#فصيلتي_الوكحه

بارت 15

#رامي
مرت ثلاث ايام ونرجس كالبة قنفتها علية و اني ما انطيتها وجه لان باجر الها فد مفاجاة خاصة صراحة اني تعبت من هاي اللغوة راح اعترف لنرجس اني اريدها من جهة اني احس انو هالشي ضروري جدا لاستقرار العائلة
كافي اني تحملت هواية ونرجس هم
لو نجي عالحقيقة بعيد عن كل الحواجز نرجس خوش بنية وما اريد ابقى ساكت للحظة الي احس بيها انو هي ناوية لتسوية الامور واخذ الطلاك
ما اريد اخسرها لان حساسة وحلوة بشكل وقزومة ....احسها طفلة بجسد جبير وعلاقتها ب امي ونجوى كلش زينة يعني باختصار كل المواصفات بيها
*
*
*
*
#اليوم نفسه
نرجس .كعدت من النوم تعبانة كلش لان جنة مسوين حملة تنظيف متنا بمعنى الكلمة البيت كلة جلف من الحوش للبلكونة هففف
اريد اطلع اليوم
راح اكول لنجوى نطلع سوة
عاد بس لا رامي يذب نكدة عليه وميخليني اروح
يلة نحاول وية العيون البريئة (خخخخخ)
نرجس .رحت يم  نجوى وكلتلها توديني لسوك حلو مثلا بالسيدية بزيونة لان هاي مناطق بحياتي مشايفتهن
نجوى .لا نرجس منكدر
نرجس .بليييييز والله مشايفتهن
نجوى لازم رامي يطلع ويانة لان بعاد واني ما العب هيج لعب هو مكروه بالطلعات بس ينكد
نرجس.تحملي علمودي بس هالمرة مضايجة من هوسة البارحة ظهري صار بي تلف
نجوى .هففف اوكي بس كله على حساب رجلج
نرجس رجلي؟ ...ها قصدج رامي اوكي ميخالف
نجوى لعد روحي كوليلة
#رامي
كملت كلشي تم راح يكون اليوم خرافي
حطيتلها شموع وورد لونه وردي فاتح لان هية تحبة كدرت اعرف هية شتحب لان لكيت دفر يومياتها على الكاع
وما كدرت اقاوم
كاتبة بقائمة الاشياء الي تحبها
هاري ستايلز
الدجاج
البيتزا
الورد
والولد الصاكة (الحتيت ههه)
خربت ضحك ما اعرف شكاتبة بسهولة خطها شخابيط بزون
ذبيت روحي عالجرباية ما اريد هسة شي اكثر من ساعتين نوم او اكثر
*
*
*
*
*فجاة اجة الزلزال
نرجس .رااااااامي
رامي .خييير هو هيج يكعدون بالواحد عوفيني انام جريت الغطة
نرجس .كوم اريد منك شي قصة حياة او موت
رامي .خير
نرجس تمسكنت اريد اروع للسوك
رامي .مو هسة نرجس تعبان
نرجس.ﻻ هسة الله عليك والله ضايجة حببباب
رامي غير يوم
نرجس بكلبها. هيج صارت مو راس الفجل اليوم ازرف ظهرك
بديت ادغ بي باصبعي
نرجس .رامي رامي رامي رامي اليوم متنام اذا متاخذني للسوك لككك رامي رامي كوم رامي
رامي .كااااافي عاد دكلج لا
نرجس .اوكي اني راح اخذ خالتي ونروح عبالي تتونس شوية ويانة (هههه الغسل كون )
رامي .ابد مو غثيثة
نرجس .ابد مو نكدي
رامي .اني مو نكدي للمرة المليون
نرجس .لعد كوم
رامي .صدك كيدهن عظيم شو دوخري
نرجس.يسسسسسس
رحت لنجوى وكلتلها انو رامي قبل نروح وبدت تبدل بس اني حرت شالبس لان كلهن لبستهن هففف راح اجدد بس نروح اخذ هدوم
*
*
*
*
لبست تنورة سودة باف وقميص تفاحي وشال مشجر لان مو حلو كلة سادة
#رامي
عوذة منج نرجس حرمتي علية النومة
بس ما كدرت اقاوم هالعيون خرب شلون تخط النايناينر مادري شلاينير المهم تخبل
اني رامي الي جنت مدوخ بنات المنطقة بنية محافظات هيج تسوي بية
*
*
*
يلة جاهزات
نجوى .اي ما ظل شي بس احط حمرة ...هاهية
رامي .وين نرجس
نرجس .هياتني هنا
رامي .يلة نمشي شفتن امي خما تحتاج شي
نجوى اصلا نامت لان كلش تعبانة
رامي.انتن مو اشتغلتن وياهة ما تعبانات شنو رايجن تروحن تنامن وباجر نروح
نرجس ورامي.لا اكيد لا
