روايه( نسيت الحب فأشعلته بقلبي)الكاتبه _ح&س_
البارت_13_
امنيه/طلعنه كلنه ركض وبصدمه شفت بنيه لاول مره اشوفه بنيه بعده بعمر المراهقه شامره روحه من السطح ضليت واكفه جامده واني اشوف امه تملخ بروحه واحمد يبجي ويعيط
احمد/ليش يمه ليش سوت هيج اسماء
امنيه/واكفه وكل جسمي برد ليش ماعرف
رائد/طلعنه وشفنه اسماء اخت احمد شامره روحها من السطح ليش ماعرف وشفت امنيه جمدت كبل رحت يمه الزمت ايدها
امنيه/باوعت الرائد وحسيت بلامان من لزم ايدي
رائد/لتخافين حبيبتي احمد وخر خل ننقلها بساع للمستشفى
احمد/يلا خويه يلا
رائد/رحت عله اسماء شلته وغسان كبالي شاله وامير فتحنه السياره من ورة مالتي وخليناهه عله كيف خاف متكسرة او مرضوضه
ام احمد/يمه بنيتي وصعدت يمه بالسياره ليورة
غسان/يلا رائد بسرعه لان خاف النفس مالته مكطوع
رائد/يلا وصعد احمد ليكدام وبقت امنيه وين راح تصعد اني ضليت لازم ايدها
امنيه/خلص روح انته واني وامير وغسان نجي وراك
رائد/لا حبيبتي شلون
امنيه/رائد لازم تنقلها باسرع وقت يلا وبلكوة قنعته يصعد وطلعو واني وغسان وامير اخذنه تكسي ورحنه وراهم للمستشفى
سمر/اخ يمه جنت كاعده ابجي عله سوته اختي ليش هيج -اني سمر اخت احمد 17 سنه طويله وضعيفة اعيوني مسحوبات صغار وشعري طويل واني حنطاويه اعرف انو اسماء تحب واحد من طرف واحد بس يما حاولت اقنعه انتي بعدج صغيره هاذه حب مراهقه متقتنع وجنت اتمنه اعرف منو الشخص بس هسه عرفته
ام احمد/وصلنه للمستشفى وكلبي راح من البجي ونزلوها رائد واحمد كبل خلوها عله سديه ونقلوها للطوارء
رائد/نزلناهه وني بالي كله يم امنيه وين صارت الحمد الله وصلو
امنيه/نزلنه شفنه رائد كبل كاد ايدي وطبينه سوة للمستشفى وكفنه يم احمد يبجي كافي احمد نشالله مابيه شي اهدء سطحكم ناصي نشالله مابيه شي
احمد/رح اموت شنو الي خلاه تنتحر بس لا نطت شرفي اويلي يابه محتاجك ليش عفتني وبقيتلي هيج مسئوليه
رائد/اهدء احمد لتكول هيج وحضنته وكام يبجي عله جتفي
امنيه/من سمعته هيج يبجي عله ابو ذكرت ماما وشلون جنت ابجي عليه وطلعت الدكتورة راح احمد عليه هو وامه واني ورائد وغسان وامير واكفين عله صفحه
الدكتورة/اهدؤو مابيه شي الحمد الله رضوض بلايد وبرجلها كسر بسيط راح نجبسه وراسه شويه بي جرح بسيط راح نخيطه الحمد الله عله سلامته
ام احمد/الف الحمدالله والشكر يارب احمدك وشكرك ودخلت لاسماء
احمد/الحمد الله مابيه شي مجرد رضوض وكسر بسيط بلرجل
امنيه/مو كتلك الحمد الله عله سلامته
رائد/يلا راحت العزومه
غسان/ههههه يمعود والله اعوضكم اني بس حمودي تره خواتك اشرف من الشرف اهدء مو لبالك والله
امير/اي احمد يجوز حاله نفسيه تعبانه من شي لازم تعرف
احمد/اي اكيد اسف منج امنيه خربت عليكم فرحتكم
امنيه/لا عله بختك صدك تحجي لايام الجايه هواي ونكعد سوة والفرحه بالكلب صح رائد باوعت عليه وبتسمت
رائد/صح حبيبتي يلا هسه لازم اوصلج تأخرتي
امنيه/ لاخليني وياكم كاعده لحد مطلعوها
رائد/لا يعمري ميصير تتاخرين لليل اكيد لو يطلعوها لو ميطلعوها
احمد/اي صح لازم تروحين و مشكورة متقصرين والله يلا رائد وصلها
امنيه/ماشي مابيه غير العافيه خل اسلم عليه و عله خاله طبيت جوة للردهه خاله ام احمد يلا اني تاخرت اسفه لان مراح اكدر اضل بابا عده سفر ولازم اكون يمه هسه
ام احمد/معذوؤرة حبيبتي وكمت بوسته الف مبروك الج ولرائد
امنيه/الله يبارك بيج ومابيه غير العافيه وباوعت عله لبنيه فتحت عينه ونضرتها غريبه ليش هيج تباوعلي ماعرف ونزلت دمعه منه ودارت راسه عله صفحه مع السلامه خاله
