من بعد نضنا انا وجهاد وصلني فطريقو للدار
انا : فين اتمشي
جهاد : نتخاسب معى الدار .. حيت وبكل بساطة ضحكوا عليا
انا : جهاد عاافاك مديرش صداع كولشي كيتحل غير بالعقل وااخا
جهاد : ياله هبطي رتاحي ليك دابا
هبطت من بعد ما بستو من حنكو وقلبي معااه .. عارفاااه عصبي ومتهور وخفتو اخلق شي مشكل ًًًجهادًًًً
من بعد ما وصلت محبوبتي ..غادي للدار وانا صاعر غير دخلت : الواااليييدة ، نوووورسييين
نورسين (هابطة كتجري ) : حيااتي جيتي
ماما : الله الولدي الله .. خلعتينا عليك . فين كنت غاابر ؟؟
انا : علاااااااش كذبتو عليا
نورسين : كيفاش
ماما : الرجوع لله اوليدي فين كذبنا عليك
انا : صاافي اسكتوو .. را رجعاات ليا الذاكرة ، علاش وهمتووني باللي كنبغي هاذ الانساانة هااااه ؟؟؟؟؟؟؟.....
💋
انا : صااافي اسكتووووا .. را رجعاات ليا الذااكرة .
علااش وهمتوني باللي كنبغي هاذ الانسانةهاااه؟
ماما : ولدي انا غيير
انا : اشنووو انت اشنووو ؟؟ مفكرتيش انك تقدري تكوني بهاذ التصرف دمرتي حيااتي
ولا بنت اختك اهم ليك مني
ماما : لا اوليدي آش كتقوول .. را كنت مضطرة
انا : هه مضطرة .. اشنو اللي خلاك تديري هااكا اه .. وانت علااش قبلتي بهاذ الزوااج ؟؟
نورسين ( الصمت )
انا (خبط ايدو مع الحيط ) : اوكي مبااغينش تهدرو .. ايوا ها هي خليتها ليكم وبراتك غتوصلك
تبعاتني ماما كتجري : اهئ لاا اوليدي اهئ لاا عفااك .. كنحلف ليك كنت مضطرة ، كان ضاع منك الدم بزاف وزمرة دمك ناادرة ملقيناهاش الا عند نورسين وهي مقبلاتش تتبرع الا ونزوجوها ليك
انا : هت واستغيليتو امر فقداني للذاكرة باش تكملو خططكم
اتاجهت لحدا نورسين : مكرهتش نمزق ايدي ونخلي جسدي انشف من دمك .. ميشرفنيش نحمل دم وحدة استغلالية وانانية
ياااله براااااااا
نورسين : اهئ ل لا عفااك
انا : براااا منبغيش نشوف كمارتك خرجي من حيااتي ياله
نورسين : انجيب حوايجي
انا : غنصيفطهم ليك مع الشيفور
تمات غادية جيهة الباب
انا : بلااتي .. ومشيت لعندها لويت ليها ايديها مورا ظهرها : انت اللي بدلتي الدوا ؟؟
نورسين : ك كيفاش عرفتي ؟؟
هزيت ايدي حتى لسما وخبطتها شديتها من ذراعها ولحتها برا الفيلا وخبطت الباب
نورسين ( اهئ غندمك الحقيير على هاذ الاهانة .. سمحت فاكثر وااحد بغاني واهتم بيا على قبلك ، ولكن كنقسم بالله حتى نرجع ليك الدقة دقتين )
وقفات وخدات طاكسي متاجهة لدارهم
اما جهاد فطلع دوش ،لبس حوايجو واتصل بمحبوبتو .. اللي بمجرد مكيسمع صوتها كينسى العاالم كاامل وكيمشي لعاالم آخر عاالم الحب والمحبة
بقاو على كلمات الغزل والحب النابعة من قلبهما الموحد حتى نطق جهاد
جهاد : حيااتي
هبة : وي بيبي
جهاد :را حليت موضوع زواجي من نورسين
هبة (قفزات) : كييف درتي ليها
جهاد : عادي تقبلات الامر
هبة : افف بقات فيا والله
جهاد : لاا مخاصهتاش تبقى فيك.. المهم هبة بااغيك فموضوع مهم
هبة : اشنوو هو ؟
انا : نتلاقاو بالليل ؟
هبة : امم اوكي حبيبي مي فين
جهاد : هه دابا نصيفط ليك جهان
هبة : وعلااش غير قول داباا
جهاد : وصافي هدرناا
هبة افف اوكي صافي واخا
جهاد : هبة متأفأفيش عليا
هبة : اوكي اوكي صافي
جهاد : ياله احبيبة نخلييك حتى العشية
هبة : بااي مافي
ًًًًًًهبةًًًً
قطعت مع حبيبي
وتلاحيت فوق الناموسية التقط انفاسي .. بقيت هكاك كنفكر فحب حياتي حت غفيت
ما فقت الا على شي ايدي كيزعزكوني
حليت عين وخليت لاخرة مسدودة : جيهااااان آش كديري هنا
جيهان : نوضي تقعدي را تعطلنا .. آو نص ساعة غير باش نفيقوك .. راني وجدت ليك الدوش غيري سيري تخشاي ورخي ليا عظيماتك
انا : وعلاااش
جيهان : اويلي علاااش نوضي نوضي تقعدي
