#فصيلتي_الوكحه

بارت 16

#نرجس
البارحة جان يوم كلش حلو اني اول مرة احس برامي وطيبة كلبه علية تخيلوا كعد سمع كل سوالفي التافهة بدون ما يمل طول الليل هو بس يسولف وياية ويباوعلي بكل حب يا ربي يكون الي ببالي صار ورامي كام يحبني لاضل وياه طول عمري

بدلت هدومي ونزلت رامي جان لساعة نايم

نرجس.صباح الخير  بست خالتي
ام رامي. صباح النور بنوتي
نجوى .صباح النور نرجس
نرجس.وكفت بصف نجوى داطلع مربى لان رامي يحبها صفنت شوية عليها لان جان شكلها يشهي
نجوى.خير شهلصفنة لازم تكون وحدة من الاثنين يا رامي يا بطنج ههه
نرجس.لا ولا وحدة بس صافنة داكول وين راح ادووم لان المدارس جاية
نجوى.هااا عبالي عبالي انتي ورامي البارحة تفا...خليت ايدي على حلكها
نرجس .اششش لا ابد
نجوى .وسم داكول تفاهمتو ...نرجس صفي نيتج
نرجس.اكلج
نجوى .نعم
ترجس. اكو شخص يطبع صور هنا
نجوى .والله ما اعرف يمكن صديق رامي ...ليش
نرجس. لا ماكو شي بس اريد اطلع صور جديدة لهاري وجم صورة لاكسو
نجوى.الله يعينج خية
نرجس. الكارهون سيكرهون (هه ترة تايلور سويفت تكول هيج اني معلية )
#رامي
كعدت لكيت نرجس نازلة اوووف البارحة كسرت ركبتي من كد ما باوعت عليها هية تسولف واني ما جنت اسمع ابد جنت بس صافن على نقاء روحها وشكد بريئة وشلون ضلت تبجي من برشلونة وريال مدريد تعادلو لان جانت مراهنة على قوطية ببسي

لبست تي شيرت اسود وبنطرون كحلي ورجعت شعري ليورة بشكل عادي
نزلت لكيت الريوك جاهز بعد بس يحطنة عالميز
اتهزت الفرصة ورحت كلت لامي عالبالي
ام رامي .خير ابني احجي
رامي. يمة اريد اخذ رايج بشغلة
ام رامي. احجي وليدي صاير شي لا سامح الله
رامي .لا يمة سلامتج بس اريد اخذ نرجس لديالى احسها مشتاقة هواية لاهلها وخصوصا امها كل ما تحجي عنها تخنكها العبرة اني ما اريد اكون سبب تعاستها
ام رامي. حبيبي اني ام واعرف هسة شلون ام نرجس دتموت باليوم الف موتة وتتسائل شلون دنعاملها وبنتها شلونها بردانة دفيانة جوعانة شبعانة وكل هاي الشغلات بجفة وتعاملك وياهة بجفة ثانية بس تخلص اكل توكل روح ثلاثة ايام وارجع
#نرجس
نزل رامي وبوجهة على امة جان يحجي وياهة الله يستر من ابو راس الفجل الصاك