رائد/يلا حبيبتي يلا شباب اوصل امنيه وارجع لكم
امنيه/مع السلامه شباب
غسان_امير_احمد /الله وياج
امنيه/طلعنه اني ورائد وني صافنه واذكر نضره اسماء الي خوفتني انو الشي الي بالي صح وصلنه لبيتنه رائد
رائد/عيوني حبيبتي
امنيه/احبك وبتسمت
رائد/اموت عليج وبسته من راسه باوعت يبو اكو عالم ماكدر اخذ عسل من شفتج 😉
امنيه/ههههه عابت ونزلت تفوت
رائد/لا يعمري خاف عيب ابوج
امنيه/بابا سافر الضهر وبس الي تشتغل عدنه موجوده
رائد/لعد فوتي يلا اكمل ويه الولد واجيج اشوفج
امنيه/ماشي باي
رائد/بلسلامه حبيبتي
امنيه/دخلت وبالي نضرت اسماء حسيته تحب رائد حجيت كلشي لخاله سلمى
سلمى/اي بنتي الف مبروك وشايفه كل الخير معليج انو هي تحب رائد مستحيل لان اخوها صديقه ميصير
امنيه/ماعرف خاله هاذه احساسي خل اكوم ابدل وحته نتعشه سوة
رائد/ها حمودي
احمد/رائد اسماء طلبت شوفك ليش
رائد/شنو 😳اني ليش
احمد/هو داسالك ليش وصاله ساعه من رحت لحد هسه تبجي وتريدك
غسان/يجوز تريد تكلك شي متكدر تكوله لاحمد
رائد/ماشي وطبيت ها خاله
ام احمد/شوفه وليدي شوف شبيه وطلعت من الردهه
رائد/ها ولج شسويتي بينه ولج اني
اسماء/احبك
رائد /اني 😳😳😳شنو هي بلكوة جاي تحجي وسمعته تكلي احبك
اسماء/اي احبك
رائد/اسماء صدك تحجين بابا انتي شبيج انتي بعدج طفله شعرفج بلحب
اسماء/لالا لا اخ اني مو طفله
رائد/هسه اهدي بابا اني لو مزوج من زمان عدي بنيه بكدج هسه وعيب اخوج صاحبي من الطفوله احنه سوة
اسماء/ليش رحت خطبت اني احبك و متصير لغيري انته
رائد/جاي اسمع كلامه واني اتعصبت من هل كلام شنو اخوها بره وهي تحجي هيج كمت
اسماء/اذا تصير لغيري اموت روحي وطلع وني كمت ابجي رائد هو الشخص الي احبه من طرف واحد
احمد /ها خويه
رائد/لا بس تكلي خلي احمد ليضوج مني وهيج يلا اني رايح حمودي لان تعبت والله
احمد/ماشي خويه الله وياك
رائد/طلعت وامشي والطريق كوله كلام اسماء بالي اذا عرف احمد شكد عيب واني طاب طالع من بيته واخته تكلي هيج رجعت للبيت ذبيت ملابسي وضليت بلفنايلا وافكر بامنيه لحد هسه مامصدك هي قبلت بيه 😁اويلي كلبي راح من نزلت عله ركبتي وخفت لاتفشل كمت لبست شورت ونزلت جوة اتعشه ويه امي وابويه و كاعدين نشرب جاي هسه😁واني الفرح لبكلبي مينوصف
ابو رائد/ها ابني شسويت عله موضوع لبنيه شوكت حروح احنه وياك
رائد/والله يابه اني اتمنه هسه قبل باجر بس ابوها مسافر شلون لازم تنتظر مو
ابو رائد/لعد شلون بويه روح نخطبها منين من نفسه
رائد/ههههه ههههه
ام رائد/اي ابني لازم ننتضر
رائد/الله كريم يمه خل اشوف هي شوكت تحب نروحلهم وكملنه جاي تطبيت لغرفتي تمددت ذكر شي خرب😡😡نسيت اخذ التلفون مال امنيه لحد هسه الجنطه مالته يمي ولاتسع 😡😡😤😤نسيت اخذ رقمه لان شفته شايله تلفون قابل ضل بدون تلفون خرب بيه
امنيه/جانت ساعه بالوحده بليل وطبيت اسبح بعد ماكضيناهه اني وخاله سلمى نضحك و نسولف وتفقنه انو من يجي بابا كبل يجيب اهله رائد سبحت وكملت طلعت دهنت بلوشن وذبيت الخاولي الي عله جسمي وتعطرت ولبست فانيلا ورديه وشورت اسود لزك عله رجلي واني امشط شفت شعري شويه طولان ضجت حيل هففف لازم اكصه 😡مشطت وطفيت الضوة وتمددت وخليت السماعه باذني كمت اغفي واني اسمع طفيته شويه واسمع صوت مادري منين كمزت اباوع الشباك جاي يريد ينفتح وايد نمدت جاي تدفع بي😳😳......... يتبع
#اعذروني عله التاخير بس الكهرباء يمنه مو زينه نشالله البارت الجاي طويل ويعجبكم
#احبكم
