انا غير قاتلي اغتصبني وليت من ضويش قاعدة تبكي و قاتلي: يا اسماء اغتصبني امين حياتي ضاعت كيفاش ندير ضكا كيفاش نقابل دارنا ونوري وجهي علابالك ماني ناكل ماني نشرب ماني نرقد عييت يا اسماء انا صح تشوكيت قلتلها: ويقتاش ووين صرات هاذي انا وين كنت اهدري قاتلي: لبارح نتي غير رحتي مع خوك رفدني و دخلني داخل الطونوبيل بسيف و ربطني و داني لوحد دار مهجورة و...و.... وزادت بالبكا قلتلها :خلاص متكمليليش اسكتي انتي ضكا ضك نشوفو واش نديرو سكتت و تكالمات شوية حتى سمعنا تيليفونها صونا رفدت ياخاه كان هو امين عيطلها قالها: افتحي فايس عندي ليك سوربريز هي غير فتحت لقات بعثلها فيديو كي كان يغتصب فيها يا خاااااه هاذا حيواااااان ماشي عبد واش يحوس من عندها انا علابالي بلي صح يحبها وبالاك دار هكا على جال باش تقبل توليلو بصح ماشي لدرجة هاذي ..امبعد بعثلها ميساج قالها :عجباتك سوربريز قالها :كون مجيش غدوا لابلاسة فلانية و ساعة كذا يوصل هاذ فيديو لخوك وداركم سوسن عاودت ولات تبكي و انا نبكي معاها والله مجتمع ميرحمش كون تروح تشكي بيه اكيد راح يسمعو والديها وخوها و تتفضح بين ناس وكون تروح ليه راح يقلها مديلي..... و مديلي .... و كون متروحش ثاني راح تتفضح مع دارهم و اولها خوها سامي واش راح دير يا ربي .... ربي معاك يا ختي.....
مرقدناش هاذيك الليلة و كيفاش يجي النوم و هي بايتة تبكي بالشهقة و انا قاعدة نعس فيها تاني دير حاجة في روحها طلعت الشمس و انا نخمم كيفاش نديرو ونحلو هاذ المشكل حتى جاتني فكرة في راسي ونشالله تكون الحل المناسب ستنيتها كي فطنت قلتلها :هيا امشي قاتلي: لالا منروحش لافاك راني خايفة نصيبوه و كاش ما يديرلي تبهديلة برا قلتلها: متخافيش مناش رايحين لافاك رانا رايحين لدار امين لازم نحلو هاذ الموضوع يخي تعرفي دارهم قاتلي: ايه رحنا كي وصلنا فتحتلنا يماه الباب تبان يماه هايلة ستقبلتنا احسن استقبال ... المهم قعدنا انا وسوسن هي محبتش تهدر مقدرتش وليت انا هدرت قلتلها :خالتي الله يسترك استري على هاذ البنية لي راهي قدامي ... سوسن غير سمعت استري عليها طرطقت بلبكا قاتلي :يمات امين غير الخير يا بنتي واش كاين .. حكيتلها واش صرا ورينالها الفيديو باش تصدق بصح تشوكات و طاحت تغاشات حتى ولينا نرشو فيها بلما انا و سوسن باش تفطن كي فطنت ولات تبكي و قالتنا :والله ما ضنيت يجي نهار يسود فيه وجهي هاذا ماشي وليدي انا مربيتوش هكذا خلاص تبريت منو ليوم الدين
كالميناها شوية و قلنالها: راه يهدد فيها و يقولها لوكان مجيش ليا ينشر هاذ الفيديو راحت عند سوسن عنقتها و قالتلها: اسمحيلي يا بنتي والله غير راكي في حمايتي راكي كي بنتي لي مجابتهاش كرشي و غدوا نشالله نجو نخطبوك من عند والديك و نسترو عليك و اذا بيك على الفيديو كي يجي باباه و هو يتفاهم معاه ..