منين خرجنا لقينا رجل ختي سلمت عليه (بهاديك لعيبة لي كيسلمو بيها العشران) حيت هو غير مضلوم بنت خالتو هي لي فرقتهم غير خرجت جا مسكين كيجري بالبوكي ديال الورد أنا حمقني هه الورد زعما
هي غلبوها الدموع وعنقاتو وهو حنى على ركابيه وحتى هو سالو دموعو لثاني مرة فاش فقدها أنا تأثرت بقيت كندمع أنا و البايرات وغزلان عنقات يونسإلهام و وليد
أنا مسحت دموعي وبتسمت وعنقت ختي وضرت عند وليد
أنا:نوووض أعنيبة باركة من الدراما
هو:هههههه المسخوطة متخلي حد يترومانسا مع راسو
يالله بغيت نهضر وأنا نسمع زغاريت فكرشي مع السكات كولشي سمعني ههه
ختي:زيدو نمشيو ليسطورة باش نتعشاو
ختي ركبات مع راجلها لي قالك صدقو ممطلقينش غير خباوها علينا باش يفضحو بنت خالتو
وغزلان ركبات مع خطيبها وأنا والبايرات ركبنا فسيارتي فقصوني كيدابزو على لي يكلس القدام حتا كلست نجوى القدام و أميمة اللور حنى غاديين وطالقين الموسيقى على جهدها كنتزدحو معاها أغنية ديسباسيتو
ومع الموسيقى مجهدا مسمعتش لكلاكسون وحسيت بالسيارة مشات و جات