اشلاء محطمة

بااارت 20

#اشلاء محطمة
بقلم .. زهراء الطائي
البااارت .. ٢٠ ..
ضليت مصدومة ..
من الكلام الي طلعتة ..
حسبنا الله ونعم الوكيل ..
لبست هدومي ولبست ياسين وطلعنة ..
اخذتة ورحت .. لبيت احمد
طببتنة امة .. ورحبت بينة ..
كالت احمد جوة بغرفتة نفسيتة تعبانة من الي صار
بس خالة اني اعرف البنية عدل وخوش بنية هاي مرة ابوها مطلعة عليها حجي موزين .. لازم احد يسكتها لان عيب الي تحجي .. وكلامها ديأثر ع ابني ..
كتلها خالة شتحجين انتي .. معقولة احمد يصدك كلام هاي الظالمة ..
لايمة مو يصدك بس تعب منا موتتها لاع بالنة ولاع خاطرنة منا هوة تعبان ومنا هل الحجي الي مالة معنة ولاتفسير جانت تحجي والدمعة بطارف عيونها وتمسح دموعها بفوطتها
كتلها ميخالف اشوفة واحاجي
يي يمة .. تعالي .. بلكت الله وطلعين وليدي من حالتة هاي راح يموت ويموتني وياه لاياكل ولايشرب حتى حرف مينطق
وكفت باب الغرفة ..اباوع
مشفت احمد لاا شفت بقايا احمد ..
الوجه اصفر والعيون دايرها اسود والحية طويلة والشعر مبهذل
وصافن وية روحة وكلمة مينطق
كتلة احمد انتة مصدك الكلام الي تكولة سميرة
دار وجها علية بثگل .. يباوعني ودموعة تنزل بهدوء
كتلة الله يخليك مصدك كلام الحقيرة .. هز براسة .. لااا
ارتاحيت نوعا ما .. خفت ليكون مصدك هل الحجي
كتلة احمد .. اذى تحب غادة حاول تطلع من الي انتة بي مو علمود شي بس لخاطرها هية ..
ترة هية روحة تحس بيك وتشوفك واذى شافتك بهل حالة مراح تكون مرتاحة روحها .. حاول احمد حاول .. وكوم ادعيلها واترحملها .. والله يعوضك بالي احسن انشالله ..
والله ياخذ حقك وحقها من الي غدرها وموتها ..
وعفتة وداطلع ..
جان يجيني صوت منة ..
سميرة موتتها موو
باوعت علية .. وياسين يمي ..
جاوب ياسين .. يي هية موتتها هية واني شفت ..
سكتة لياسين ..
باوع ع ياسين ودموعة تصب ..
فتح ايدة ثنينهم لياسين
ياسين راحلة ركض. . وحضنة; ويبوس بي وضل يبجي هوة ياه ..
ع هذا موقفهم طلعت ابجي متحملت اسمع بجيهم ..
وازيد بالبجي ..
مرت نص ساعة ع نفس وضعهم .. كلت ميخالف خل يفرغون حملهم .. ساعت البجي يريح
وخذت ياسين وطلعت من بيتهم
رحت ع بيت خالتة ..
هم راد يشوفها .. وهم نفس الحالة ..
كلتلي بقي يمي .. اني ارعاه ..
اتعذرت منها .. كتلها ابقي يمج يوم يومين بس يعيش لاا ماكدر الله يخليج لاا .. اني ماعندي شي وماعندي احد واني ارعاه مثل ابني
كلتلي شلون حبيبتي ميصير احنة اهلة موجودين .. ويروح عند الغربة مترهم ..
ترجيتها ساعة كاملة
وكتلها .. غادة وصتني علية ..
بلفعل اكثر من مرة من خلال حجينة سوة وتكول اذى صار علية شي ياسين امانة عليج لتنكطعين عنة ..
عمت عيني .. جان كلبها عبالك حاس بلي راح يصير بيها
بس متوقعت .. نها راح تموت ..
اخذتة ..
ورحت لبيتهم راد يشوف ابوه .. وياخذ اغراضة
طبينة للبيت ..
الحية الصفرة جانت موجودة .. بلمطبخ
من شافتني اني وياسين ..
انهزمت تركض .. تخاف مني بنت الكلب .. صحت بعلو حسي .. بنت النعال خافي من الله قبل لتخافين مني ياضلمة ياويلج من ربج .. تعاااااي وين وليتي
فوك مموتي البنية تطلعين عليها حجي اني اعلمج ..
حاطتج براسي حاطتج براسي
دخل ياسين ايسلم ع ابوه
وكفت كتلة .. عمو تعذرني بس هذا المسكين مستحيل اخلي بهلبيت بعد وشسوي سوي .. لان اذى بقة دقيقة وحدة بنت الكلب تموتة وتلحكة باختة ..
محجة شي ضل يدهك ويبجي ويدعي ع روحة يموت ..
كسر گلبي .. حاولت اهدي .. وكتلة اوعدك كل يوم اجيبة الك
ابتسم وهز راسة .. كال مراح اأمن علية يم احد بگد مأمن انو هوة يمج .. كال غادة الله يرحمها 😢😭 جانت حيل تحبج وتكول عنج كل خير وبس من تحجي بيج اشوف ضحكتها وهية تسولف عن سولفكم وفرحانة بيكم .. بعد ماوصيج بهل المسكين
هلله هللة بي ..
اشرتلة بأبتسامة بعيوني
اخذتة ورجعت
فرح الولد بيتنة .. كام ياكل ويلعب .. واخذتلة العاب وفرحان حيل .. عبالك رجعتلة الروح ..
حتى امي طلعت من غرفتها وتباوع علية ساعة تبجي وساعة تضحك ..
بس بقيت كل شوية اذكر الي صار وتخنكني العبرة ..
