صحيت بحركهه هيما وهو بيلبس،،،قومتا سريع،،قولته ليهو هيما ماشي،وين الزمن دا??قال لي طالع قريب وجاي،،،قولته ليهو قريب وين يعني،،،قال لي ايناس قريب قولته ليك ماتنقي،،،،حمرتا ليهو وسكتاا،،،قال لي يلا صحصحي عشان تطلعي شغلك،،،قولته ليهو طيب،،،،طلع،،،وانا قومتا اتدوشتا وصليت،،،وشربتا لي عصير،،،،،قبل اطلع،،،لاحظتا لورق في درج الدولاب حق المطبخ،،،نفس الورق الكان لقيتو في غرفه لميس،،،شلتوو معاي وجدعتوو،،،،ركبتا لي امجاد،،،،ووصلتا البيوتي،،،،،كانو الناس متجمهرين،،،،لمن مشيت عليهم لقيت مدام ليلى ومعاها البنات ببكوا،،،قولته ليها مدام ليلى في شنوو،،،اشرت لي جوه البيوتي،،،لمن عاينتا كان في شرطهه وناس،المباحث وجثهه،،،قولته ليها بصوت مرتجف،الحاصل شنو هنا،،،قالت لي سلمى انتحرت،،،طبعا اتصدمتا،،،دي،سلمى اللي،عملت لي زوجها عمل عشان يبقى زي الخاتم في اصبعها،،،،قولته ليها كيف كيف،،،قالت لي والله،،،شربت صبغهه،،،،بعد شويهه الضابط جاا طالع،،قال لي،مدام ليلى تسلموا المفاتيح،،،،،،وتمشي هي واي،زول شغال معاها في البيوتي،،القسم علشان التحقيق،،،،طبعا انا حسيت رجولي ماشايلاني،،،،اقرب كرسي،قعدتا فيهو وبقيت بتفرج في،الناس،الماشهه والجايهه،،،نحنا اساسا خمسهه بنات شغالين معاها واي،واحده عندها شغل معين،،،،واسي بقينا اربعهه،،،طلعنا مع مدام ليلى في عربيتا ومشينا القسم،،،،،
اما اينار وصلت المحل وانتظرت هيما،،،،وصل وقعدوا،،،اينار حكت ليهو بالعرفتو وهي بتبكي،،،،قالت ليهو لو هي من الاول قالت عاوزه حذيفهه كان اتنازلتا ليها،،،بس ماكان في،داعي للاذيه دي💔💔💔💔،،،،هيما قال ليها اينار ماعارف اقول ليك شنووو،،،طيب يعني اسي ايناس ممكن…..إينار قالت ليهو هيما ماتقول كده،،،ان شاء الله مابحصل ليها شي💔💔💔،،،،،قال ليها بغضب لميس،،،ماح يكفيني موتاا،،،قالت ليهو الغضب والجوطهه في حاجات زي دي مابتنفع،،،علشان كده خلينا نفكر برواق،،،قام من الكرسي وقال ليها نفكر في شنو تاني،،،،لا انتي عاوزاني اقعد واشوف مرتي بتموت قدامي وما اعمل حاجهه،،،،قالت ليهو ح تعمل شنو،،،قال ليها ما ح ارحم لميس،،،،ومشى من عندهاا،،،اينار قعدت تبكي،،،بعدها اتصلت بي،،،،،انا كنت في،القسم صمتا التلفون،،،،حققو معاي،،،وسألوني اسئلهة عاديه،،،،بس،اخر سؤال ❔ ماكان عادي،،،الضابط قال لي هل كان في،عدواه بينك وبينها،،قولته ليهو لالا ماف،،،قال لي،طيب كل البنات قالوا انتي اتناقشتي معاها امس،،،،الكلام دا صاح?? قولته ليهو ايوه،،،بس،كان نقاش عادي،،،،قال لي اممم سجلي بياناتك ح نحتاجك تاني،،،،سجلتهم وطلعتا،،،،اينار اتصلت بي تاني،،،قولته ليها اي،يا اينار،،،قالت لي ايناس،كيفك،،قولته ليها بخيير وانتي وناس،البيت،،،قالت لي كويسسين،،،وينك اسي،،،قولته ليها في القسم،،قالت لي بخلعه قسم??