اشلاء محطمة

باارت 19

#اشلاء محطمة <
بقلم .. زهراء الطائي
البااارت ال .. ١٩ ..
كلتلها .. غادة حبيبي لتخافين من عدنة ابد ولتتوترين .. ترة احنة غايتنة وياج هية الصداقة والاخوة والحب .. لااكثر ولااقل واي اذية مناوين اناذيج .. واني اوعدج وربي يشهد علية الي ايأذيج اذيي لان اذى انتي تاذيتي بعتبار اني الي تاذيت ..
وحتى نظال .. لو تريد تأذيج جان اذتج من زمان .. لانج من زمان ويانة .. بس انتي غير غير شكل ياغادة انتي الجانب النضيف الي بحياتنة .. ونحبج كأخت وصديقة وعزيزة علينة . فمستحيل نفكر بهل التفكير ..
والقرار الج .. يا انو نبقة خوات وصديقات ونكمل مشوارنة سوة .. يا انو تنسحبين من عندة وهذا شي من حقج .. ونوعدج انو منتعرض لج بأي شي ..

بتسمت بعيون دامعة .. انتم شتحجوون .. اصلن انتو اغلى واحلى شي بحياتي .. لو مهما تكون اذيتكم الي مراح توجعني وتاذيني بكد اذيتة هنانة بهل البيت .. اصلن انتو ونستي والملجلئ الوحيد الي الجئ الة من همومي وقهري
يابنات متعرفون شكد احبكم والله .. والله اليعلم شكد اتأذيت بلاياكم .. بقيت ماعندي احد اشكيلة ولااحجيلة . بس بصراحة عذروني
جان موقف فيروز وابوها حيل صعب .. وماانكر انو خفت منكم حيل وحتى من المدرسة كلها خفت ..
بس الجحيم الي اني بي .. يخلي كل اذية بلكون سهلة علية ولاشيء كدام وجعي هنانة
وجعي .. من مرت ابوية كل يوم تضربني وتسحلني من شعري بلبيت كلة
وجعي من ابوية مريض وميكدر يكوم حتى يدافع عني ..
اوحتى يحجي بحرف ..
ابوية صار عاجز ميكوم ميتحرك . حتى صار يخاف منها لان اذى عاط بيها حتى الة اتأذي
وجعي من بقينة اني واخوية وابوية مذلولين مهانين بيتنة .. من وحدة حية تمسكنت لمن تمكنت ..
كملت زيارتنة .. من غادة ..
يارتنة لارحنة ولاشفنة ..
وضعها جان امر من المر ..
جانت تشكي وتبجي بصوت ناصي تخاف ..
لان حياتها مهددة ع لحضة هية واخوها بلشارع
عرفنة منها .. انو مرتين احمد جاي خاطبها وتردة .
او بلاحرى تخلي ابوها يردة تحت الضغط ..
احمد بلنسبة لغادة ملاذها الامن .. بس للاسف ..
جان كل ميجي .. احمد يتقدم .. جانت سميرة بلمقابل تهددد غادة انو تأذيها . وتسوي شي تخلي حتى احمد يكرهها وميريدها ..
رجع الدوام
ورجعت ايامنة .. سوة ..
ورجعنة بسنة جديدة .. ومختلفة ..
بقت نظال .. مذيعة اعلانات ع المحطة .. مبتدأة . بنفس الوقت تكمل دراستها وحلمها تدخل كلية اعلام وتكمل مسيرة حياتها بهل الشكل
واحسان من يوم الي راح متعرف عنة شي
غادة حلمها تتزوج احمد وتتخلص وتخلص اخوها من عذاب سميرة .. لان جان احمد ناوي ياخذ ياسين يعيش وياهم حتى ميتركة بيد الضالمة ..
بس للاسف .. جانت تاجل غادة الموضوع لان جانت تحت تهديد من سميرة ..
فيروز .. اختارت حياتها بيدها .. ومشت بلطريق الي رادتة ..سواء تندمت اولا .. هية بعد مشت بي ولاسبيل للرجعة ... ومنعرف عنها شي
اني مستقبلي مجهوول .. بس ناوية اخذ وداد واسافر ماابقة
بقينة صديقات تجمعنة السالفة الحلوة والضحكة والدمعة

بس باخر فترة
غادة تجي كل يوم منهارة .. لان هم رجع تقدم الها احمد وهم سميرة رجعت تهدد غادة ..
تهددها بابن اختها غيث .. تتحلف الها وتكولها الة اخلي يتحرش بيج واقفل عليكم الباب واصيح احمد واكلة تفرج .. وعندي هواي ادلة عليج ..
وحتى ملابسج الداخلية ضامتهم يمي وانطيهم لغيث يوديهم الة ويكلة شوف الي تحبها .. وتهديدات كومة توكف شعر.. الراس لو تزوجين ابن اختي .
وهية متريد ابن اختها .. لانة ولد ساقط ومنحط. . يشرب ويكبسل .. ويدور ولد .. ولا شغلة ولا مشغلة .. وامة غظب الله .. متنجرع اوكح من سميرة ..
كل متجي لحد متروح وهية تبجي وتشهك .. تكطع كلبنة عليها .. بس منعرف شنسوي وشنكول ..
حاولت احجي ل احمد من شفتة يم المدرسة ..
كتلة ترة مرت ابوها دتهددها وحجيتلة السالفة .. وغادة تخاف تكلك لانها تخاف من سميرة تاذيها ..
روح اخطبها .. واي شي راح تكولة الك لتصدك
بقيت احجي وياه وفهمتة ع كلشي ..
الولد كلش حباب وتفهم الموضوع .. وتحلف الة ياخذها ويطلعها من العذاب .. لو مهاما يكون الامر صعب ..
وبلفعل .. راح وخطبها
والفتلة قصص ورويات سميرة
تركها تحجي الي تحجي
وخطبها بسرعة .. وحددو موعد العقد والزواج بيوم واحد
وجانت غادة طايرة طير من الفرح .. بس بنفس الوقت حيل خايفة من سميرة والي دتخططلة
تكول
.. متحجي شي ..
خايفة من الهدوء ماقبل العاصفة .. <br>
نحاول نهديها .. ونگللها شيلي هل والوساوس من راسج ..
طبعا اجة يوم زواج غادة
حيل فرحانين بيها ..
جهزنة نفسنة ورحنة ..
وصلنة لشارعهم .. اباوع اني ونظال هوسة .. وعالم ملتمة .. ومرة تعيط ..
نزلنة من السيارة نركض ..
اباوع .. هاي خالة غادة .. بس شبيها تصرخ ..
يربي .. تعالي نشوف شكو ..
شفت ياسين يبجي من بعيد ..
صحتلة .. كتلة شكو هل الزلم وهل هوسة والعياط وانتة تبجي ولك شكو فهمني ..