اذكر جنت بالبيت امي تسألني
اليوم م̷ـــِْن وكت جايه
اشبيج ؟!
ماجاوبتها دخلت للحمام بجيت يمكن سَـآعــهْْ اني بيه متمدده وابجي ما اعرف اشون اطلع الحسره الي بصدري العبره خنﮔتني ما فاد وياها الدمع امي ادﮔ بالباب آيات افتحي الباب
ﮔمت ﮔوه اشيل بروحي طلعت منه مبلله بدون ما ابدل ملابسي .امي تخرط،بخدوده جرتني للغرفه… ولج اشبيج سويتي بيه الي ما سوه الولد
ربي تعاقبني بيها شمسويه اني
غيرت ملابسي واتمددت بفراشي
ﮔومي اتغدي
مااريد
اذا تتخربطين محد ياخذج للمستشفى
احسن
غمضت عِنۋۋۋ♡̷̴̬̩̃̊نيّے
وامي تدعي عليه الله يسويلها حل ويايه
طلعت رحت جبت هديته حضنتها
مانمت عيوني جانت توجعني وا تغمض
لثاني يوم واني بفراشي
محد سأل عليه منهم ما ضوجني انو هم ما مهتمين بيه
ردت ابقى ويه نفسي
الكليه ما رحت الها اصلا ما حبيتها اذكرت قبل اشون جان همي الوحيد هي ودراستي ومستقبلي… ما كنت اتوقع اوصل لدرجه ما الي خلگ للدوام
دخت واني بفراشي انغمى عليه محد جان يمي
وعيت يضربون ع خدي واسمع صوت حمود ييصيح بأسمي
لزمت ايده وبجيت شفت بيه قيصر
خلولي مغذي
بعدين طلعت للبيت خليت ابالي عركه جديده ويه خالد وعدنان
هالمره امي اتلكتني وجرتني م̷ـــِْن حمود قبل لٱ يجوون الولد ويصير عرك
ظلت تحجي عليه ليش هيج اسوي بروحي
اتمنيت ابجي بحضنها واشكي الها حظي
ردتها تصبرني بكلمات تهداني تميل حزني اشيله مِڼـّي
بس ماراح تفهمني عقله ما يستوعب ويدرك عايشه الخوف بكل تفاصيله
جتي صديقاتي ورا 3 ايام ما مداومه
يسألن عليه
طبعا امي عدها شي عيب وونسوان اخوتي،يباوعن صفح عليهن حرجني عبالك مو بشر ما شاييفين ناس
طلبن مِڼـّي اداوم
حاولن يعرفن ااسبب ما ﮔلت الهم
بس وعدتهم خير
م̷ـــِْن شفتهم ارتاحيت حسيت اكو ناس غير هاي الناس
طلعوا
اجتني امي تخرط بخدودها هذني ما عدهم اهل
لٱ عدهم بس مو مثلكم
صلوات م̷ـــِْن حجيتي
حسن وحمود مبتعدين عليه يمكن عرفوا اني مقهوره ع قيصر ويستحون يواجهوني… حسن حتى ما حجى ع غيابي حسيت هم مراعين نفسيتي،
الصبح رحت ويه حسن طلبت منه يوصلني لان ساره تشلع ﮔلبي وهو اصلا مشلوع
دخلت للكليه احس ما الي طاقه امشي بيها اسولف اضحك انتبه ع المحاضرات
بس جسم بدون روح طلعت م̷ـــِْن اول محاضره اباوع بالوجوه بلكي يجي ويطلع كل ه̷̷َـَْـُذآ كابوس
اذكرت اول مَـرّھٌ اجه ع اساس،ابن خالتي
نزلت دموعي بدون ما انتبه ع نفسي
بقيت كاعده انتظر جيته
جتي صديقتي تحاول تفهم مِڼـّي شي واشبيه
ماحجيت اي شي
كملت المحاضرات ورحت للموقف اذكرت اخر يوم اجه ورايه ردت اصرخ صوت اطلع بيه الحسره الي بصدري جنت مثل الطير اامذبوح ويفرفح بجناحه ميﮔدر يسوي شي
صاحت ساره
ها شنو الًيَوُمًِ مداومه ؟
