يا يما اول مرة نخاف من واحد هكاك بصح واش درتلو يخي بلوكيتو برك معودتلوش ختانة هههه... امبعد رجعت لسوسن ولافاك كامل تخزر فيا قاتلي: سوسن شكون لي ربح في السباق نتي ولا هو قتلها :قشي هو لي ربح ورحت دخلت نقرا قلت والله ما نزيد نخمم فيه ما نزيد ندي تباهدايل على جال واحد ميسواش دخلت للقسم ديالي و مورال يتكركر فالارض كي كملنا لقراية خرجنا انا و سوسن و في الطريق جا لينا صحبها انا جيت رايحة زعما نخليهم يهدرو براحتهم شدتني قاتلي: قعدي معايا كنت معاها و غاضني مسكين هو يحلل باش توليلو وهي ماهيش حاسباتو حتى نشوفو شدلي يدي و قالي :الله يسترك يا ختي اهدري معاها انا مع لي درت انا نشوف خويا محمد متوسط تاع دار ليوم جنازتي يا لالا و ليوم جنازتي و يا لالا قاعدة نغني فيها و قاع اليوم اليوم اليوم امبعد نحيت يدي و بعدت عليه حتى نشوف في خويا شرلي بصبعو يعني تعالي ارواحي قتلو: انا قادمة يا ملك الموت انا غير وصلت ليه مخلانيش مامبا نتنفس شدني من شعري و قاعد يكرر فيا و يسب و يعاود و انا نقولو: الله يسترك استنا نفهمك ...الله يعيشك و هو يقول :تسكري قسام فمك و لا نكسرهولك قاعدة غير نندب على نهاري حتى نشوف في سامي جاي بقالي غير فوقيرتك يعني جاي تستشفا فيا وااااع علاه يعني علاه حتى شفتو جا شد خويا قالو :اطلقها و اصبر برك و اتفاهمو بالعقل راك فضحتها قدام ناس و هو يقولو :بعد عليا ليوم نقتلها نشرب دمها لموهيم قعد يهدر معاه حتى طلقني و قالي :اطلعي لدار راني جاي
يااااه كثر خيرك مصراني طلعت نجري و شعري مشعشع كي شعر شفيقة هههه رحت قبالة حكيت لماما واش صرا باش لا جا تحامي عليا و متخليهش يضربني ههه هذا تاكتيك نورمالمو كامل تعرفوه ههه رحت لشمبرتي و سكرت لباب بالمفتاح اونسي جامي يجي و عيتلها لصحبتو اسمها نورهان قلتلها: الله يسترك عيطيلو لبوجغللو تاعك قوليلو راكي فسبيطار و لا موتي ولا دبري راسك لموهيم بعديه عليا وانا نقنع ماما باش جي تخطبك في الصيف هههه علابالي مديريش فيا الخير باطل قاتلي: واش صرا فهميني احكيلي ... حكيتلها و قاتلي :خليها عليا لموهيم قعدت نستنا في لوحش يجي حتى سمعت لباب تفتح قاعدة نستنا غير في لعياط و لخبيط مي مسمعت والو ... خرجت بلعقل نطل حتى نلقا السيد يشوف فسما و يضحك وحدو هههه عاودت دخلت لشومبرا حتى عيطتلي قاتلي :كاشما قالك قلتلها: علاش جا اسمو ناسيه واش درتيلو ؟؟؟ قاتلي :هههه سر المهنة حبيبتي
ايا هاذي عبد ولا فروطوار قاتلي: منا و جاي كاش ما تسحقي عيطيلي برك.... يا خاه واش راه عاجبو في هاذي معوجة لحناك سور كاش مادارتلو قريقري ولا كادنا يا لهوي خويا مسكين دوكا ولا مسكين مقبيل كي كان يكركر فيا من شعري نسب فيه و دوكا مسكسن والله غير يستاهل ههه... لوهيم رحت فتحت فايس نحيت سامي من بلوكاج و بعثتلو ميساج قتلو: اسمحي على بلوك و ميرسي كي هدرت مع خويا كان فاتح رجعلي قالي :بلا مزية بصح شكون هاذاك ؟؟؟ قتلو :واحد جا يسقسي فينا على طريق برك قالي :سور قولي الصح قتلو :والله قالي :ملا ماكيش انكوبل قتلو :لالا راني سيليبايرة قتلو: و انت قالي: انا ثاني هاااااااا قتلو: بركانا موكلي الغابة كامل و ماشي انكوبل قالي :راني نستنا في القردة لي تناسبني و قعدنا قسرنا حتى نعست و رقدت
نضت صباح رايحة للجامعة كي العادة حتى نلقا سامي يستنا فيا اااااااو واش راه يدير هاذا قالي: يا القردة اطلعي سمعتو يا ناس قالي القردة هههه طلعت معاه راني قاعدة و نستنى فيه يديماري و هو قاعد غير يخزر فيا و شبيه هاذا ؟؟ ... قتلو: واش جامي شفت قردة ولا واش هههه طرطق بالضحك و دنا ليا حتى ولا نفسوولا يضرب في رقبتي و و جهي جمدت في بلاستي وليت طوماطيش تع لباطا ماشي حتى تع لحب ههه قالي: وشبيك علاش حمرتي هكا وجبد السبتة ... اوووووووف هاذا بيك غير السبتة وانا قلت راح يغتصبني ضربا ههه قتلو: كون قتلي كون درتها قالي: نص ساعة و انا نستنا فيك ديريها مفهمتيش روحك ديمارينا و و صلنا لافاك و الغاشي كامل يخزر فينا سورتو لبنات .... كحلو كحلو بشوية اني جيت مع مصراني شح شح هههه وصلني حتى لكلاستي قالي :كي جي خارجة قوليلي .... قتلو: كيفاش نقولك قالي: اممم جبدلي تيليفوني من جيبي و كتب نيميروه و قالي: هاهو عيطي بيه وراح ...
يا عمري يا عمري على الشيفور تاعي كملت قرايتي و عيطتلو قالي :واش القردة كملتي قتلو :ايه قالي: 5دقايق نكون عندك .... كنت قاعدة نستنا فيه حتى جات ليا وحد الطفلة.......................
انتهى البارت4
الى الملتقى انشالله مع البارت5
فوت+كومونت لوف يو
بااااااااي
أنت تقرأ
عشقت مغرورا - باللهجة الجزائرية -
Romanceشخصيات مختلفة تدور بينهم قصة مليئة بلانتقام و الخيانة و لكن اخيرا ينتصر شيئا اسمه الحب تابعو هذه الرواية لمعرفة احداثها المشوقة التي تدور بين اسماء و سامي نوع القصة رومانسي كوميدي
