روايه( نسيت الحب فأشعلته بقلبي )الكاتبه_ح&س_
البارت_16_
رائد/وعليكم السلام و😳😳😳😳بصدمه هاي شطالعه خرب يومه نصدمت بيه جانت لابسه فستان زيتوني طوخ ولحد ركبته واصل لزك عليه وجواه جورايب سودة شفافه وحذاء ذهبي كعب وشعرها منزلته بس هم بعده كصير بس تخبل هل تسريحه عليه والعطر من فاتت خبلني وداعت ردت اكوم احضنها 😍😍شوكت انيمه بحضني افيش يا اني وين رحت والعالم كاعده 😂كعدت كبالي هاي شنو تستحي خجلت من باوعتله فدوة الله شلون خجل اول مره اشوفه هيج
امنيه/كعدت يم بابا واول ما باوعتله بتسم وني خجلت حيل حسيت بي متفاجاء من الي لابسته
ام رائد/اللهم صلي على محمد وال محمد فدوة الله حبيبتي شكد حلوة طالعه
امنيه/تسلمين حبيبتي خاله
ابو رائد/بنتي والدج راد الكلام يكون كبالج احنه طلبنه ايدج من عنده وهو كال لازم انتي تسمعين كلشي احنه شتأمرونه حاضرين
ابو امنيه/لا خويه عله بختك احنه اهل نشالله اني من ناحيتي موافق بقت الباقي يم امنيه وباوعتله وكلبي فرحان وادعي الله يوفق رائد لان رجعلي بنتي بكلشي بلبسه مال بنات وضحكته وشقاهه وخجلها لهاذه وافقت بدون مسال عليهم
امنيه/اسمع كلامهم وكلبي يرجف تمنيت اكوم لان خجلت حيل
ام رائد/ها بنيتي شكلتي موافقه عله رائد يكون شريك حياتج
امنيه/رفعت راسي وصارت نضره غريبه بيني وبينه نضره حسستني انو اني وهو داخلين عله حياة جديده
رائد/من رفعت عينه بعيني نضرتنه جانت خوف عله حب عله خجل عله لهفه وجنت اباوع وخايف شراح تكول
امنيه/اني م موافقه ☺☺
ام رائد/كلووووووووووش اللهم صلي عله محمد وال محمد
ابو رائد/مبروك رائد
ابو امنيه/الف مبروك بنتي نشالله شايفه كل الخير وكمت بسته من راسه وعيني دمعت
رائد/جنت صافن وبس كالت اني موافقه كلبي كمز وكمت ابتسم واريد ابجي من كامو يباركولنه مداصدك وهي تبتسم وعيونها مدمعه وحضنت ابوها اووف شلون رتاحيت
ام رائد/تعاي حبيبتي واخذته من ايديها وكفته يم رائد مبروك يمه وطشيت جكليت عليهم كلووووووووووش واهلهل وعيوني دمع عله رائد شلون فرحان
امنيه/صاحتني امه وكفت يمه وهو يباوعلي ويتسم اه تنفست بعمق عطره وبتسمت من كامت طش علينه جكليت وخاله سلمى مناك تهلهل
رائد/من وكفت يمي اه اني اطول منه 😂😂حاولت انو المس ايده امي طشت جكليت اخ يمه راسي ورم من الجكليت 😍😂😂بس فدوة كلشي يروح لامنيه
ابو امنيه/تفضلو اكعدو خل اكلكم موضوع
ابو رائد/اي خويه كول
امنيه/كعدت يم بابا ورائد يباوع عليه ويبتسم
ابو امنيه/اني منطي روحي وعد انو خطوبه بنتي اني اسويها واترجاكم لتمانعون بشي
ابو رائد/اي ياخويه بس ميصير هاذه حق لبنيه
ابو امنيه/اعرف خويه حق لبنيه الذهب عليكم والملابس وهل سوالف والله اتمناكم تخلوني اني اجهزهم بس اعرف راح ضوجون
رائد/يابه بس اسمحلي احجي عمي يوسف اني مامنعك من شي بس الخطوبه والزواج كلمن اله دورة اهل العروسه اهلهم دورهم واهل لبنيه اني وابويه حاضرين للغايب والحاضر والذهب والملابس وكلشي تتمناه امنيه اني خادم اله
امنيه/دمعت عيني لان شفت نضرته وكلامه كله حب اني احبه واموت من دونه بعد ماستغنه عنه
ابو امنيه/ابني كلشي ماتمنه منك بس شغلة وحده
رائد/أمرني عمي
ابو امنيه/امنيه تخليها بعيونك هي الوحيدة الي ويتميه اذا صار بيه شي محد اله غيرك
امنيه/الدمعه بلكوة منزلته اسم الله بابا
