روايه( نسيت الحب فأشعلته بقلبي) الكاتبه _ح&س_
البارت _العاشر_
امنيه/خاله وين وين رائد حسيت روحي بحلم مو حقيقه
سلمى/طبوو للعمليات هسه اول ماوصلنه لان حالته خطيره يكلون
غسان/صدمه سمعت الكلام معقوله يعني لاخر لحضه جنت اجذب روحي لا رائد ميسويه وسمعت هسه هو بلعمليات بلكوة ضميت دموعي
احمد /كعدت بلكاع وكمت ابجي بحركه يارب اخذني اني ورائد لا اتوسل بسك لتاخذه من عندي
امير /ضليت واكف و مصدوم وبكلبي اكول رائد قوي رائد راح يعيش اكيد لازم يعيش ورحت خابرت امه تخبلت وكامت تبجي ولازم تجي شوف ابنها ميصير اضم عليه
امنيه/رحت يم غرفه العمليات وكعدت بلكاع وخليت راسي بين رجلي وكمت ابجي بحركه وماعرف ليش هيج صار وياي شجابه عليه اني جنت مبتعده عن كل اذيه اجه هو نعصر كلبي عله الصار بي وصلت بيه لحد انو مانقهرت عله روحي بس عليه نقهرت
سلمى/اهدي بنيتي نشالله يصير زين
امنيه/لازم يصير زين رفعت راسي لازم يعيش والا اكون اني سبب موته هاج خاله وطلعت من الجنطه فلوس شوفي المستشفى والفلوس مال عمليه وعلاجه دفعيه كلها راحت خاله سلمى واجوي اصدقائه عليه
امير/من باوعت عله عيونه بيه شي مميز شنو هوة مادري بس حسيته خايفه عله رائد اكثر من عدنه بصراحه اني بنص هل مصيبه الي احنه بيه نعجبت بيه صح شايف هواي حلوات بس اباوعلهن بعجاب صح بس مو بهل طريقه هاي تختلف كل لاختلاف
احمد/احنه اجينه نعتذر منج عله الصار البارحه اسف
امير/اسف
غسان/اسف
امنيه/باوعتلهم ليش هذوله ماكرهتهم بعد الصار ليش تمنيت اكلهم مسامحتكم ليش اني جان الي يغلط بحرف وياي اموته احير شسوي بي بس اشوف بيهم رائد اصلا رائد ليش ماكرهته وكمت دامشي سمعت واحد منهم
امير/انتي لو تعرفين ضروفنا جان مسويتي هيج وقبلتي اعتذارنه جان عذرتينه عله سويناه
امنيه/رجعت عليه والدمعه بعيني شنو؟؟ اعذركم وشنو السبب العضيم الي يخليكم تسون هيج
احمد/صدكينه مجنه بوعينه بس وفجأه طلع الدكتور وركضت عليه امنيه وحنه وراهه
امنيه/اول ماطلع الدكتور ركضت وكلبي حسيته كام يرجف دكتور راح يعيش مو طمني دكتور
الدكتور/اهدي بنتي الحمدالله الرصاصه بلجتف داخله مو بصدره وطلعانهه بس محتاجين دم من نفس فصيلته
امنيه/خليت ايدي عله شعري وكمت ابتسم و ابجي حسيت روحي ردتلي ونداريت عله اصدقائه وصافنين ها مسمعتو يردون دم
الدكتور تفضلو ويانه منو بيكم راح يتبرع بلدم
احمد/اني دكتور
الدكتور /تفضل ويانه
احمد/رحت وياه فحصني ماكو مو نفس فصيله رائد
امير/رحت اني هم مو نفس الفصيلة
غسان/تخبلت ولا فصيلتي نفس رائد
الدكتور /ماكو الفصيلة مو نفسه شلون
امنيه/دكتور اني افحصني اني فصيلتي نادره
الدكتور/اي بنتي كولي هيج من وكت تعاي هو هم فصيلت دمه نادره
امنيه/رحت ويه الدكتور فحصني وني ادعي يارب نفسه يارب
الدكتور/الحمدالله نفسه يلا وطلبت من الممرضه اجهزه وطببه لغرفه العمليات وطلعت وياهه للمرضه وغسلت ايدي ودخلت الغرفه العمليات وكبل فترت بيه الدنيا وكمت ابجي لا لا ماكدر ردت اوكع من شفته لزمتني الممرضه
الدكتور/انتي بخير بنتي اذا متنطي دم راح يموت