😱،،،قولته ليها اي،قصهه طويله بس،ارجع البيت وبتصل احكيها ليك،،،قالت لي،طيب،،،،،،،،من محلي،داك شلتا لي امجاد ورجعتا البيت،،،،لقيتهم جايططيين،،،،وهيما ماسك لميس من شعرهاا،،،قولته ليهم في،شنو😨،،،،ماف زول ردا لي،،،بس،هيما كان بقول لي لميس،،،دلعك الزايد دا هو الوصلك لي هناا،،،وعدم تربيتك،،،امو قالت ليهو وهي بتبكي ياولدي فكها حرام عليك،،قال ليها امي عليك الله اسكتي،،،،اصلا الحصل دا بسبب عدم مراقبتك ليها،،،بتديها قروش الا بالالاف،،،،،وماف زول اتكلم معاك،،،بعد كده خليني انا بقدر ليها،،،،،،قولته ليهم زول يفهمني،في،شنوو،،،،ميس كانت بتبكي وماما سعاد،،،،ووليد،بس،واقف بعاين لي لميس،،،،هيما قال ليها عملتي كده لي،بتكلم معاك😠،،،،ماردت ليهو بدا يكفت فيها.💔💔💔،،،وهي،حالفه ماتتكلم،،،،بس،بتعاين ليهو،،،قال ليها انا مابتكلم معاك،،،ردي😠😠،،،،قالت ليهو عشان انا مازي مرتك واختها،،،قال ليها كيف يعني،،،قالت ليهو مرتك دكتوره وفي،نفس،الوقت شغاله في،بيوتي،،،متزوجهه مهندس،،،عايشهه في،افخم شقهه،،،ومستنيه مولودها الاول،،،،مع انو اعمارنا قدر بعض،،،،بس انا ماف زول بعاين لي،،،اختها الصغيره،،،خاطبها مدير اكبر شركهه،،،وخلاص،قربت تتخرج،،،واكيد ح تتزوج حذيفه وتكون عايشهه في نعمهه،،،طيب انا ممنوعهه من الصرف مثلا،،،،وريني،،هيما كان بعاين ليها بصدمهه،،،وانا اساسا مافاهمه هي عملت شنو،،وجايبه سيرتي،انا واينار لي???،،،،هيما التفت علي،،،قال لي اتصلي بإينار تجي سرعهه،،،قولته ليهو طيب،،،اتصلتا بآينار وكلمتها،،،قالت لي مسافهه الطريق،،،،لميس قالت ليهو اهاا ما لاقي جوااب،،قال ليها انتي مجنونهه لي ماعندك قناعه انو الشي دا قسمهه،،،بطلي الحقد والحسد والانانيه الفيك دي،،،قالت ليهو ههه ماحقد ولا حسد ولا انانيه،،،،بس انا لي بيحصل لي كده،،،قال ليها عشان ربنا عاوز ليك كده،،،احتمال مخبي ليك اجمل من كده،،،،،قالت ليهو لا،،،،انا بصنع حياتي بيدي،،،،،بعد نص ساعه كده وصلت اينار،،،،لميس لمن شافتا،،،قالت ليها ماف طريقهه عشان تكوني مع حذيفه تاني،،،،او يموت هو او ايناس عشان كوابيسهم دي تختفي وحياتهم تمشي عديل،،،،طبعا انا مافاهمه في شنو،،،قولته ليهم زول يفهمني يا جماعهه الحاصل شنوو،،،،،لميس قالت لي انا بفهمك،،،،،هيما قال ليها اسكتي،،،قالت ليهو واسكت لشنو،،مدام الناس كلها عرفت هي زاتا من حقها تعرف،،،اصلا اياما في الدنيا بقت معدوده،،،،،قالت لي عاوزه تعرفي شنو،،انو انا عملتا ليك عمل والا تموتي حتى العمل يموت معاك،،،يا اما كده،،،او حياتك ح تفضل في دوامه النمل والديدان والاصوات،،،،،انا هنا يادووب القصهه اتضحت لي،،،قولته ليها لميس يعني انتي،،،،،
