Pansamantala ko munang lilisanin ang aking mundo
Upang tunguhin ang iyong mundo
Ang mundo ng iyong nakaraan
Kung saan naging lubos ang iyong kaligayahan sa piling ng iyong minamahal
Gusto kong harapin ang katotohanan
Katotohanang masakit
Katotohanang magpapatibay at magpapatatag sa aking kalooban
Iindahin kahit gaano kasakit ang iyong katotohanan
Damdamhin bawat sulok ng iyong mundo
Hanggang sa mawala ang sakit
Buong pusong yayakapin ang katotohanan
Sisiguraduhing wala ng sakit sa aking pagbabalik
Pagtungo sa iyong mundo hatid man ay pighati
Kakayanin ang sakit at pighati
Kung hindi mawakasan ang pait
Ay hahanapin ang mundong puno ng tamis.