بداخلي اتحلفت الة اخذ بثارها للمسكينة لازم انتقم منج ياسميرة ..
مرة فترة
ورحت لجماعة معارفي .. ايدهم طايلة .. وكتلهم ع سميرة
ودليتهم ع بيتها
وسحبوها .. وذبوها جوة
بيومها بس يلة ارتاحيت ونمت مرتاحة .. مرة شهور ع موتت غادة ولامرة شفتها بمنام
غير بذيج اليلة شفتها لابسة نفنوف وردي فاتح طويل واكفة كبالي وتبتسم لي .. ماحس الة فزيت ع صوت جرس التلفون
نظال .. الوو
.. هلاوو خيرج مغبشة اليوم
.. لاابد . بس داسأل عليج شخبارج .
.. الحمدلله .. خير نظال اكوشي عادتج متتصلين الصبح
.. لابس داتاكد من شغلة
.. شنوو
.. انتي ورة سالفة سميرة البعيرة
.. هههههه ليش السؤال وياسالفة
.. لتغشمين روحج ام الدگايگ بس والله بطلة عفية بيج تستاهل
.. هاا يي دريتي
.. ههههه مو عيب وهل يخفى القمر
.. لايابة لا منو كدج ست نضال
بقينة نحجي .. وسالت ع ياسين
ختمتها وياها
ورحت .. ع غرفة ياسين .. شفتة نايم غطيتة زين وطلعت ..
اكمل نومتي
شفت امي تروح تغسل ..
هاا يمة شمكعدج من الصبح ..
باوعتلي بابتسامة .. الله يرضى عليج ويجازيج خير ع الي تسوي وية هل المسكين .. استغربت لكلامها .. وبقيت صافنة معقولة هاي وداد لالا ..
ابتسمت عبالك تقرة الي بداخلي .. يايمة قابل ناخذ زمنة وزمن غيرنة كافي بعد تعبنة ولازم نتوب عن خطايانا ولو الذنوب الي سويتها لاتعد ولاتحصى .. بس طمعانة بكرم رب العالمين انو يغفرلي وسامحني .. ويايمة يدزلج ابن الحلال الي يسترج ويسعدج وتجيبين مثل هل الولد .. بقيت بمكاني وهية راحت .. تتوضى وتصلي .. بقيت باهتة رفعت راسي للسما .. رحمتك ربي وغفرانك علينة .. وداخلي حيل ارتاح من شفتها هيج .. هوة هم صار وياها مو هين تعب سنينها وفلوسها واملاكها راحو بشربت ماي .. لكن الله جازه بجزاء اعمالها
مرت فترة ..
وديت ياسين ايشوف اهلة .. بس لكيت الوضع مو تمام الجهال باقين وحدهم .. وابوهم محد يرعاه الجوارين يداروهم لو ابو مروان يجي يداري ابو غادة كل فترة ..
اترجاني ابو غادة .. كلي بنتي اذى انتي ورة حبستها طلعيها مو علمود شي لخاطر هذولة الجهال مالهم احد ومالهم ذنب ..
انقهرت ع وضعهم ..
كبل رجعت سويت اتصالاتي ..واكو كم واحد اعرفهم .
وطلعتها ..
كلت هاهية المهم اتعاقبت ولو متستاهل تطلع بس علمود هذولة المساكين ..
بس معفتها .. الة شبعت طنون كتل وتعذيب بنت الكلب وحوبت المظلومة برگبتها ..
مشت الايام وعدت ..
كملنة مدرسة .. ونجحت والحمدلله .. ونضال هم .. وراحت الجامعة الي تريدها
ياسين سجلتة مدرسة يمنة قريبا ويداوم عادي
مكملت جامعة كعدت لان امي تعبت وياسين وبيت وشغل . مالحك ع شي
مرت سنتين ..
الوضع بدة يستاء اني تعبت مسؤلية كبرت وكلها براسي مستوى العيشة تغير كام يادوب يكفي احتياجاتنا ..
ع الرغم ابو ياسين كل فترة يدز مصرف بدون علم سميرة لان اذى درت تشهرة شهيرة ..
صارت احداث سنة التسعين .. من عزوو الكويت وهل الحجي ..
مابيها بعد .
اتصلت ع نظال .. كتلها جايتج
رحت الها واخذت ياسين وياية
كتلها نظال .. اريد اكولج شي بس ماعرف منين ابدي
كالت .. شبيج نغم خوفتيني صاير شي محتاجة شي .. ترة اني بالوكفة وعد عينج
.. 😊لالا تسلميلي حبيبي اريدج ذخر ..
بس حبيت اكلج اني مسافرة .. بوقت قريب انشالله .. لان العيشة هنا مدى اكدر تعبت .. وشغلي بصراحة معاجبني اريد اغير منهاج حياتنة كليا وابدي من الصفر .. واكو شكم واحد من اصدقائنة اني وامي يعني اصدقاء العائلة عدهم شركات وشغل زين يكدرون يفرون النة راتب وسكن وعيشة زينة ببريطانيا..مثل متعرفين هذولة طلعو مهزومين منا وطلبو لجوء سياسي واني هم راح افلت .. وياسين بعد ماريد يفتح عيون ويشوف الي شفتة .. وامي مريضة ..
جاوبنتي .. لحضة لحضة ..يعني تروحين مترجعين .. جاوبيني نغم .. صدك تحجين
.. يي نظال صدك احجي .. اني بعد تعبت .. وانتي لان اختي وغالية علية داكلج هل الحجي
.. لج شدكوليلي . انتي مرتبة لكلشي وباقي بس تطيرين . وجاية تكليلي ..
نضال اني لامرتبة لشي ولا ابد ..بس هية صارت بعد ..وحاطتها بالي من زمان حتى قبل لتموت غادة