رائد/العمر الطويل الك عمي
ابو امنيه/لا ابني هاذه امر الله وكلنه رايحين اتمنه تضل سندها بلحياة وتضل خاله بعيونك ومتجرحه لان اذا نجرحت امنيه اني اموت
امنيه/اسم الله بابا كافي حبيبي وكمت بسته من راسه وبجيت
رائد/عمي هاي كدام ابويه وامي امنيه بعيوني والله الله يشهد هي الوحيدة الي اخذت كلبي وصدكني لا عدي طبع الخيانه ولا الغدر و اتمنه توافق انو باجر نجيب المشايه وعكب باجر الخطوبه
ابو امنيه/ماعدي مانع هلا بيكم بس ابشرط من بعد اذنك خويه ابو رائد
ابو رائد/تفضل خويه براحتك
ابو امنيه/حفله الخطوبه عليه اني ولتكلي لا انته ابني هسه
رائد/مو
ابو امنيه/خلص مبروك ام رائد سمعينه هلهوله
ام رائد/بعيني خويه كلووووووووووش
رائد/ضجت لان ماريد احس اني اهل امنيه يصرفون عليه صح ابوها فقير وكلش حباب بس اني اريد كلشي عليه من الابره لحد اكبر شي بالزواج بس من شفت امنيه تبتسم رتاحيت وهدئت وبعد ماكملنه وتفقنه باجر نجيب المشايه طلعنه وابو امنيه وصلنا ليبرة واريد بس انطيها رقمي شلون ياربي مكدرت احجي وياهه عيب من ابوها اووف شحيصبرني لباجر
امنيه/طلعو واني فرحانه حيل وبابا كال لسلمى تروح باجر جيب كيك جاهز وهيج ونطاهه فلوس
ابو امنيه/امونه
امنيه/نعم بابا
ابو امنيه/هاج حبيبتي باجر الصبح اطلعي شتري فستان الاشياء الباقيه يعني ملابس مال حفلات
امنيه/لا بابا ميحتاج عندي
ابو امنيه/لزمت ايدها وخليت بيدها لفلوس بنتي تعرفين انو الي عدج كلهن شبابية وسبورتيه وعدج كم فستان من الي جبتهن الج من اسافر مو قصدج عليهن
امنيه/اي بابا بس حلوات
ابو امنيه/لخاطري طلعين تشترين الي يناسب هيج مناسبه وتعرفين قصدي حبيبتي نشالله شايفه كل الخير حروح ارتاح شويه بغرفتي
امنيه/الله يحفظك الي بابا وبسته من خده وصعدت لغرفتي وطبيت سديت الباب باوعت لفلوس 😳بابا نطاني 500 الف دينار صح بابا كل عمره ينطيني هواي فلوس وعدنه خير من الله بس هاي اول مره ينطيني هيج مبلغ كله مره وحده عزه هذني شراح اجيب بيهن طبيت اسبح حته انام لان كلش تعبانه و نعسانه ولازم اكعد من الصبح
رائد/جنه كاعدين اني وامي وابويه وابويه خابر العشيرة كلهم وكله راح تجي باجر مشايه وخابرنه عمامي وخوالي وامي كاعده وتدعي الله يتممه عله خير
رائد/بويه انته قتنعت بلبنيه واهله
ابو رائد/اي ابني خوش ناس وخوش اب بس لبنيه لازم تتحجب احنه ماكو وحده بعشيرتنه هيج وبعد براحتكم ابني
رائد/صفنت عله كلام ابويه صحيح بس ماكدر اضغط من البدايه عله امنيه شويه شويه واقنعها اترخصت من امي وابويه وطلعت خابرت عله غسان الوو هلا بل ضلع
غسان/هلا بلعريس
رائد/ههه وينكم شو مختفين
غسان/هوة احنه المختفين لو انته صاير متكعد بمكان تعال احنه بيت احمد
رائد/ها ديلا جاي وسديت الفون وركبت السياره اوف شويه خنكني لرباط وذبيته ومشيت وصلت لبيت احمد نزلت واني بالباب ذكرت الي كالته اسماء ختنكت من روحي اكثر رجعت بعدين ذكرت انو احمد هسه محتاجني لان اعرفه يفكر وينقهر هواي عله خواته واهله دكيت الباب طلعلي احمد ها حمودي وبسته وحاسس روحي مسوي خيانه من ورة احمد لان مكتله عله كالته اخته دخلت شلونكم سلمت عله غسان وامير
امير/هلا بلعريس شطالع اليوم احلى من جون ابرهام
رائد/ههههه كعدت ويمي احمد مبين مقهور وجهه اصفر
