كنت نمشي فطريق حتى نسمع طونوبيل تصوني و تبع فيا .... يا يما خفت كاش واحد راه يحوس يخطفني و نعطيها بجريا كي حسيبة بومرقة ههه مادرتش كامل موريا نجري نجري نجري درت سباق الجري الطويل هذاك نهار هه ايه يمات باك سبور و دخلت بين الباطيمات حتى ولا ميبانش وليت نمشي بشوية و ندور مورايا حتى مفقتش نلقاه قدامي يا عمري مصارني ياحي نندب وشبيا قالي :علاش كنتي تجري قتلو: لالا مسلسل تاعي دك يبدا راني نجري باش نلحق عليه كذابة نيميرو واحد ههه قالي: واش اسمو باش نتفرجو انا تاني قتلو :منعرفش اسمو مكتوب بالتركية منفهملوش قالي: واش من قنات قتلو مكتوبة بالتركية ثاني قالي: قوليلي تيليفزيون تاني بالتركية و الديمو بالتركية و بلاك نتي تاني تركية و معلاباليش قتلو: لالا اسمي اسماء علابالي الجواب لا علاقة بهدرتو بصح لازم نستغل الفرصة نعرف بنفسي ههه قالي :امممم و انا سامي قالي :كنت نصونيلك مقبيل باش نرجعلك دوزانك وانت مسمعتنيش وقيلا ... قتلو: ايه ايه منسمعش مليح و منشوفش مليح تاني ههههه
قرب لوجهي مابقا بيناتنا والو و قالي :هكذا شفتيني بعدت و قتلو: اي ه اي ه ش ش شفتك و هربت نجري قشي و مديتوش من الخلعة و هو يجري مورايا :يا طفلة قشك ....و انا رجليا يجرو وحدهم هههه ملحقنيش مع رجليا طوال خطوة وحدة تاعي بعشرة تاوعو مع لي كان بلبليغة هاذاك هو هههه دخلت لدار نحيت حوايجي و رحت قبالا للفايس لقيتو بعثلي ميساج قالي :وشبيك مع الجري ليوم قتلو: اسكت توجع القلب قالي :انا نوجع القلب نتي لي بوطو بلا خيوط
كيفاااااااااااش يوقلي هكاك بلوكيتو ديراكت محوستش مامبا نفهم واش حاسب روحو هاذا يقولي بوطو بلا خيوط ديجا داسرني ... بصح انا لي بديتها قتلو توجع القلب ااااااااااااااع انا لي نوجع القلب اااه يا مصارني واش راك داير فيا ... رقدت و انا مرنكا مورالمو نضت صباح تلقيت بسوسن و كي لعادة صحبها امين يتبع فينا ويحلل قتلها: قشي راهو عندك قاتلي :مدهملي امبعد نحاهملي قالي هو يمدهملك يااااااحي اكيد راح يبهدلني كي بلوكيتو وصلنا لافاك و الخلعة حاكمتني قاعدة غير نخزر باش غير نشوفو نعطيها بجرية و نولي حسيبة بومرقة ولا توفيق مخلوفي هههه
بان لقمر بان ليوم راهو مستيكي روحو ... ماهذا يا هذا... لابس شورت و شوميز مفصلتلو لاطاي ولابس كونفارس و شعرو يا جدكم رطب على شعري انا كي نجبدو بليسور ههه شفتو جاي لينا قتلها لسوسن :امبعد نشالله... و نعطيها بجرية درت لقيتو مورايا هههه شكيت كي لبس كونفارس باش يعرف يجري بيها انا نجري وهو يجري انا نجري و هو يجري انا نجري و هو يجري هه خلاص ههه يا جدكم لحقني هاذ لخطرة شدني من يدي و لصقني في صدرو يا لهوووووي تقول مخدة تع الريش هههه امبعد بعدني عليه و رمالي دوزاني في وجهي باين بلي راهو فات درجة الغضب عينيه كانو حمورا و عروق رقبتو و يدو يبانو يا يما ودعي بنتك راح تموت على يد مصارنها ههه قالي و هو يتخنزر فيا :مزال مزادتش ليتبلوكيني و انا نهدر سمعتي و الا مندمتكش على نهار لي خممتي ديريها انا ميسمونيش سامي راح و خلاني نترعد بالخوف اول مرة نشوفو هكا ااااااااااااه.............
انتهى البارت3
الى الملتقي انشالله في البارت4
فوت+كومونت لوف يو
بااااي
أنت تقرأ
عشقت مغرورا - باللهجة الجزائرية -
Romanceشخصيات مختلفة تدور بينهم قصة مليئة بلانتقام و الخيانة و لكن اخيرا ينتصر شيئا اسمه الحب تابعو هذه الرواية لمعرفة احداثها المشوقة التي تدور بين اسماء و سامي نوع القصة رومانسي كوميدي
