🙌🙌حكاية جزائرية💕 خنته...تزوجني لينتقم💕

😄2😄

دخلت للدار ...

نادية (أم ماريا ) : وين كنتي ؟
😒😒😒

ماريا : قتلك ماتسقسينيش وين كنت باينة في البلاد ...

نادية : أنتي راح تهبليني ؟
راح طيري ؟؟
واش تحسابي في روحك ؟؟؟

ماريا : والو أنتي جبتيني هنا تحملي المسؤولية تاعك ...
ولا جبتيني تديريلي الحبس ؟؟
كثر ملي تحبست في هذي بلاد
😫😫😫

نادية : حبيتيني نخليك عندو ؟؟؟
😤😤
باه تهملي و تتعلمي الشراب و السهرات ووتولي خامجة كيما الخامجات الي يعرفهم ؟؟
اه قولي ؟

ماريا : ماما اني كبيرة درك
و زيد حياتي و أنا حرة فيها اني نعرف صلاحي ..
😯😯

نادية : كبيرة ؟
وقتاه كبرتي ..؟
19سنة كبيرة ؟؟

ماريا :أخطيني💢💢 والله نخرج مانرجعش ...

قعدت نادية في الأرض و بدات تبكي ...
وعلاه يا بنتي ديريلي هك راني امك ...
أنا الي شربت المرار على خاترك وعلاااااه.....📛
بغيتي ترجعيلو ووتخليني؟؟
أزربي روحي وعلاه راكي تمرضي فيا ...
😤😤😤

ماريا قعدت قدامها و غاضتها أمها

ماريا : خلاص ماما أنتي كل مرة تعملي هك ؟
أني قتلك مانخليكش ...😟
بصح هيا نرجعو مع بعضانا و نخدمو و نعيشو ثم ....
ماقدرتش نبقى هنا 📥.
...هيا ماما .

نادية : نرجع للغربة و نخلي والديا و ناسي ؟؟
😐😐
كرهت يا بنتي ما نقدرش ...

ماريا : انتي والديك و ناسك بصح أنا ماعندي حتى حد هنا من غيرك ..15سنة عايشة لهيه صحاباتي و أصحابي كل لهيه ماقدرتش حتى أنا ..
على جالي مامي
فضت روحي 😲😲

نادية : درك توالفي يا بنتي عندنا عام واحد من الي جينا ...

ماريا : عام واحد !!! نزيد نبقى هك 10سنين ؟؟؟

نادية : إذا تحبيني أصبري ...

هزت رحها و راحت لبيتها قفلت الباب على رحها و جبدت تصويرة عائلتها 🎬📷 الي تفككت كل واحد راح في جيهة ...

راح العز و راح الدلال راحو الخرجات و السهرات و ليمارك تاع القش و البرفنات
فجأة لقات رحها في دزاير الي ماتحبهاش الي كانت تهبط في الصيف تفد منها و من الناموس و السخانة بلاكليماتيزار ...
💥💥💥

هذي هي الحقيقة هكا رباها ابوها الي خرج من دزاير
و ربى أولادو و زرع فيهم فكرة أنو دزاير ماعطاتو حتى شيء أنو العائلة ولافامي طامعين فيهم أنو مافيها مايتحب ....

يتبع#