بديت افكر بقيصر وبدا ياخذ حيز م̷ـــِْن تفكيري اجكد ما اني قويه بموضوع الحب وما اهتم بس كدر يحرك طبيعتي الانثويه
مرات م̷ـــِْن يصير عليه،ضغط بالبيت او بالدراسه
اروح وياه بخيالي اسرح بفكري اتذكره واعيش الموقف ومرات ااذيه اكثر بالحچي 😂
ما اعرف آحـبُ:* 😁
اتخيل رد فعله واعيش الاجواء
صرت كلما اذكره اخلي كحل لعيني 😌
كلمته ع الكحل الي بعينج طير عقلي تخليني اطير واني كاعده لْـۆ نايمه
البنات الي بالخط ويايه جانت عدهم حركه مو طبيعيه م̷ـــِْن نروح ومرات م̷ـــِْن نرجع
ما مفتهنت منهم شنو لان جنت بعيده عليهم الي كدرت افتهمه وحده منهم تحب بس منو ما اعرف ومنو الحبيب ما اعرف واصلا ما ردت اعرف ..لان ميخصني
جتي سكينه فرحت بجيتها مشتاقه الها هوايه
بقت يمنا اشكم يوم اخذتها ويايه للكليه اشوفها الاجواء هناك
وبالرجعه رجعنا وحدنا مو. ويه البنات
جانت جريئه كلش ومتخاف رادت تدخل بصاله مالت موطه قريبه ع السوك بعد ما طلعنا م̷ـــِْن الكليه اخذتني للسوك وجبرتني ندخل للصاله جنت خايفه لا يشوفنا واحد منهم
بس هي تضحك جان تكلي انَـỲǑŲـْتي تعزميني مو اني اعزمج
الصاله جانت عوائل ومختلطه
بالبدايه جنت مرتبكه وبعدين انطلقت بس بخوف ما عايشه التجربه
ﮔالت ناكل ونﮔوم لٱ تنغصينه علينا
زين خلصي بسرعه
وگف ولد يمنا ..رفعت راسي جان قيصر واگف قريب علينا سكينه استغربت
اني الدهشه فتحت حلگي
مرحبا
اهلا سكينه جانت منتظره مِڼـّي جواب
اكيد يعرفنا
بقى واگف ويباوع علينا
اشونج
زينه جنت صافنه. بوجهه ڱڵـه تراب
وملابسه متربه لابس كاستيته ع راسه
جنت بالسياره راجعين م̷ـــِْن الشغل وشفتج طفرت السياره
ادور عليج
سكينه
تباوع علي وعليه مستغربه
أﮔعد ؟!
ادنيت بدون وعي اسويله مجال
ﮔال
لٱ ﮔبالج احسن
سكينه سألتني بهدوء... منو ؟!
باوع ع سكينه ورجع باوع عليه
ﮔله ابن خالتها
سكينه ﮔالت يعني اقاربي هم
ضحك 😂
اي اقاربج
اني اتبسمت ع كيف
ﮔالت اله ابن م̷ـــِْن ؟!
ضحك بعدين آيات تشرح الج
باعي مو بكيف خالد نفسي بيج
مفكر
اقابل المحافظ حتى يخطبج الي
بعد ميﮔول شي
احرجه...
اني ما اجاوب بس اسمع احس روحي بحلم
ما اعوفج مستحيل لٱ خالد ولا عشره مثله
دخلتي هنا ويأشر ع راسه
اني مستحيه كانما مشهد حب مثل مشاهد المسلسلات والافلام
ملامح وجهه حلوه يمكن محلق شعره كلش لان جان ماكو شعر م̷ـــِْن ورا
