—نايمهه نوم عميق وبشخر كمان،،،فجأه نغمه التلفون علت،،،عاينت كان رقم غريب،،والساعه كانت عامله3صباحآ،،،،رديت:آلو،،،جاني صوت راجل خشن قال لي وعليكم السلام،،،قولته ليهو منو معاي،،قال لي دكتور في مستشفى() قولته ليهو مستشفى😳قال لي ايوه صراحه لقينا رقمك في سجل المكالمات اخر مكالمه،،،قولته ليهو في شنو،،،ومنو اللفي المستشفى،،قال لي جابوا لينا حاله اسعافيه حادث مروري بس ماخطير اسم المريض ابراهيم جمال الدين،،،قولته ليهو ابراهيم😳قال لي ماتخافي،،،حاليا مدخلنو على عمليه،،،قولته ليهو حادث وعمليه وتقول لي م تخاافي،،،طبعا اتوترتا شديد،،،والتلفون وقع من يدي،،،لبستا توبي ونزلت الطابق الارضي،،طبعا ساكنه مع نسابتي،،،،مشيت غرفه وليد دا اخو هيما الصغير،،فتح لي الباب،،قال لي مالك خير بطنك وجعتك قولته ليهو في زول بلدي في الرابع،،،قال لي مالك خلاص😒قولته ليهو هيما،،هيما عمل حادث،،قال لي شنو؟؟؟قولته ليهو اسي اتصلوا علي ناس المستشفى،،،ارح معاي،،قال لي طيب طيب،،،دخل لبس،،وقال لي دقيقه اكلم ناس امي،،قولته ليهو انت لسه ح تكلمهم😭ارح وديني بعدين كلمهم،،،قال لي ارح،،وطلعنا بسرررعه،،،وصفتا ليهو المستشفى،،،ووصلنا سألنا منوو،،قال لينا في قسم الحوادث،،،طبعا انا رجولي ماتوا💔طلعنا بالاسانسير،،،،ولقينا الدكتور،،،ادا وليد كم ورقه وقع عليها،،قولته ليهو هو اضرر كتير😭💔قال لي عندو كسر في رجلو الشمال بس،،،،،وبعد العمليه ح نعمل ليهو فحوصات للراس وان شاء الله خير،،،،قعدتا ابكي بس،،قولته اصلا هو سواقتو كعبه،،،وماكان يجي في الليل دا💔😭،،،وليد اتصل بأهلو وكلمهم،،،بعد ساعه وصلوا،،،امو اسمها سعاد،،قالت لي يابتي كده تسوقي وليد وتطلعوا كان تكلمينا،،،ولا هو عزيز عليك برااك،،قولته ليها ماكده والله،،،بس انا ماقدرتا استنى💔عمو جمال قال لي خير خير ان شاء الله،،،عندو اخواتو اتنين،،،واحده اكبر من هيما اسمها ميس28 ودي مطلقه وعندها طفل وقاعده معانا في البيت ظرييفونه برتاح ليها شديد❤💋،،،وواحده اصغر منو اسمها لميس عمرها24،،،دي اكبر من وليد بتكرهني😊💔،،،،بعد كذا ساعه الدكتور طلع وطمنا على هيما،،،وقال حالتو استقرت،،،جبص ليهو رجلو،،وماف اي مشاكل تانيه❤طبعا يادووب قلبي برد،،،ماما سعاد قالت ليهو ممكن اشوفو؟!قال ليها ايوه بس ننقلوا غرفتو،،،،،طبعا اذان الصبح اذن عمو جمال ووليد مشوا صلوا وجوا راجعين،،،،بعدها بنص ساعه نقلوا هيما غرفه تانيه،،،طبعا انا دموعي شغاله زي المطره بس ابت تقيف نهائي،،ماما سعاد قالت لي يلا ارح نشوفو،،قولته ليها خشوا انتو،،،انا ح اصلي واجي،،،مشيت للدكتور شلت منو مصلايتو ونزلت تحت،،اتوضيت،،،وقعدتا ابكي،،،تاني حمدتا ربنا انو الحادث دا جاا على قدر كده،،،،بعد خلصتا،،،طلعت فوق،،لقيتهم طالعين من الغرفه،،،عمو جمال قال لي الولد دا طردتنا عديل😂قال جيبو لي مرتي بس❤😂،،،ماما سعاد قالت ليهو معاهو حق والله❤😂،،،ميس قالت لي خشي خشي،،لانو شويهه وح يطلع من الغرفه ويجيك😂💔،،،وليد قال لي شكلو فاقدك ياخ❤😂اريتني هيما اسي❤👊😂،،،خجلوني طبعا🙈🙈😂،،،دخلتا ليهو،،طبعا اول ماشفتو دموعي جات حاريه وحلفت لو تقيف،،،قال لي تعالي ياشينهه،،،مشيت وقفتا جمبو،،،مسك يدي،،قال لي بتبكي ولا دي مويهه الوضوء😂قولته ليهو خوفتني ياحيوان😢،،،قال لي انا زاتي خوفتا لي روحي😂،،قولته ليهو انت كويس صاح؟؟