محمد . به وبعدين
اني . اي وبعدها طبعا مش ح يروحو الاقارب كلهم بيباتو حتى امك و صحبااتي وصحباات ماما المهم الزحمه هدا كله علي خاطر الحنه طبعا مش ح نحني اني
محمد . علاش
اني . مانحبهاش
محمد . امم به والخميس
اني . الخميس الصبح فيه البوفي بنوضلة من السبعه بش نوتيه و بيديرو السلايط وخلاص واني الضهر نمشي للمزين وبعدين الحفلة في الليل بعد المغرب مايوصل فيا الليل لين خلاص طايبه نروح نرقد وخلاص
محمد . ههه نوم العوافي غر اعبي مطول سريبكم الزفت
اني . هههه اي بكل
محمد . من بيدرجك
اني . سراج طبعا
محمد . امم به كويس
اني . شن صار في البدلة
محمد . اي خديتها كيف ماتبي
اني . والكندرة
محمد . ماتخافيش مش ح نخاد كنادر جحى
اني . هههه ايوه
محمد . هههه
ريان . ميررو تعالي اطلعي الناس تسأل عليك
اني . به شويا بس
محمد . وشن يبو فيك الناس
اني . ههههه مستاحشيني
محمد . مش اكتر مني
اني . به صكر توا بعدين نكلمك
___
طلعت سلمت عليهم و مشت السهرية كيف مانبي تاني يوم مدايرين غدي رجاله تعرفو الحوسة كيف عاد وفي الليل نساوين طمينا وكملنا وكيف قعمزة اتصلت السيد محمد
اني . ها تفضل
محمد . هي شويا وجايين
اني . وااك كيف قعمزة اني
محمد . ههه ماعندي مانديرلك
اني . وان شاء الله جاي معاهم
محمد . اي مالا شني
اني . تي ياغبي العريس مايجيش
محمد . تي كلهم صحابي ماشيين بنقعد اني بس
اني . حسستني الطريق طويلة
محمد . لا بنلودو مش ح نجو طول
اني . به وفكينا من الرصاص نخاف منه ره
محمد . ههه تي معاد من بكري يعبي في المخازن
اني . ونبي فكينا
محمد . ان شاء الله
اني . هكي صكر الزمزمات جو خلي نشوفهم
___
اني . ماما جايين ره
ماما . به علي سلامتهم كل شي واتي
اني . ها تمام راكم تنسو حاجه
رياان . مش ح ننسو شي
ساارة . هههه غر ماتتوتريش بزيادة
اني . ههه تو نشوفوك في عرسك وين كنتي امبكري
ريان . هههه هيا وسراج يهدرزو في حوشي كلاب 😂
اني . حي حي كلاب ماتتحشموش 😂😂
سارة . غر شن درنا 😂
رياان . اعترفي في كامرات في حوش ره 😂
سارة . مشخة 😂
اني . ههههه
مريم . ميررو ميررو تعالي
اني . ها ان شاء الله خير
مريم . تي المشروب متع النجمة ماجبوشي
اني . حي حي هما جايين
ريان . خيركم
مريم . المشروب
رياان . مرض اسكتو خلعتوني اوني في حوشي
اني . وااك الحمد لله
مريم . اي
اني . بلحق من مكيجك ريان
ريان . مزين حلوو
اني . اي غر قعمزي السدرة ماتبيش من يحوس 😂
سارة . حاله ماتهنيش روحها
ريان . كلاب
مريم . اهو جو
اني . هي اطلعو استقبلوهم
نور . ع اساس برنيه 😂😂
مريم . هههه
___
طبعا هما كلهم هيجو مع الزمزمات الا اني مقعمزة داخل وشويا وجو لبسولي البدلة الكبيرة وغمولي وجهي وتعرفو انتو عادات و تقاليد النجمة وتمت النجمة وروحو الناس قعدو الي بايتين بس وجي وقت الحنه
____
رياان . وراس ميروو اطلعي عيب عليك
اني . مش ح نطلع مانبيش نحي مانحبهاش
سارة . غر اطلعي مايبوش يحنوك هما
اني . ها طلعت
ماما . هي تعالي بتحني بالسيف عليك
خويلة جميلة . حني يا بنتي حتي شويا سبر هدا
اني . ( احسن حاجه نقوللهم محمد مايحبهاش) محمد قالي كان تحطيها علي يديك ماتجينيش اقعدي في حوش بوك
خويلة . لا محمد ولدي عادي مايدورش فيها
اني . اهو نكلمه وكلميه
ماما . تعالي هني كلميه قدامي
اني . ماما في حاجات خاصه
رياان . هههه اني نعرفك اشبح شن تخططي
اني . 😉
📱📱
محمد . ها حبي
اني . اسمع توا نعطيك كلم ماما قوللها مانحبش الحنه
محمد . علاش
اني . يبو يحنوني بالسيف واني مانبيش مانحبهاش حرام عليهم 😭😭
محمد . خلاص مرتي ماتبكيش تو نكلم امي
اني . ياوخيتي سلم راجلي
محمد . 😘😘
..
ماما . هي تعالي قعمزي اهو محمد قال نحبها
اني . تي 😳
خويلة . اهو نعاودله
اني ...
رايكم ___
