💋
اسامة : مدام هبة كانت فالكلينيك الصباح
انا : كيفااااش ، وعلاش مالها آش واقع ليها هددددددر
اسامة :لااا ماوقع ليها والو ، كانت كتخضع لتحليل الابوة
انا: اه ، وكيف اخرجوا
اسامة : ايجابيين
انا بابتسامة عريضة : الحمد لله غتكون فرحانة دابا
اسامة : ولكن عائلتها هي عائلة برادة
انالحت الكاس من ايدي :آشنووووووو
اسامة : هي اخت ياسين وياسر ، وهي اللي كنتي باغي تبدا البحث عليها مني عرفتي باللي عمك هو
طييييط طييييط طييي قطعت عليه ، وهزيت الطبلة خبطتها مع الارض ، لاا فاااااك علااااااش هي بالضبط علاااااش ، اكيد مني غتعرف باللي
ياااربي انت اعلى واعلم بالنار اللي فقلبي تجاهها ،ميمكنش ليا نتخلا عليها مبغيتش نبزز راسي عليها مي دابا هذا هو الحل الوحيد
هزيت كويرتي لبستها فوق تيشورتي البيض
وهزيت الوكنطاك .. خرجت واتاجهت للوطو ، طلعت وكسيريت موقفت الا قدام فيلتها
مشيت ديت حلات ليا الخدامة
الخدامة : امسيو اسمح ليا عندنا اوامر انت متعتبش ه
دفعتها ، وتميت طاالع فالدروج وكنعيط : هببببببببة هببببة
شفت ياسر خارج من غرفتو وقاصدني
ياسر : نعيييييمة علااش خليتي الوسخ ادخل لينا للدار
انا : هبببببببة فييينك هبطي عندي ،هبببببببببة
ياسر ضربو ببونية : فرق عليك اختي وهبط تق**** من هنا ياله
دفعتو وبقيت كنعيط : هبببببة هبطييي
ياسر ضربةضربة اخرى : واش مبفيتيش تحشم قلت لييك سييير بحالاتك
شفت فيه وجمعتها معاه بكروشي حتى رعف ( تفكرت عادل الكروشي هه 💚💚💚 )
وتمات هابطة هبة كتجري : جهااد ،اش كدير هنا ؟؟
مهدرتش معاها جريتها من ايديها وهي كتغوت ، وصلنا لباب الفيلا وهي تدفعني : عطيني التساع كرهتيني فيييك ، آ باغي عندي ؟
انا : هبة ، بلااما تعدبيني كثر .. انت معارفاش قيمتك عندي، مكنقدرش نتنفس وانت بعيدة عليا . فهميني
هبة : مهندي منفهم
انا : مستحيييل نخليييك ، كنعشقك اهبة ، منقدرش نتخيل حياتب بلا بيك ، جيتي انا ورونتي ليا حياتي كااملة ، انسيت رجلتي وجبروتي وذليتهم معاك ومع انوثتك ، شديت ايديها وحطيتها على قلبي : اسمعي شحال كيضرب مني كيشوفك ، كيضرب بسرعة حتى كيضرني ، بيا را كنتعذب اهبة
هبة : انترتها ليا مي انا كنكرررررررهك اجهاد كنكررهك ، كفستي عليا حياتي ، خليك بعيد عليا
جهاد زير عليها من جيهة فمها : مستحيييييييل انت حياتي ملكي روحي نفسي منقدرش نفرط فيك ( وانتوما بقاو حالين فمكم را غير طالقاها عليكم هههع عارفاكم محرومات 😋 )
💋
( صافي سديتو فامكم ايوا ها انا غنكمل هه )
جهاد زير عليها من جيهة فمها : انت حياتي ملكي روحي نفسي منقدرش نفرط فيك ، حسي ابيا احياتي الله اخليك (حايد ايديه عليها وشد وجها بين ايديه ) : شوفي ليا فعيني
هبة ( كانو عينيه كيبريو ، وشوفاتو كعبروا على حبو الكبير ليا ، توحشتوووو .. حطيت ايدي على قلبو اللي كان كيضرب ليا انا بوحدي ، تلاقاو عينينا وبديت كنحس بانفاسو كيقربوا يمكن كانت لحظة ضعف مني .. مي سرعان متداركت الموقف مني هدرة بابا تعاودات فوذني ): ايلااا كنتي كتبغيني ديااال بصح خليني عليك ، بعد مني كرهتيني فراسي كرهت النهار اللي عرفتك فيه ( كتغوت ) خلييييك بعييد عليا كتفهم بعييييييد
جهاد : هذا آخر كلام عندك ؟ ( قالها بصوت شبه مسموع )
هبة : آه آخركلام عندي
قرب ليها جيهاد وباسها فجبينها ومشى مكسور القلب ، حبيبتو اللي بغاها .. اول وحدة دق ليها قلبوا ، تنازل على بزاف الحوايج على قبلها ، كتكرهوا .. آخر حاجة توقعها عارفها مكتبغيهش ولكن ماشي كتكرهوا ،مشى بدون كلمة الدمعة محجرة فعينيه .. قلبوا كتألم من فقدان حبيبتوا .. كيطالبو باش ارجع واعنقها ويديها بزز منها ، تبقى تحت جناحوا مي عقلوا كيقوليه كمل فطريقك وحاول تنساها واخا صعيب مغتكونش فرحانة معاه يكفي تكون سعيدة ، النفس ديالو تصاعد .. عروقو برزوا .. كلو كترعد
فعلا غريب امر الحب ، بكلمة من المحبوب كيخليك ترفع لسابع سما وبكلمة منو كيخبطك تحت الارض ، طلع للوطو ديالو وكسيرا بسرعة
