تكون الحياة ليس مثل مانتصور نخطط لشيء ويحصل العكس نبني حياة ع احلامنا
لاكن يحصل العكس وتتحطم تلك الاحلام
لاكن ارجو ان تكون الحياة في المستقبل جميله تجعلننا ننسى الماضي ونعيش الحاضر ......
عبرت هاي الفتره خلصنه وصرنه مخطوبين والحمد لله بديت اتقبل الوضع رجعنه لبغداد ومن وصلنه
ماما:رزان خابري سليم كليله وصلنه من موبايلي
رزان :هاااا اي خوش
سليم : الموبايل يدك ام رزان تتصل يلا خل ارد عليها
رزان :السلام عليكم سليم شلونك
سليم :الحمد لله تمام وصلتو لو بعدكم .
رزان :اي وصلنه خابرت علموداكلك وصلنه .
سليم :هاا الحمد لله ع السلامه 😍
رزان:الله يسلمك مع السلامه
سليم :في امان الله ......
رزان اووووف صوته يخبل شكد حلو هو ماكال شي وانه مدري شصار بيه ارجف يلا الحمد لله بديت احبه
وبدينه نتوصل من موبايل امي وهواي حجينه شغلات شنو يحب وشنو يكره الاكل الي يحبه حسيته ترف ينحب وماعرف الشعور الي احس بي ماينوصف فرحانه
ومرت اربع ايام وتبدي المدارس والحوزات ابوي داوم ورى كم يوم سليم خابر كال جاي الكم .
اني فرحت كلش لان راح اشوفه بس نفس الوقت خايفه مادري ليش
اجه سليم ورى كم يوم اني استحي اروح اسلم ماعرف ليش وكفه بالباب مال الاستقبال وامي كالتي فوتي كتلها هسه واجيت سلمت وفتت كعدت يمهم هو هم جايب لي هديه 🎁وياه فتحتها ايفون 5s فرحت بي كلش الحمد لله
شوي خلص وكال يلا انروح نسوي العقد بالمحكمة رحت بدلت لبست فستان طويل تركوازي وشال وكملت وطلعنه اني وماما وبابا وهو ...
صعدنه بالسيارة بابا لكدام واني وماما وسليم ليورى كعد بصفي بس اني صرت صنم لاحجي ولا نفس وصلنه ونزلنه وهو اجه يمشي وياي لزم ايدي واني صعدت الحراره عندي اوووف 😳
دخلنه للمحكمه وروحه ورجعه وطبه وطلعه واني وياه تعودت ع الوضع الحمد لله بعدين رحنه للمستشفى نسوي التحليل مال فصيله الدم وكالو باجر يطلع رجعنه هو كال اروح صاحبي يتانيني ابوي كله لا ابقى عدنه للغده ماقبل كال غير يوم 😍
خلصنه اجراءات العقد ورجعنه بس الجو جان حار رجعت بدلت وتغدينه وخلص اليوم بس اني افكر بي اليوم كله سويت وات ساب وفايبر وماسنجر ورسلت مسج ع الوات ساب هو بسرعه جاوبني
رزان :هلووو ممكن نتعرف
سليم :هلاوالله حبيبتي شلونج
رزان :شلون عرفتني
سليم :❤️👉هذا كلالي
رزان :🤭 اممممم صدك شلون
سليم :ايي والله صدك
وضلينه نتواصل طول الليل
الحمد لله حبيته
😍😍❤️
خلص البارت اسفه لان اتاخر عليكم بس لان صايم وكله 😴😴ماكعد ههههههه يلا ان شالله اعوضكم ❤️❤️انطوني رئيكم
أنت تقرأ
الحب لا يقف عند شخص واحد
Romanceقصه فتاة بعيده عن العشق ولاكن غلطه تجعلها تحب شخص وتواجه مشاكل تتنتهي بزواجها من شخص اخر هل ستحب زوجها ام ان عقله وقلبها مع شخص اخر (الحب لايقف عن شخص واحد ) تابعووو تكملة القصه