حطينا المواعيد والاستكانات وكعدوا الكل ياكلون
نرجس.اني ونجوى جنة نسولف على موديلات الصداري النازلة جديد وقاطعنة رامي
رامي .نرجس تريدين تروحين لبيت اهلج
نرجس. اني انصدمت الكلمات مدا تطلع مني اريد اروح واشبكة حيل بس برستيجي منعني ما كدرت اكول غير ....طبعا اريد مشتاقة لماما
رامي.بدلي وكليلي اني جاهز حتة نروح
نرجس. رامي
-ها
-شكرا صدك محتاجة هالشي
-هذا واجبي انتي مرتي
نرجس. جنت كلما يكول انتي مرتي اضحك لا اراديا سذاجة علني ...يا ربي احب هالمخلوق الكيوت
كملنة وبدلت لبست  ونزلتلة بسرعة
نرجس.جاهزة
رامي. ها يلة نتوكل
مشينة وضليت اني صافنة على الطريق ومبتسمة اول مرة فتنة منا جنت فصلية جنت مغصوبة عالروحة وية رامي وهسة اني معززة مكرمة ببيت رجلي حبيبي اتمنى يكون يبادلني المشاعر
#رامي
جنت صافن على نرجس بين ما داسوق شلون حانت صافنة على الطريق ومبتسمة ههه احب هالخبلة مالتي القدر حط البنت الصحيحة بطريقي حتى لو كان هذا هو ثمن موت اخوية المرحوم بس هذا هو القدر بي خير وبي شر حوادث مثل هاي هي اللي تصنع العواطف وناس مثلنة تكتلها هه ما اعرف بيش جنت افكر من اخذتها بالقوة من بيت ابوها دمي جان فاير وما اشوف احد جانت بنية صغيرة بنظري لا اكثر هسة اني ما اكدر انام واكعد بدون ما اشوفها
*
*
*وصلنة ودكينة الباب طالعتنا حجية ورد
ورد.ما صدكت عيني اول ما شفتها
نرجس. ها ماما مراح تشبكيني
ورد. بنيتي حبيبتي شبكتها حيل ما اريد تروح مرة ثانية مني لج وينج ليش متجاوبين على اتصالي كسرتي ضهري حبيبتي والله موتيني
نرجس. ماما اني مشتاقتلج كلش مو وكت هالحجي ورد. اتنحت نرجس شوية وطلع رامي وراها
رامي. السلام عليكم حجية
ورد. انتة الي جبت نرجس
رامي. ها اي والله هي جانت كلش مشتاقتلج
نرجس. ها ماما مراح نطب اريد رسل
ورد. اكيد تفضلوا
طبينة للبيت الي ما شامة ريحتة من تسعة اشهر اشتاقيت لكلشي بي حيطانة الي نقشت طفولتي عليها غرفتي الحلوة ام الشباكين
ورد. اصبلكم غدة
نرجس. لا ماما تسلمين اكلنة بالطريق
ورد. رامي وليدي روح ارتاح بغرفة نرجس اذا تريد تبدل وتسبح
رامي. اي والله نرجس طلعيلي هدوم
نرجس. اوكي راح احطهن يم الباب وانتة من تحتاجهن عود اخذهن
رامي. اوكي
ورد. ها نرجس تعالي سولفيلي احجي لامج شلونة وياج هذاك
نرجس.هه ماما اسمة رامي مو هذاك
ورد. الكبر كون لج هذا تدافعين عنة
نرجس. اي ماما ادافع عنة هو رجلي
ورد. ها هسة صار رجلج مو من اخذج بالقوة مجان رجلج
نرجس .اي ماما هو يعاملني كلش زين احسن من بقية النسوان ويغار علية وابد ما غاثني بكلمة
ورد. نرجس هو كالج انو هو يحبج لو لا
نرجس. اي ماما هو كالي بس ما متاكدة
ورد. وليش! !
نرجس. لان جان سكران بوكتها
ورد. صخام بوجهج كون انوب يشرب
نرجس. اي مرات بس نادرا
ورد. يعني انتي مراح تطلبين الطلاك منة
نرجس. اكيد لا
ورد. شنو يابة ليش
نرجس .لان احبة ماما احنة نحب بعض
ورد. حبتج حباية وطكتج سلاية كون حبيش بنت الاوادم تريدين تقنعيني هوة يحبج
نرجس. اي ماما خلي الماضي بالماضي علينة بالهسة واحنة ابناء الحاضر
ورد. أوي اني ليش متعبة روحي اذا هوة يعاملج زين بعد
نرجس. اوي فديتج مامي
رامي. نرجسسسس! !
نرجس.عزة هذا رامي شبي
رحت للغرفة ركض ثانية واني هناك
نرجس. ها شكو شبيك
رامي. ابوج واخوج وين
نرجس بالشغل ليش
رامي. لا ماكو شي بس مجرد سؤال
نرجس. رامي تدري وكعت كلبي بمعدتي عبالي صارلك شي
رامي. تقربتلها اسم الله على كلبج نونة
نرجس. اروح يم ماما ضلت تنتضر
رامي. لحظة وين ماكو روحة تعاي يمي انتي شسوي وحدي
نرجس. هه احنة ليل نهار ببغداد سوية خل هالجم يوم يم امي
رامي. هفففف اوكي
نرجس. تعال انزل وياية
رامي. لا شسوي بسوالف النسوان
نرجس. استجمعت شجاعتي يلة حبيبي لتزعل بستة من خدة ونزلت بسرعة
رامي. خرب هاي شنو شهالصدمة اني انسطرت كلمة حبيبي وبوسة بوكت واحد لا هذا هواية
رامي. صحكت على روحي اذا بوسة هيج تسوي بية
#نرجس
كضيت باقي الوكت العب رسل فدوة شكد مشتاقتلهة
واجوي ابوية وادم هم وكلش تفاجئوا بشوفتي شبكتهم ورحبوا بية بابا الا شوية راد يبجي
عباس. لعد رجلج وين
نرجس .رامي فوك
ادم. اممم صايرين حبايب صدك ما تحت السواهي دواهي
نرجس. انجب اخوية العزيز رامي كلش كيوت من تتعرفون عليه
ادم. طبعا عندة صبر ايوب تحملج
ورد. ضربت ادم خفيف على راسة لتحجي هيج وية اختك كل الي هية بيه بسببك
ادم. ديلا مو زين تزوجت جان عنستي بدوني
نرجس. بكل عشيرتك ماكو مثلي ليش داعنس
ادم. مرات تنسين انو عشيرتج نفسها عشيرتي
ورد .هففف كافي نرجس كومي صيحي رجلج خل يتعشى
نرجس. هففف اوكي
صعدت لكيتة يشخر
نرجس. راااامممي !
رامي. خير شكو
نرجس. تعال اتعشة
رامي. لعد عبالي نطلع نتعشة برا
نرجس. وشنو المناسبة
رامي .مشايف بعقوبة اريد اشوفها واوديج انتي للزيتونة (هذا مطعم ببعقوبة)
نرجس . دقيقة شدراك مطعمي المفضل هو الزيتونة
رامي. جان اكو دفتر بالكنتور وردي مكتوب بي اعشق الزيتونة لان بيها اطيب اكل واحلى نوادل (كرسون)
نرجس. رامي قريت يومياتي
رامي. لتشمرين غراضج بيب
نرجس. ترة هذا اتهاك للخوصوصية رامي ليش جنت كاتبة بي مشاعر طفولتي كلها
رامي. ما بي غير صور هاري وغلط علية اول ما تزوجتج وبعض الاشعار الانكليزية ....هف الج خلك تطلعين هاي الشغلات
نرجس. .......
يتبع
انتضرونا في البارت الـ17 اذا شفت تفاعل انزله

تابعوني حتة من انزل شي جديد يطلعلكم
____________________________________