اما هبة فكانت مزال واقفة قدام الفيلا تراقبه بنظراتها الخالية من التعابير : اسمح ليا اهئ حتى انا كنبغييييك بزاف اهئ ولكن منقدرش ، صعيب نتجمعوا صعيب نتمنى تنساني وتبدا حياتك .. وانا غنخرج من حياتك بخطرة
دخلت الفيلا كنجري لقيتهم مجمعين كيتسناوني
انا : بابا بغيت نسافر فاقرب وقت ممكن
ماما : لاواه ابنتي ، ياله جيتي خليني نشبع منك
انا : ماما عفاك متصعبيهاش كثر ما هي صعيبة
ياسر : واش على قبلوا 😠 ؟
انا : نو مي باغة نقرى والدخول المدرسي قرب ياله نولف تما
بابا : غدا نوجد ليك لاكارت والباسبور ونقطع ليك
انا : شكرا
وطلعت كنجري لغرفتي ، سديت عليا الباب وتلاحت فوق سريري وانا لدي رغبة كبيييرة في البكاء ، خليت دميعاتي على خاطرهم ايلا بكيت نقدر نرتاح .. نقدر نخوي هادشي اللي فقلبي .. ارغب في الصراخ باعلى صوتي لعلني اطفئ النار التي تحرق قلبي وكياني ، احببببه واعشقه لكن ليس بيدي حيلة ، واعدت بابا ومايمكنش ليا نرفضوا ليه ...💋
صافي اهبة نسايه ، خاصني نشوف سلبيااتو مخاصنيش ننسا باللي عائلتو تقدر تكون هي السبب فاختطافي ، جريت عليا الغطا ونعست
اشرقت الشمس معلنة بقدوم يوم جديد ، قد يكون افضل من امس ام العكس .. نضت وحليت الباب دبال البالكو .. كان الجو غريب شمس مشرقة ورياح قوية مع القليل من القطرات المطرية . كان جوا يصف حالتي حاليا .. تائه مثلي .. تنهدت تنهيدة طويلة ، وخرجت فطرت مع الدار ، طلعت لغرفتي جمعت حوايج قلال .. اسمعت الدقان
انا : دخخل
دماما : حبوبتي كاين ضيف بغى اشوفك ، دخل ياسر
انا : ياسر هذا انت مالك داير فيها مصواب
جا وقرصني من حنيكاتي : ماشي ياسر هذا
عاد بان ليا ياسر داهل وكيضحك
انا : ياسين خرجتي ؟؟؟ افف الحمد لله شفتك قبل مانسافر
ياسين : على فين غادا ؟
انا : نقرى فالمانيا
ياسين : واو داغي قنعتي منا ؟
عنقتو : لا بالعكس مي ضروري ما نمشي ، وغاتبقااو تجيو لعندي
ياسر : اه ضروري
انا : اففف دوختوني والله وااع بحال بحال فكولشي ، مي كنبقى فسرة عليكم
ياسين : وبزااف كااع
ياسر : منين جااتها
انا : صافي لقيت منين نميزكم
ياسر : اشنو
انا : انت فيك خالة صغيرة حدا فمك وياسين لاااا ههه
ياسين : هه معلمة
انا : كيفاش حتى اخرجتي
ياسر : اه بصح كيف درتو ليها
ياسين : واللهما عرفت كيفاش داك جهاد تنازل على الدعوة
غير اسمعت اسميتو قلبي بدا كيخبط ف 90 ❤
انا : احم صافي نساااو المهم خرجتي الحمد لله على سلامتك
بقينا مجمعين حتى وصل وقت الغدا ، تجمعنا على الطبلة حتى شرفنا بابا بحضورو .
بابا : ابنتي براءة ها هي لاكارت ديالك والباسبور
هزيتهم وشفت السمية : براءة هبة برادة
انا : شكرا بزااف وبست ليه على ايدو
بابا : الله ارضي عليك وهاكي هاذي
انا : اشنو ؟؟
بابا : التيكي . را قطعت ليك عندك الطيارة مع الليل وغتلقاي تما الشيفو كيتسناك وصيتهم باش اياخذوا ليك ابارطومون وهكا مغتبقايش مجلوقة فالاوطيلات
انا : شكرا ليك ابابا بزااف فرحتيني باهتمامك
ماما : متقوليش هكا راك ابنتنا
ساليت الغذا وطلعت نعست مي قبل كنت حققت تيليفوني مع 6 عندي الطيارة مع 9
سرسر ليا تيليفوني ونضت مغوبشة ، دوشت داغي ولبست حوايجي درت ميك اب واتاجهت انا وعائلتي للمطار ، وصلنا وجا وقت الوداع .. اصعب لحظة اقدر اعيشها الانسان ، شفت ماما عيونها عامرين دموع : اشش عفاك اماما ، را بامكانك تجي عندي وصافي راك غتبكيني معاك
عنقاتني :اششش احبيبة مبغاكش تبكي
توادعت مع بابا وخوتي ياسين وياسر
من بعد الاجراءات الروتينية ، اتاجهت للطائرة .. بعد قليل واعلنت عن قلوعها ..
مخفتش واخا اول مرة نركب فيها ، يمكن حيت قلبي عامر محسيتش بيها كااع . حطيت راسي على الزاج وبقيت كنشوف فمدينتي وبلادي كيصغارو شوية بشوية ، تفكرت جهاد وقلبي تقبط البكية وحلات ليا تقبط قلبي بزاااف حسيت بحالا واقعة ليه شي حاجة . مي سرعان منفضت هاذ الافكار من راسي .
بعد ساعات طويلة من السفر حطت الطائرة ، حطيت رجلي اليمنى فارض المانيا مع ابتسامة ورائها الحماس لبداية حياة جديدة ونسيان الماضي
#النهاااااية
ههههههه غير ضحكت معاكن
ًًً