رامي. اوي ماكو فايدة من الحجي وياجن امشن كلما رحنة اسرع كلما رجعنة اسرع ونمنا
ركبنة السيارة ورامي ودانة لمول بغداد
نرجس.والله طلع هالمول حلو
رامي .ليش شجان عبالج
نرجس .يعني يكولون مكان للكبلات تعبان
رامي.لا حلو جاي اكثر من مرة هنا والناس راقية كلش
نجوى .ديلة بلكي نلكة صاكين هناك ههههه
نرجس. الله يسمع من حلكج ههههههه
رامي .انتن صدك لابساتني استحن شوية عاد وبعدين انتن محظوظات تصبحن وتمسن علية وبهدين نرجس شنو اني ممعبي عيونج حجي من هالنوع ممنوع بعد مفهوم
نرجس.اوي فدوة للكياتة الشايلهة اي مفهوم كمت اتغزل بي لان اريد كومة هدوم
رامي.ما ادري ليش ضحكت لا اراديا هسة عبالهة خفيف خرب حظي
نزلنة ورة ما ركنت السيارة كدت نرجس وكلت لنجوى تمشي بصفي لان بكل مكان شكد ما جان راقي لازم اكو حثلة
رامي.لتمشن بعيد اوكي
نجوى .هههه لك رامي هسة عبالهم احنة زوجاتك ثنينة دعوفني خل يبين علية اني سنكل
نرجس. هههههه سنكل لو مغسلة ههههه
نجوى ورامي .صفنة ما عرفنة نضحك نبجي شهالنكات البايخة
نرجس. خرب شلون فشلة احب النكات بس اني نكاتي بايخة شوية وما اعرف بحس الفكاهة هواية
*
*
*
*
*
#بعد ساعتين من التفرفر
رامي .لجن خافن الله رجلية تكسرن
نرجس .لك كل الهدوم مو حلوة وغالية مدالكي شي مميز
رامي .هو صوجن انتن مال مول المفروض اوديجن لسوك شلال
ما اهتمن لحجيي هواية جانن عبالك واحد سكران من المحلات التجارية اليمهن فجاة دنمشي وشفت فستان اسود قصير فوك الركبة وبي شغل كلش حلو
رامي .باعي نرجس هذا حلو اشتري
نرجس .رامي هذا هواية قصير وغالي بورقة ونص شمشترية جفية هاري ستايلز
رامي .اويلي هم جابتلي سيرتة اني اريدج تلبسي اوكي راح ناخذة تعالي
نرجس .اوي يمة حتى من تريد تصير رومنسي عصبي كسرت الرومنصية ههههه
اشترينة الفستان واخذن هدوم هم
ومكياج وصبغ اظافر وغيرهن شغلات متنعد
*
*
*
رجعنة للبيت
رامي. ذبيت نفسي عالقنفة اخخخ دخيلك ربي شلون تتحملن
نرجس.فطرة ربك احنة نحب السوك والمشترة وانتو تحبون النوم والاكل
رامي .هاي منو ديحجي هو انتي الا شوية لو انطيج مجال تاكليني
نرجس .هسة وذا اكلت ماكلة من جيبك ....دقيقة اي صح ماكلة من جيبك بس ملازم تحجي لان اني ابد ما اسمن
رامي .طبعا مو سمينة شايفة نفسج شكد تتحركين
نرجس .هه مضغوط لان انشط منك ابو كرشة ههههه
رامي .اذا اني ابو كرشة كومي سويلي عشا
نرجس .ممم اوكي شتريد
رامي. اي شي
نرجس .تريد طماطة باللحم
رامي .اوكي ماشي ....لا اوكفي
نرجس.شكو
رامي. نرجس روحي كدري الفستان الاسود
نرجس .هسة والله ما بية
رامي .لو باقين باسوك لحد هسة جان كدرتي
نرجس .عمي اسفين ههه راح اروح بس ريلاكس
#نرجس
شنو هاي هيج فجاة
شنو هالطفرة من شخص بالكوة يباوع عليج لشخص يريد تكدرين الفستان الي جابلجياه ....امممم
راح احلل الامور على طرقة نرجس
بس لا ....لا
اذا يريد يستغلني فراح يشوف الامهات شتجيب
اوي شنو هاي استحي هو اني ابوية ما البس كدامة قصير عاد هوة ابد ميفقد
لبستة وباوعت بالمراية
صدك وااااو يعني ما اتوقعت ذوق رامي لهلدرجة حلو
*
*
*
طلعت نرجس ورة خمس دقايق هيج وطالعة ملكة مال جمال
هالرجلين عبالك كطن وصغار وشهرها السلفر
وشفايفها الكرزيات
نرجس. بصعوبة ها شنو رايك
رامي. تقربتلهة ...عمستلها طالعة تخبلين
نرجس .حسيت بالغرابة لان اول مرة يكون قريب مني هالدرجة وبوعية !!!......

انتضرو بارت 16 اذا شفت تفاعل قوي انزله