انا : افف وااخا
جيهان : شوفي الله ارحم باك متأفإيش عليا
انا : يييخ بحالك بحال نوك غير الله احضر السلامة
دخلت للدوش لقيتها منسماه ليا بنكهة الشوكولا والورد
تخشيت فالبانيو واسترخييييت .. نسيت رااسي
حتى اسمعت جيهان كتدق وتنكر
داغي فسلت شعري وخرجت
جيهان : افف على سلاامتنا
تلاحيت عليها : توحشتتتك بزااااف بزااف والله .. قبيلة كنت مبوقة بالنعاس داكشي علاش متسوقتش ليك
جيهان : اوسي والله .. وياله خلاص را معندناش الوقت
جبدات ليا ملابسي الداخلية، لبستهم من بعد ما ذهنت لحمي بالكريم طبعا ولبست بيجامة على شكل كسوى خفيفة
جبدات الماطريال وبداات كتجبد ليا فشعري بقا جبد يا متجبد
دارتوا ليا بوكلي محلولة
شوية هبطات للتحت وجات جايبة معاها كارطونة بيضة
انا : اشنو هادشي
جيهان : اسكتي
مع حلاتها حليت فمي : واااااو 😍
كانت عبارة على غوب بلو مارين من القدام على شكل قلب وعارية من الظهر ، مقبوطة من جيهة الخصر ومحلولة من جيهة السيقان يتوسطها حزام ذهبي يلمع
اقل ما يقال عنها انها رااائعة
لبستها جاتني سوو سيكسي 😉 وها قد حان وقت الميك اب
طبعا من بعد الفوندوتان درت فاغاجو خوخي ، آيلينر ، قلم اسود ، مسكرة ، وعكر حمر ماط
شفت راسي فالمرااية جييت واااااو 💋
شفت راسي فالمرايا جيت واااااو (شكار راسو داز من هنا 😅) جيهان (كتصفر) : ويييو وييو
نااري ياختي جيتي كتحمقي .. اليوم جهاد اصبحك عروسة
درت فيها واحد الشوفة .. لو كان عيني فيهم القرطاس كوراها كاع تخركت بحال البغريرة
شدات التيليفون وكتباناي كتبات شي حاجة وحطاتو ، هزيت بوشيط مرصعة بالاحجار السوداء مع سباط طالو يحمل نفس المواصفات ودرت عطري Escada
مكايناش زوج دقائق حتى اسمعنا الكلاكسون .. طليت بانت ليا لاموزين بيضة قدام الباب ( الله اجيب لينا بحاال جهااد 😓 ) شفت فجيهان بتستني : ياله هبطي متخليهش اتسنى كثر .. هبذت مبان ليا حتى جد فالدار
حل ليا الشيفور باب لاموزين وركبت
وقف قدام واحد الريسطو فخم وكلااس
جا حل ليا الباب : مدموزيل ، امسيو جهاد كيتسناك لداخل
ابتسمت ليه ودخلت
كان ممر كلو شموع وورود تمشيت داخلو حتى بانت ليت طبلة ديال زوج الناس مزينة باحلى تزيين
وحبيبي وااقف حدا الكورسي
يرمقني بنظرات الاعجاب
قرب لعندي وباس ايدي بكل جلتمانية ورقي : وااااااو جيتي زوينة بزااف
انا : شكرا احياتي
جر ليا الكورسي وجلست وجلس قبالتي وهو قابط ايدي
وترني بنظراتو االي فهمت مغزاها
كلينا فصمت حتى شعل موسيقى رومانيسة
مد ليا ايدو : ممكن ترافقيني فهاذ الرقصة ؟
شديت ايدو واخذنا نتمايل على نغماتها .. يده ملتفة حول خصري ويداي تحاوط رقبته
وضعت رأسي فوق كتفه ودقات قلبينا تتعالى
احساس عجيب راودني
فرح .. الم .. حزن .. سعادة ..خوف
فرح وسعادة لاني في حضن محبوبي
وخوف والم وحزن من المستقبل المجهول
وقفني جهاد بيديه
شفت فيه باستغراب 👀
جلس على ركبتو وجبد بواطة حمراء : هبة يا هبة معارفش نوصف احساسي تجاهك او عشقي ليك اللي انا مكنحسبوش عشق انما هوس
اه انا مهووس بيك .. فينما كنشوفك كنسى هموم الدنيا كننسى رااسي كنحس براسي بحال شي مراهق .. انت كولشي بالنسبة ليا ومنقدرش نتخيل حياتي بلا بيك
عشقتك واعشقك وسأعشقك
هبة براءة برادة .. هل تقبلين الزوااج بي ؟؟
احاسيس الدنيا كااملة تخلطو عليا دموع الفرحة من عيني شلال وانا كنشوف حبيبي جالس على ركيباتو
قلبي ضرني من كثرة الخبيط شفت فيه مبتسمة : هه اكييد احياااتي اكيبد قابلة
ناض وعنقني وانا بدوري وركت عليه
لبسني الخاتم 💍 اللي كان من الدياموند 💎
ومسح ليا دموعي : اشش منبغيش نشوفك كتبكي نهائيا
انا : اهئ غير دموع الفرحة
