني لبيت اهلي ومناك رحت لدكتوره

دون علم احد من اهلي وكذبت عليها  وكتلها زوجي يجي سكران وبس يضربني ويااذيني ومدااتحمله

ولااطيقه وبجيت ونزلت

دموع التماسيح وطلبت منها تنطيني حب مانع حمل وهيه المسكينه الدكتوره صايره ناصحه براسي

وتكولي اصبريله لزوجج واصبريله وبلكن ينصلح حاله،،،،واني اجاوبها لا مينصلح ومدري شنو عايشه

اللحضه جنت،ههههههه وكتلها تنطيني حب ميااثر عليه بشي يعني من اتركه اكدر احمل وبديت اشرب

مانع حمل

وكل ميتقدم الايام ام رسول تسال وتكول:بنيتي لمى شوكت نشوف ابن رسول مو انتي تدرين الموت

قريب واريد اشيله لحفيدي بايدي شدي حيلج

وجنت اجاوبها ب كلمه وحده وبس هي: الله كريم عمه،،،،اما اني ف مع مرور الزمن صرت مرحله4 

وجانت اخر ايام العطله شهر8وبديت

   اسوي برامج انترنت واخلي صور حب وغرام وكلمات عشق،،،جنت اعرف سراج يباوعها ،،لان جنت

اتقصده ل سراج بكل كلمه،،اما رسول ف بده يضوج ويشك بيه واني اسلوبي صار جاف وياه وووبدت

عيونه تزوغ على البنات وكل مايجي يكلي حسي اني انسان وزوج والي حقوق عليج،،،،بس اني جنت

ممهتمه كل اليهمني هو سراج ودا ااعد الايام بالساعات والدقايق حتى تنتهي العطله واداوم واشوفه ل

سراج وبعدها ________________يتبع

تحياتي الكم jaymin