واني مبتسمه كالو مبين قابله لان فرحانه والحمد لله صدك فرحانه اني 😍
صدك ارتاحيت اله هواي
مرت يومين وبقو ايتانون الجواب علمود يجون وتصير رسمي المهم الاربعاء شافني ابوي خابر الجمعه وردلهم خبر اول سالني اني سكتت ماجاوبت بس ابتسمت 😊
عرف الاجابه مالتي سالني ع المهر كتله الحاضر بكيفكم بس الغايب حجه بيت الله 🕋
المهم صار يوم الاحد الي اتفقو بي علمود يجون علمود يحجون بالامور مال الخطبه
اني نسون خوالي كلساع طلعن شي علمود البسه نوبه قصير نوبه طويل
المهم لبست فستان نيلي بي ورد لون وردي فتحت شعري وشسورته نزلت كذله خلنلي مسكاره وكريم شوي وحمره خفيفه طلعت اخبل يمه فديت روحي
هاي الحجي كله سابع يوم ورى رمضان وخطار رايح وراجع المهم اجو نسون اثنين وزلم ثلاثه لو اربعه
النسوان ام الولد وعمته اخت ابو شوي امي صاحتني تعاي ودي الجاي والكليجه والعصير
واني ارجف مرتبكه سلمت عليهن وقدمت الهن العصير والكليجه لو شوي جان انكلب عليهن وبطلن هههه 😂😂
وماخذني لبنهم يي المهم اتفقو ع كلشي وراح طلعو والجماهير خذوني ومشن للباب علمود يشوفن الولد
هو داير وحده تكول كفاه حلو وحده تكول سمين وحده تكول زين وبدن يضحكن موتني ضحك 😂😂
المهم حددو يوم الخميس العقد والحفله سوه بهاي الايام اني افكر واضوج ونوبات افرح اتمنى عقدي ع حر مادري وينه هو اصلا 😔
يوم ثاني رحنه لبيت جدي تقريبا ساعه عن بيت جدي اهل ماما رحت لعمتي هي صالون عدها اختاريت بدله وتسريحه واشترينه ملابس من السوك ورجعنه بس كلش تعبت
و صار يوم الثلاثاء ورحت للصالون حفيت وجهي طلعت اخبل حواجبي ام الصالون كالت اني بيوم العقد اسويهن
وسووالي شيره وكملت هاي السوالف امي ونور وبيبيتي وخالتي راحو للسوك اشترن غراض هواي عدسات وعقد وتاج وحذاء وكالون وكومه سوالف هم
رجعو خطيه تعبانات وكعدنه نقيس بالملابس وتونسه ضحك وسوالف كلش حلوه اتمنى تنعاد هاي الايام المهم الاربعاء راحه عروس ومايصير اتعب واسوي شي 😌😌
واجه يوم الخميس قبل يوم ساعه 3:00 يلا نمت وتعبانه الصبح بالكوه انشلعت من الفراش ههههه 😂😴
سبحت وبدلت لبست بنطرون وقميص طويل شال احمر ورحنه للصالون خالو وصلنه بسيارته الهم وصلنه عمتي بعدها ماجايه كعدنه ننتضر ساعه 10:00 يلا اجت ولازم اني 2:00 مخلصه حتى ارجع اني اختاريت بدله لون وردي ع برتقالي كلش حلوه من فوك كصه قلب ومن جوه باربي يسمونها وتسريحتي نازله ركبتلي شعر مبروم من جوه وشعري اسود طلعت التسريحه تخبل كلش ومكياجي سموكي اسود وردي ورموش وعدسات و اظافري اني حلوات وطوال سوتهن الي من فوك ابيض وجوه ورد زغار وردي يخبلن صارن وطلعت الابشده اخبل 👌
بدلتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
الحب لا يقف عند شخص واحد
Romansaقصه فتاة بعيده عن العشق ولاكن غلطه تجعلها تحب شخص وتواجه مشاكل تتنتهي بزواجها من شخص اخر هل ستحب زوجها ام ان عقله وقلبها مع شخص اخر (الحب لايقف عن شخص واحد ) تابعووو تكملة القصه
