حلقة 33
بعد مرور 7 اشهر 💕
ريان وعمو تزوجو
عمو سراج روح حضر العرس وقعد حتى هوا قرر يتزوج ويبي يخطب
محمد يكمل في حوشه
قيس قرر يستقر هني ومعش بيمشي يبي يخطب بتول خوليه ماتبيش لين تخطب لي محمد
سمو تزوجت و سافرت
ميسم تحب صاحب خوها وبيجي يخطبها وشافت روحها ومن بعد موتت عمر معش تجي لي حوش جدي بكل
مريم . قاعد تقرا تحضر في المجستير
تقربنا من بعض اني ومحمد
___
في حوشنا جونا خالاتي ونساوين خالي
اني . هههه انتي يا مرت العم
ريان . تعرفي عمك مهبلني
اني . عاد قعدين عرسان
رياان . ههه خلي انوض اندير قهوة
اني . تي تعالي كان نبي راهو نضت درت بروحي
ريان . ههه
اني . المهم تعالي عندنا خلاتي
ريان . حي شن نلبس
اني . عادي سورية وسرواال ووشاح لانه صغار خالتي يخشو
ريان . تمام جايه
طبعا هوا جنان كبير فيه حوشنا وحوش عمو عبدو وتوا يبني عمو سراج
اني . اوو سراج
سراج . حبي تي وينك
اني . انت الي وينك مادكرناش حتى بطرف شكلاطه ههه
سراج . بنت خوي ونعرفك فالحه غر في بطنك هههه
اني . ههه يابارد هي ماشي
سراج . باي
خشيت وتيت الشهاي والقهوة وطلعت قعمزت معاهم
مرت خالي ام عمر . سلم يدياتك يابنتي
اني . سلمك خويلة
خويلة جميلة . فرخ محمد مهبلني مايبيش يخطب
اني . هههه خلي عليا خوليه غر ايجي تو نحصل علية ههه
خويلة . ههه ياريت وفرخ قيس يبي يخطب قلتله لا لين يخطب خوك
ماما . لا يا جميلة ماعندكش حق
اني . ايه خويلة اخطبيله بتوو اصلا بنت تهبل وحقربي
خالتي امال . لالا مزال فرخ نهار حرف
جي قيس . منو الفرخ
خالتي امال . انت مزاال ع الزواج
قيس . اي علينا عاد واني نقول من عيبيلها في راسها
اني . خويلة تخطبيله ولا نخطبهاله اني
قيس . منورة وربي
خويلة. يستر ربي
ريان . السلام عليكم
اني . وعليكم
سلمت عليهم وقعمزت مدايرة روحها متحشمه ههه
اني . قهوة ولا شاهي ولا مش لازم ههه
ريان . نسكافي 😉
اني . ياعيني ههه برا قيس جيبلنا من القهوة مخاطريش ندير
قيس . تم
خش محمد . سلام
اني . سلامات
خويلة جميلة . اهو قدامكم كلموه
ماما . خيرك يا فرخ ماتبيش تتزوج
محمد . ومن قال
خويلة . ياولد الكلب شن تقول في الحوش
محمد . صار بوي طلع كلب 😂
اني . هههه تحشم عيب عليك
محمد . خلاص غر نكمل الحوش
اني . ها شن صار في الكوجينه خود الي ع البيج احلاا
محمد . انتي عجبااتك
اني . ايه
محمد . تم
قيس . وهدا النسكافي
محمد . هات جاي طاسه
ومشي يدخن
قيس طلع اني مشيت لي محمد
اني . شوف الدنيا كيف الله
محمد . ايه
اني . وانت خير فيتك ماتبيش تتزوج
محمد . موافقه انتي
اني . كيف
محمد . نبيك انتي
اني . 😳
محمد . مالا خلاص وعليا الطلاق ماني واخد غيرك
اني . غر تزوج وبعدين احلف 😂
محمد . هي كان موافقه تم
اني . نفكر غدوا نرد عليك
محمد . عمر قالي ميررو في رقبتك مانقدرش نسيبك مانقدرش انتي امانه عندي وانتي فكري في الموضوع
اني . باهي تمام موافقه 😔
محمد . وربي تهبلي 😂
اني . هههه هي تعالى كان بتتعشاء
محمد . هي جاي بنكلم معااد
📞📞
معااذ . ها برو
محمد . وافقت يا حبي وافقت
معااذ . اوو ربي يهنيك نبو بكلاوة
محمد . فالح غر في بطنك 😂
فات الجو عادي وروحو
_____ في حوش خويلة جميلة
محمد . امي غدوا بري اخطبيلي
خويلة . من هيا البنت
محمد . ميررو
قيس كان خاش ويحك في راسه وكيف بيركب من الدروج لما سمع محمد رجع
____ رايكم