غسان/لك بلعباس طالع شك بلنص ليش متروح للهند وشوف جون ابرهام شراح يسوي والله يمكن يحس انو انته التؤم مالته
رائد _امير/ههههههههه
غسان/لك جديات احجي يعني شبه بالشكل اوك بس مو للجسم هم نفس العضلات نفس البطن
امير/هو انته كاتلتك العضلات ماعدك خطيه
غسان/اي راح ابجي اي 😥😥😰وخر ما حبكم بعد
رائد/ههههههههه اباوع احمد ساكت وصافن بغير عالم احمد شبيك ضايج صافن مجاوبني
احمد/شبيك احمد عطت بي
احمد/ها ها شنو
غسان/هلوو وين جنت عمي وصلنا اكعد ههههههههه
رائد/اوكف غسان شبيك احمد
احمد/والله يارائد مابيه شي عادي شويه تعب من الشغل اي شوكت العرس نشالله
رائد/باجر المشايه واكسركم لازم تجون وياي الصبح نشتري الملابس ونحلق سوة
احمد/نشالله شايف كل الخير
غسان/هلا هلا وراح نشوف بنات من كرايبك وكلهن اكبل وياهن
رائد/نجب زمال وجبت ام احمد ضايجه حيل وكالبه وجهه وحتى مسلمت عليه وخلو العشه وني كلبي يلعب شبيهم ضايجين خلصنه عشه وشربنه جاي وطلعت اني وهم راحو كل واحد لبيته واني رجعت للبيت وافكر بلي صار شكو شبيه ام احمد الله كريم شتاقيت لامونتي 😍😍😍اووف شوكت يجي باجر ذبيت ملابسي وضليت بلشورت و الفانيلا ونمت
.....
.......
..... امنيه/كعدت الصبح ساعه بلسته وتنفست من جوة كلبي وبتسمت وكمت العب رياضه وراهه ساعه بلسبعه سبحت ومشطت ورحت تريكنه اني وبابا وهو راح للشغل شويه ويجي
سلمى/ها امونه حبيبتي تروحين وياي للسوك لو وحدج ترحين
امنيه/لا خاله نتضريني نروح سوة وصعدت لبست بنطرون اسود وبدي وردي عريض 😣لان رائد طلب هيج لبست حذاء بوتين اسود واخذت الفلوس والجنطه مال ضهر والفون وطلعت ورحنه للسوك
غسان/يلا رائد يلا
امير/هاي عود عريس وهيج يتأخر
احمد/ههههههههه لعد بذيج الشغله شلون خاف يفشلنه بليل العرس
غسان/لا اها اجه عله رائد هاذه سريع كلش بذيج الشغله لان محروم
الكل/ههههههههه
رائد/جنت ابدل ع سريع لبست بدي رصاصي وبنطرون كابوي وحذاء ابيض واخذت تلفوني والفلوس ونزلت للولد منتضريني جوة
غسان/واخيرا صباح الخير عريسنه
رائد/صباح النور شباب يلا صعدو وصعدنه واحمد يمي الحمدالله يضحك اطمئنيت ماكو شي ورحنه الدرب كله اغاني والولد يركصون حته احمد وشترينه ملابس وحلقنه اني حلقت لحيتي وكملنه كلشي ورجعنه اني شفت الناس بدو يجون عمامي اجوي همه ونسوانهم وصارت هوسه بلبيت اخذت اكل وصعدت اكل بغرفتي وكملت سبحت وكعدت البس لان مثل وكت اجه شيخ العشيرة
امنيه/بعد ماتعبنه اني وخاله سلمى خاتريت فستان قصير حيل نفخ من جوة ومن فوك صدره مفتوح مابي تعلكات وحذاء هم وردي طوخ كعب كلش عالي ورحت الصالون حفتلي حواجبي اكثر وشعري مكصيته بس شسورته كلش زين وصار يخبل وشترينه الكيك والعصير وخلينه واحد يجيبه ويانه ونطينا فلوس كعدت البس وخاله سلمى وبابا جوة يحضرون بلكيك وفتحنه المضيف مالتنه جبير كلش حته يكعدون بي الزلم و النسوان بلصاله الثانيه وباوعت عزه.................. يتبع
حبايب لتنسون سوو متابعه حتى يوصلكم اشعار من انزل بارت جديد وتفاعلو بل منشور فضلا مو امر لخاطر البنات المؤدبات الي تافعلن وطلبن مني اكمل بس اني حلفت ماكمل لان اكو كم وحده ضاجت من ردت اتسوون المنشور 300 تعليق ماعرف ليش المهم اني اختكم وعله راسي انتو ونشالله ما قصر وياكم بلروايه واكمله عله خير #احبكم
#ح&س