قال لي والله كنت كويس بس اول ماشفتك،،،بقيت فوق مستوى الكويس،،،قولته ليهو هيما😢قال لي حياتو انتي❤قولته ليهو ترليون مره قولته ليك انتبه في الشارع،،،،وانت كنت جاي من سفر،،ماكان تسوق انت😢قال لي نحنا نكتفي بقول انو دا قدر وشي مكتوب تمام،،،وانا حاليا زي الحصان،،،تحبي ارقص ليك عشان تصدقي😂قولته ليهو هو انت فيك حيل😒👊قال لي حديد وحاتك😉،،،وبعدين تعالي هنا،،،جراني من يدي😂👊قال لي مشتااق ليك والله❤،،،وانتي سبب الحادث دا😒قولته ليهو كيف يعني😧قال لي طول الوقت كنتي شاغله افكاري،،،وماخده حيز في مخي😒كان كل همي اصل بسرعه علشان اشووفك،،،قولته ليهو مجنون وكذاب😂👊تلقااك ماخليت بت ماشاغلتها وتقريبا دا سبب الحادث😒💔👊،،،قعد يضحك قال لي والله ياننوستي شاغلتا كم واحده بس،،ماكتاار والله😂💔قولته ليهو هيماا😒👊،،،قال لي خلاص سكتا😂،،،ختا يدو على بطني،،،قال لي ان شاء الله ولدي مايكون عذبك😌قولته ليهو ولد ولا بت،،،قال لي ولد ان شاء الله،،،،ولو بت برضو ظابط❤البنات سكرااات،،،قولته ليهو ع الاقل تشاغل بتك وتخلي بنات الناس في حالهم👊😒،،،قال لي ههه طيب بدل العولاق دا ماتشووفيهو بالموجات وتريحينا😒قولته ليهو لا،،،يجي زي مايجي،،،مفاجأه❤😂،،،قال لي طيب طيب،،،،قعدنا شويهه جات داخله اختو لميس،،قالت لي نحنا ماشين،،،ارح لو ماشه،،قولته ليها لالا انا ح افضل مع هيما،،،قالت لي ماما هنا ووليد برضو😒،،قولته ليها انا كمان عاوزه اقعد😊هيما قال لي لا ارجعي البيت،،،اساسا بتكوني تعبانه،،،من صحية الساعه3ومع الخلعه،،،،لو ماكان مغمى علي ماكان خليتهم يتصلوا عليك،،،قال لي يلا اسمعي الكلام وارجعي البيت،،،بعدين الظهر تعالي،،،،اصلا انا م بحب جوو المستشفيات،،ح اقول للدكتور يخرجني،،،قولته ليهو طيب،،،خلي بالك على نفسك،،قال لي لا ماتخافي هنا في ممرضات قرضات ح بنتبهوا على حبيبك😌،،،قولته ليهو والله😒،،،قال لي والله بحبك😂خلاص امشي،،،،طلعتا لقيت ميس وماما سعاد،،،ميس قالت لي ارجعي البيت انا شويهه وبلحقك،،قولته ليها طيب،،،قالت لي خليت علي مع الحبشيه بس،،عليك الله شربيهو الحليب معاك،،قولته ليها عيوني،،ماما سعاد قالت لي وانتي برضو نومي وارتاحي تمام،،قولته ليها حاضر،،،طلعنا من المستشفى انا ولميس،،،لقينا عمو جمال،،،ركبنا معاهو،،،،،،وصلنا البيت،،،لميس دخلت غرفتا،،،وانا مشيت غرفه ميس،،لقيت علوش نايم،،بوستو،،وطلعتا شقتي،،،اصلا كانت نضييفه بس محتاجه شويه ترتيب،،،هي عباره عن غرفتين وصاله كبييره،،،وحمام ومطبخ،،،رتبتها ورقدتا نومتاا،،،صحيت زي الساعه 10كده،،،دخلت استحميت،،،ونزلت تحت،،،لقيت الحبشيه ماسكه علوش ومتعذبه معاهو،،شلتو منها وسخنتا ليهو اللبن،،،وطلعتو معاي فوق،،،شربتو اللبن ورجع نام،،،انا عملتا لي سندوتش بس لانو عندي حبوب بعد الفطور،،،،اكلتا وبلعت الحبوب،،اتصلت على ميس،،،قالت لي متين اسي نومتي وصحيتي😂قولته ليها ههه غفيت غفوه ثعنونه بس،،،قولته ليها اها هيما كيف،،قالت لي كوويس شديد،،،اسي الدكتور طمنا،،وقال ح يخرجوو المساء،،،قولته ليها الحمد لله❤قالت لي نحنا شويهه وح نجي،،والمساء تاني ح نجي المستشفى علشان نكمل اجراءات خرجو،،،قولته ليها طيب،،،،،
