رجعت للبيت بلغت عمتي ع روحتي لاهلي
حست بالتوتر الي اني بيه طمنتني وشجعتني
وكت طلعتنا جان مختار متضايق
دخلنا لفرع بيتنا جتي الذكريات ابالي رجعتني سنين مو سنه مفارﮔتهم
ارتبكت اكثر م̷ـــِْن وصلت للباب قبل لا انزل انطاني تلفون ﮔلي بيه رقمي اتصلي عليه م̷ـــِْن تردين تجين
بسته م̷ـــِْن خده ضحك الي
دخلت للمسلك وصلت للباب دﮔيته انتظرت يفتحوه
التفتت عليه جان بعده واﮔف يباوع الي
فتح الباب ابن اخويه عدنان صفن بوجهي دخلت بخطوات ثﮔيله
بالساحه مالت البيت طلعت امي بيدها ماعون
اتفاجأت اني ركضت الها شبگتها وابوس بيها
هي تسألني اشونج
زينه مشتاقه الكم اذكركم يوميه ابويه اشونه
زين ..ﮓطعت كلامها زينب متغيره هوايه ضعفانه ووجهه كله حب رحت اله
استقبالها الي بارد تباوع عليه تتفحصني
اشونج زينب والله مشتاقه الكم
جان ترد عليه بخير كلمته عكس المطلوب بأسلوب مستهزء
شأخبارج
ﮔالت محد خسر م̷ـــِْن ورا سالفتج بس اني
ما افتهمت شنو قصدها
طلعت مرت خالد سلمت عليها ما ردت سلامي
فشلتني كسروا واهسي
رجعت اباوع ع امي الي تجاملني ع اعصابها
واضحه الصوره ..رجعت اسأل زينب
صدفه حلوه الﮔاج هنا
هههههههه اي وين اروح غير اطلﮔت بسببج واخذوا بنتي مِڼـّي
اطلﮔتي 😳
حسيت وكتها مو بيت اهلي ناس غربه ولو غربه جان استقبلوني احسن م̷ـــِْن ه̷̷َـَْـُذآ الاسلوب
😏اي خيه اامهم انَـỲǑŲـْتي مرتاحه وبخير واخدتي الي ردتيه
ما رايده احد اني سكتت ما ردت ابري نفسي يم ناس ما تسمع مِڼـّي تعبت م̷ـــِْن هالسالفه
اني شنو سويت حتى يطلكج بسببي
لو هو راد سبب حتى يتركج
عساها ابختج وابحضج حوبتي برﮔبتج
امي اسكت بيها وتصبر عليها ما دافعت عني متوقعه هيج
ردت اطلع م̷ـــِْن البيت محد الي بيه
انتظرت ابويه ع اعصابي مرت الساعات ثﮔال الى ان اجه شيبت
سمعت صوته ع المغسله يتوضى
ماجان متفاجأ م̷ـــِْن شوفتي يمكن عنده علم اني موجوده سلم عليه حار شبﮔته مشتاقه الكم هو باسني
اسمع صوت خالد
هَــْـِْـْْـِلاّ برفعة راسنا
ابويه يسكته
مثل ما جان مختار يحجي واهله يسكته العيب ب
يه مو بيهم
اجيت والمن اجيت ؟!
سمعت. صوت حسن ﮕمت اله اسلم عليه
باوع عليه عافني وصعد فوﮔ
الحضروا المشهد اشمتوا مرت خالد وزينب امي دنﮔت
صبوا عشى اكلوا سوا امي جابت الي الاكل للغرفه
بجيت ما اكلت
ما ادري أإأذأإأ. انقهرت عليه امي لْـو لا
اتصلت عليه يجي ياخذني
ﮔلي اتأخر اني بره البيت
اشوكت تجي ؟
ما ادري م̷ـــِْن اخلص اجيج
انتظرت جيته هوايه
زينب جانت ما طايفتني وامي تجاملها وعايفتتي
ابويه نام
حمود ماكو
خليت ايدي ع خدي بجيت عليهم عبالك دافنتهم وﮔاعده بفاتحتهم
