#فصيلتي_الوكحه

مسائكم الله بالف خير
قصه هاذا اليوم بعنوان #فصيلتي_الوكحه
بارت الاول والثاني
#تابع_الحساب_لكي_يصلك_كل_جديد
هااااي اني نرجس عمري 16صف رابع عدادي مجتهدة وحلوة وطيوبة وجريئة ومن تطخ ببالي العشيرة متلحك

وواني ادم عمري 21 ومتاكد راح اشبع مسبة من ورة اختي العزيزة نرجسسسس
واني ريماس صديقة نرجس المخبلة عمري 16يعني بكدها

والادوار الثانوية

ورد:ام نرجس تبلغ ال45
عباس :ابو نرجس عمرة 51
واخت نرجس الصغيرة :رسل
اول ما كعدت من النوم رحت للجحيم اليومي الي هية المدرسة وية ريماس

اني مفرعة يعني مو محجبة من يعجبني واعرف انو الوكت مناسب اتحجب

اخذنة ست دروس وية الدرس الاضافي مال رياضيات لان ضعيفة بي شوية

واول ما خلص ما صدكت اروح للبيت زركنة اني وريماس بسرعة اول ما دك الجرس

ومن رجعت ذبيت جنطتي يم باب غرفتي ومددت واني اباوع على صور وان دايركشن الي مالية غرفتي خصوصا هاري وزين رحت وكفت يم صورة هاري

نرجس :شوكت اشوفك والله راح اشيب واني اتحصر على ذيج اللحضة بس ذنيج لاجنبييات الجكمات يشوفنك والله حرام معلليييية ارييييد اريييد كونست

ورد :ها حب جتج الحالة لازم
نرجس :ماما ليش دائما تقاطعين حديثي وية الحب مالي
ورد:كبور عليج وعلة حبج الفاشل تعالي تغدي هههه
نرجس :اوكي مامي
نزلت داصب الغدة وية ماما جان يجي اخوية آدم وهوة خايف ومرتعب
ورد:ها يمة هاي شبيك هيج شاحب
آدم:يمة اني دعمت واحد من بغداد على الطريق العام بالغلط وهسة جايبين شيوخ علينة يردون دمي
ورد:لا يمة لتكولهة اروحلك فدوة يمة ابني بعمر الورد راح يروح من عندي وكامت تلطم ونرجس حاولت تهديها
نرجس :كافي يمة بداعتي كافي مراح نوصل لشي بالبجي لازم نشوفهم ونتفاهم ما معقولة انو ما عدهم رحمة يكتلون اخوية يمكن نكدر ننطيهم فصل فلوس

ورة جم ساعة اجوي سيارات هواية علة بيتنة وكلهم ولد مسلحين
رامي

:وينة الي كتل اخوية اليوم الة اذبحة واشرب من دمة هالنذل سلمونة ياه قبل لا تصير المشكلة اكبر هااااا
عباس (ابوهم ):اهدة ابني كلشي بالتفاهم خلينة نكعد ونحجي ترة هوة مو بقصدة تفضل نتفاهم عالفصل
رامي :ما اشتري دم اخوية بوصخ الدنية لو تنطونة الولد نكتلة ونصفي العلاقة لو تنطونة بتكم فصلية
عباس :لا ابني شنو هالكلام فصلية شنو معقولة هيج لا متنحل
رامي :والله يا عمي ما دام هيج الشغلة اريد فصلية ما اريد ابنكم واذا ما اخذناها نسوي العشيرة طشار بالدربونة اختار كل هذولة لو بتك المدللة

ورة ما خلصو حجي راحوا ومن كل عقلهم انو ابو ادم مراح يضحي بكل هذولة من ورة بنية وحدة