النهايه 55
بعد تلاته ايام طبعا طلعت من العيادة واستقريت في المانيا ريان حامل وفرحانه قريب اطير وبتول حتى هيا حامل سرو جابت بنت والباقي العيلة قاعدة زي ماهما
اني . حبيبي
عمر و محمد قالو نعم في نفس الوقت
اني . 😂😂
عمر . اني حبيب ماما بس
محمد . ههه
اني . ارين شن اديري
ارين . سي
اني .حي
ارين . ماما ماتضربينيس
اني . هكي مبزعا الدقيق ضربتها على ايدها مشت تجري لي بوها تعيط
محمد . ميرو ميرو تعالي
اني . خيرك
محمد . علاش ضربتيها
اني . تعال شوف شن مدايرة
محمد . به معش تضربيها
اني . به هي ارقدو الساعه 12
اني رقدت عمر ومحمد رقد ارين رفعتهم في دارهم
اني . واخيرا راحه خلي الواحد يرقد
محمد . اما نوم توا 😘😘
اني . محمد رد بالك اني هادو ومش قادرا عليهم فكينا
محمد . الا ارين تبي اخت
___
بعد شهرين
اني . ارين تعالي هني
ارين . لا
اني . هيا محمد نمشو خلي تقعد
ارين . جيت
اني . ارفعني للعيادة قبل بندير تحاليل
محمد . علاش
اني . ع اساس عارف روحك شن مداير
عمر . شنو درت لي ماما
محمد . هههه تكبر تعرف
"مشيت درت تحاليل طلعت حامل روحنا "
محمد . ارين عمر تعالو نبيكم
ارين عمر . نعم
اني . قعمزو شويا هي
محمد . بيجيكم بيبي
عمر . كيف
اني . بنجيبولكم خو
ارين . لا نبي اخت اني
محمد . تو نجيبو توأم زيكم وخلاص😂
اني . والله
عمر . به منين بتجيبوهم
محمد . اهو في بطن ماما
اني مقعمزة جي عمر من جيها وارين من تانيه وحطو روصهم علي بطني
محمد . ههههه
اني . هههههههه 😘
_____💐 النهايه
رغم كل شي صار معاي في الاول خسرة حبي والي كنت مانقدرش نعيش من غيرة بس ربي عوضني بشخص تاني وهوا الي كان مكتوبلي وقدري اني مانسيتاش عمر بس عمره الدنياة ماتوقف على حد وربي قال" عسى ان تحبوا شي وهوا شر لكم " كملت حياتي عادي ومع شخص ماكنتش متوقعاته بكل عشت حياتي وبعد ماصارتلي الحادته قعدت سنه و 5 شهور في غيبوبة ومحمد مافقدش الامل كبرو صغاري سنه واني في عالم تاني مانندري علي شي بس نضت وشفتهم والحمد لله __🍃🌸
شن رايكم فيها ان شاء الله عجبتكم طبعا اسفه ع الاخطاء في الاملاء بس نكتب بسرعه وحاولت نصلح وان شاء الله نتلاقو في روايه جديده
رمضاان كريم وينعاد اعليكم بالصحه والعافيه 🌛
وكل عام وانتم بخير😍
