كسرة قلب

١٠

فهد ..
رجعت للبيت مشتاق الهم كلهم مشتاق حته الجونه وخضار كيعانه مشتاق الولدي وامهم الخواتي وامي الكل احبابي
متوقع منهم الكل يستقبلوني وصار مثل ماتوقعت
الكل متحضر فيصل وولد عمي كل واحد لازمله ذبيحه يذبحها الدنيا مكلوبه يم الباب ورجعوو گالو ترتاح نزورك بعدين بقو بس اليخصوني ولد عمي الي همه نسابتي ونسوانهم وولدهم ولد عمي راحوو للديوان واخواني وولدي وياي
طبيت البيت اباوع الكلشي بي شهر ماشايفهم
تلكاني كرم واخوانه وراه واحد واحد بس سبع سبقهم يركض الي الباقي محترمين اخوهم يردونه يسلم گبلهم الجكليت كل شويه ويذبون عليه
فرحت حيل الفرحه ماتنوصف من اشوف محبتي بعيونهم
عيني ادور عليها
شيخه مشتاق الها ورايد شوفتها وبس رغم هواي ثگلت هليها لأن جرحتني وودي بعد مااحاجيها هواي توسلت بيها مافاد وتعرفني مااتوسل باحد بس مكانتها بگلبي غير ردت منها مساعده ماساعدتني بالعكس جارت علي الوجع البگلبي كله عليها ادري كسرتها بس كسري يتصلح السوته وياي كسرني اكثر واقواهن كسر صاحبي الي وغدره لاهوه موجود واكدر افرغ البيه واتصرف وياه ولاانه كادر انسه دموعها وكسرتها بليلة عرسي جنت متحمله الاجل الصحبه بس طلع مضحوك علي
ضليت ادور بالوجوه
طبيت كعدت هسه تجي معقوله ماهامها بس اهتمامها ومخابراتها وسؤالها عني يوصلني
گعدت ربع ساعه ردت اثگل ماصبرت اكثر
كرم كاعد بصفي

..كرم امك وين خو مابيها شي امكم زينه

..ها بويه زينه ماادري هيه وين

..شبيك تمتمت انه ادري وين غير انت يمها
عليت صوتي
ام مهدي شيخه وين
صفنت بوجهي وفيصل جاوب ارتاح هسه شيخه مالها خلگ

..شبيها ..شفت امي بجت احس روحي راحت امي ماتبجي الا شي قوي

..يمه شبيها شيخه وين هيه هسه
كمت من مكاني اريد اصعد الدرج على كيفي
ضرغام گال امي هنا بغرفتك
رجعت للغرفه ومحد گام وراي
الغرفه ظلمه وانه جاي من بره مااشوف والصاله ضاويه غمضت عيني وركزت واگفه بصف الچربايه
شفتها واكفه على طولها مابيها شي ليش يگولون مريضه
كالت الحمدلله على السلامه
..تعاي ماشوف انه.. هيج من بعيد تسلمين فتحت الضوه النقطه بصفي صاحت لا فدوه لاتفتحه

..انفتح الضوه وشفتها متلثمه تعاي يمي شبيج انتي يوجعج شي ليش تخوفيني عليچ

..ضليت ابجي

..تقربت عليها مديت ايدي افتح اللثام اريد اعرف شبيها ملثمه وشني مرضها لزمت ايدي فدوه عوفه خليني بعينك حلوه لاتشوفني هيج
جريته منها ماكو شي صدمني مثل هاي الصدمه
عيوني عليها اقارن شكلها هسه وي گبل ماكو شي من ملامحها اليمي وحده ثانيه
حظنتها بچت حيل بستها براسها

..لاتخافين اطيبين سهله

..لاماراح اطيب راح اضل مثل وداد مرت خالي لليوم حلگها اعوج وگبل عشر سنين صار بيها

..لا ماتضلين مااخليج اطيبج والله حته لو اسفرج ماكو شي ماله علاج بس هيج لو يوجعج

..مايوجعني شي ..عوفك مني انت شلونك انه فدوه الك شيصير بيه يصير اهم شي سلامتج

..انه بخير بعد ماشفتچ وسمعت صوتج وانتي بحظني شريد بعد مو الف الحمدلله انطاني عمر جديد

..فهد مو حلوه موو

..تخبلين صايره ع الموديل كلها عاوجه علگها هسه ههههه
ضحكت وانه نار بيه خوفي عليها اكثر
يلله گومي اطلعي وياي بيتج لاتيهينه غير انتي راعيته شلون الكل هناك وانتي لا

..جاوبت وانه امسح دموعي والله ماتيهته من طبيت انه شردت خفت تشوفني وتضوج مني

..افا وانه شرايد غير شوفتج ..جنت زعلان وحته رضا مارضيتيني من خوفي نسيت زعلتي عود من طيبين ارجع زعلان واريد منج رضا

..ردت اموت بغيابك والله محد يسد مكانك ولاواحد بعيني وماردت من الدنيا شي بس رجعتك الي سالم

..حبيبه ..غاليه انتي مكانچ بالگلب حته من يزعل عليج مو بيده يتفرعن على روحه ويريدج تنهدت
اخخخ اخخ گومي بس نسلم عليهم شوي ونجي انه وياج نرتاح

طلعت انه وياه تلثمت ردود والكل بعيونهم سؤال
خله ايده وره متني وگال
شلونهم وياج الولد مبتسم ومايريد يبيين الي لو للموجودين اكو شي
كتله الحمدلله زينين كوه احجيها حته نطقي اتغيير من انعوج حلگي
عينه عليه واحس بنظراته حزينه رغم ابتسامته
فيصل گله
اهل عادل اجوو مرتين عليك وكتلهم مريض واليوم خابروني وگالو العصر نجي نشوفه
عين صارت بعيني ابتسملي چنه يريد يطمنًي كال هلا بيهم
حته اتفق وياهم ع الطلاگ
وفاء گالت خاف دجله حامل
جاوبها بحديه

..لا وعينه علي

يتبع ..

بارت للفضوليين ههههه