امنيه/دكتور لا مابيه شي اوك واشرلي اتمدد بسديه يمه لرائد تقربت عله كيف وباوعت المكان الي ضرب روحه بي شادي ومخلصين العمليه وباوعت عله جسمه هو طويل حيل وعضلاته كلش مميزات وخصره نحيف دمعت عيني لان حرام يموت وهو بعده بشبابه وبوجه خاليله اوكسجين وشكلوله الجهاز الي راح يسحبون دم مني بي صعدت عله سديه تمددت شكلولي مغذي وخلت لابره مال سحب الدم وبدو يسحبون دم وني دموعي تنزل ونداريت عليه صفنت بوجه ولحيته مطوله ليش هيج صار بيك وبيه ليش جمعني بيك القدر
ام رائد/يمه وليدي وينه وج يمه ابني
غسان/اهدي خاله ماكو شي اهدي هو بلعمليات وجاي ينقلوله دم
ابو رائد/وشنو الي سوة هيج بي شلون نضرب
غسان/ها والله مدري عمي بس
ابورائد/دكافي كافي
غسان/صبرني يارب سكتت لخاطر رائد
ام رائد/يمه الله يخليكم يعني مابي شي شكال الدكتور
امير/خاله والله ماكو شي بس ينقلوله دم بعد مابي شي
امنيه/كمت والدنيا تفتر بيه اخذو جيسين دم وطلعت والممرضه لازمتني واجتي خاله سلمى اهدي مابيه شي خاله
ام رائد/رحت كبل عله ممرضة بنتي عليج الله ابني شلون صار طمنيني راح اموت
الممرضه /اسم الله عليج خاله الحمدالله صار تمام هسه نقلناله دم بفضل لبنيه
ام رائد/فدوة اروحلها ورحت يمه يمه بنتي حبيبتي اشكرج وحضنته
امنيه/كاعده يم خاله سلمى واجتي مره سحبتني وحضنتني وني صافنه منو هاي خاله منو انتي
ام رائد/اني ام رائد حبيبتي انتي صديقه رائد مو
امنيه/ضليت صافنه شايفين من تشوفون ناس اول مره وتحبوهم وتحسون انتو شايفيهم من زمان واكو ناس ويانه ليل ونهار بس تحسهم اول مره شوفهم وتكرهم اول مشفته حبيته وذكرت ماما من شفته وحيل حبيته حضنته اني وكمت ابجي
ام رائد/يمه شبيج بنيتي وكمت ابجي وياهه حسيته خايفه عله رائد مثلي واكثر يمكن جسمه يرجف وتبجي
امنيه/اني اسفه خاله بس جنت مخنوكه وهيج بجيت
اترخص اني يلا خاله وطلعت امشي وام رائد اصيح عليه اخذت الجنطه
ام رائد/اوكفي بنتي اوكفي شبيج
غسان/احنه بس صافنين معقوله هاي تحب رائد مو محد يسوي هيج اله مجان يحب واحد رحت للحمامات وشفت ابو رائد وجانت صدمه عمري شفته يبجي وضرب راسه ابني لازم يعيش اموت اذا صار بي شي نصدمت لعد ليش هيج يعامله ليش يضم مشاعره ليش رجعت وكلنه كاعدين منتضرين يطلعون رائد يودونه للردهه
امنيه/طلعت واني بل تكسي اني وخاله سلمى جنت صافنه و ابجي واعيد كل الي صار وياي من شفته لحد هسه واسال ليش هيج صار شنو المضموم الي بعد من هاذه الولد وني طلعت حته مااتاذه اكثر لان بديت اتعلق بكلشي يخص رائد يخص اهله اصدقائه تمنيت اعرف اكثر عنه رجعنه للبيت وتفقنه اني وخاله سلمى كلشي منكول لبابا حتى ميقلق عليه بس خاله سلمى لامتني لان طلعتهم كالت المفروض يتعاقبون بس كتله علمود امه وني بكلبي غير شي رجعت حياتي كما كانت من الدوام للبيت مرات اتغده اني وبابا ومرات وحدي وبابا هي ايام كلش مشغول وجاي يحضر لسفره لسويد راح يضل شهر هناك ولو اسافر وياه لو ابقه هنا مداصدك انو مرت 5اشهر عله الصار ولا شفتهم بعد ولا همه شافوني ولا سمعت عنهم شي وكلبي وبالي كل هاي المده يم رائد وجنت احلم بي كل يوم لحد ما بيوم نصدمت صدمه.............. يتبع
حبايب البارت ينزل عله حسب التفاعل اذا التفاعل قوي انزل البارت بسرعه لتنسون سوو متابعه للحساب والي تحب تقره الروايه من لاول دزلي طلب وتلكاهه بصفحتي ويارب تعبي ميضيع وتعجبكم نشالله
#احبكم
