🙌🙌حكاية جزائرية💕 خنته...تزوجني لينتقم💕

😘5😘

رحنا للمطار حكمنا بلايص في الطيارة ...

و رجعنا للوتال و كانت الطيارة لغدوة على 6تاع الصباح ...
⚡⚡

هذا كان آخر نهار ليا في فرنسا 🗼💒 و بداية المعاناة تاعي في دزاير ....

غير وصلنا رحنا لبيت جدي 🏡 الي كانت مشارجيا بالغاشي ماعندك وين تحط رجلك ...

خوالي 3مزوجين بنساهم و أولادهم ثم حسيت روحي دخلت لسوبيرات من تاع بابا غير نشوف بعينيا و هم يقلبو فيا من راسي لرجليا ...
😐😐😐

يشوفو مع ليكاپا تاعنا 👊👊 الي ماكانوش بزاف غير 4فاليزات 2تاعي و 2تاع ماما يعني ليكادو ماكانش 🙍🙍🙍 دخلت ماما مع جداتي 👵 للبيت و بقيت أنا في وسطهم ...

حكات ماما كل شيء لجداتي القرار المصيري الي قرراتو ...

بصح جداتي ماتقبلتش و قالتلها وين رايحن تقعدو ....؟؟
😬😬😬

خرجت ماما تبكي و دمعتها على خدها قاتلي هيا ماريا ...

تبعتها و أنا فرحانة موش راح نبقى مع الهمج هذم ..
( راح تقولو متكبرة بصح الحقيقة فاميلة ماما يحبو غير صلاحهم وهي والفتهم من الي تجي تجيب معاها شيء كبير ) ...

رحنا لأوتال في عنابة حكمنا شومبر أنا كنت غير نتذمر و نخرنن على ماما واش كاين ؟
و كيفاه ؟
و لاشومبر باشعة ؟
وواش هذا لوتال ؟
حتى عيطت عليا عيطة خلعتني قاتلي بالحرف الواحد ...
😰😰😇

"من اليوم تبعيني و تسكتي ...
فض الدلال تاع باباك "

كنت خايفة فهمت من هدرة ماما أننا رايحين نبقاو في دزاير و هنا كانت صدمة عمري ....
😵😵

ماتقبلتش الفكرة موحال حب بابا ليها فض أكيد فترة و تفوت و يرجعو كيما قبل ....

بقينا في الأوتال و كنت نخرج مع ماما و نتبعها كيما قالت وين تروح كي الأطرش في الزفة ...