.. نغم .. روحي اطلعي برة يلة روحي .. ع شنو جاية روحي روحي الله يسهلج ..
.. نضال لحضة اوكفي افهمج ..
.. شتفهمين شتفهمين نغم . واضحة تروحين وتعوفيني. . مثلج مثل الكل .. الكل يروح يعوفني .. انتي الوحيدة بقيتيلي ماعندي احد غيرج
اني اسفة نضال بس ضروفي صارت بهل الشكل شسوي مدگليلي شسوي ..مو وحدي اني .. امي مريضة . وياسين لايمكن اتخلة عنة هذا ابني وماريدة يعيش الي عشناه لا اريدة يصير غير شكل يختلف ويبتعد عن هل التلوث الي احنة بي

.. نغم اسمعيني .. اذى ع الفلوس اني انطيج اني اساعدج ولاتعتبري دين لا اعتبري مني الهدية وفتحيلج مشروع صغير وترزقي منة .. وقدمي استقالة .. بس لتروحين اترجاج لج مباقيلي احد بلدنيا غيرج .. وامي وابوية انتي اعرف بالوضع ..
لانضال
.. هية مو مسألت فلوس لا بس كتلج تعبت وحتلو استقاليت من الشغل محد راح يعوفني بحالي راح يبقون وراية مثل خيالي لو وين ماروح .. لتنسين هواي اشياء واسرار دولة تعتبر عندي واني كاشفتها .. فأي غلط راح اتبخر من وجه الكاع ..

..والي تسوي ميعرضج للخطر يعني

..اامم يعرضني ..بس اكو احتمالين احسن من احتمال واحد يا ننجى ونخلص يانمووت .. بس لو بقيت ماكو حتمال ابقة عايشة .. لاني بديت اتعب .. وراح اسوي اشياء مترضي احد فأكيد راح اتبخر مثل هواي عالم اختفى اثرهم من هلدنيا
تعبت نضال تعرفين شنو تعبت
.. خلص براحتج نغم اني ماضغط عليج بس لانج تهميني وصرتي جزء من حياتي .. وحجيت هيج لان كل الي اعرفهم وحبيتهم راحوو ومباقيلي احد غيرج ..لذالك عصبت وزعلت ..بس بالنهاية القرار الج وانتي حرة بالي تسوي سوي ليريحج نغم ولتفكرين بشي
.. اني راح اسافر عن طرييق ال
.. اشششش

نهاية الباارت