امبعد امين كي راح لدارهم ضارب مع دارهم و فهمهم و قالهم بلي هو يحب سوسن و على جال باش تكون ليه دار هاذ شي و راهو طاير بالفرحة كي راح يتزوجو كان هاذ شي بعد مخرجنا من دار على حساب قول يماه ..لموهيم.... طمنتنا كلمات يماه ورحنا لدار سوسن طمنت شوية و رتاحت على لي كانت الحمد الله تحلت و انشالله برك يتفاهمو مع هذاك الحيوان رحت قبالة رقدت بسك عييت ليوم قاعدة نحلم بسامي جا يخطب فيا زعما لابس كوستيما جاتو تقتل وانا مبنتش في المنام ... زعما قعدت قدامو امبعد ناض و طرشني بكاس ماء هههه مسكينة تغيضي قالي: افطني ... نضت مخلوعة نلقا نبع الحنان طرشتني بالماء علاه يعني واش درتلك ... قاتلي :نوضي لماعن راهم يستناو فيك نضت تقول سكرانة ... رحت غسلت لماعن امبعد رحت حليت فايس لقيتو باعث 20ميساج هههه هاذا كمل اشتياق ولا خليني اااا عمري قالي: وين راكي علاه مجيتيش ليوم تقلقت عليك علاش تيليفونك مسكر اا قولي؟؟؟ قتلو: كنت عيانة قالي :و تيليفون علاه ختارعوه ؟؟؟ عيطي كي ناس و قولي مانيش جاية انا ساعة و انا نستنا فيك قتلو: ديزولي متزيدش تتعاود قالي: يا لهوووووي مين ويقتاش تربيتي و ستعقلتي وليتي تقولي ديزولي
قتلو: نسيت بلي مراكش بنادم علابيها قتلك ديزولي خلاص متزيدش تتعاود ديزولي هاذي قالي: امممم زعفت قردتي ااا قتلو: ايه ... قالي :واش نديلك باش تنحي هاذيك الشنوفة قتلو :هيا نلعبو اكسيون و لافيريتي بصح غير انا لي نسقسي لازم نعرف لمصايب لي راك دايرهم في الباسي ماشي كل يوم تخرجلي وحدة نعطيها طريحة تع لكلاب ههه .. قالي: اوكي بداي بصح متفوتيش 5 اسئلة ... ضحكت ضحكة شريرة و قلت فتحت على روحك ابواب جهنم الحمراء هههه قتلو :اكسيون ولافيرتي قالي: اكسيون قتلو: صار هكذا قتلو: دير لمكياج و صور روحك و بوبلييها فلفايسبوك قالي:اااا قصدي فيريتي غلطت في الكتبة برك هههه ... الخلعة ياه ... قتلو: مع شحال من وحدة مشيت؟؟؟ ..السؤال المشهور ههه.. قالي: والله غير بزاف بصح مانيش متفكرهم قالي: لموهيم فوق 20.. قتلو: تع هاذيك نهار لي شعشعتها منهم؟؟؟ ههه .. قالي: ايه هاذيك التالية فيهم ههه ... قالي: زيدي قتلو :و ضكا راك مع كاش وحدة؟؟؟ قالي :لالا ... قتلو: تحب كاش وحدة؟؟؟ قالي: ايه ... يا خااااااه راح مصارني خلاص... قتلو: وهي علابالها ؟؟ قالي: لالا .. قتلو: شكون هي؟؟ قالي :اكسيون هههه... اووووف سامط قتلو: كسر بيضة فوق راسك و اخرج نشوفك .. كنت حابة نشوفو برك توحشتو بديت نطيح فيه ... قالي :اخرجي هههه طليت من تاقة كان بلا تريكو لابس غير شورت يا مامي يا مامي على هاذاك الكور لعزيز .. قالي :هاه عجبك الحال ضكا نضت نضحك عليه قتلو: ايه و بزاااف قالي: سامطة و دخل اوووف مشبعتش منو
رحت قبالة شديت فراشي اااااه يا قلبي طحت فيه خلاص و غدوا ويكاند خرا منشوفوش ورقدت وانا نخمم فيه صباح صونا تيليفوني اوووف يخي ليوم جمعة علاه تنوضو في جدي رفدت تيليفون و انا كامل ماشي فاطنة كنت نص نص معلبليش بلي سامي لي عيطلي ... و قتلو: اااااااو خلوني نرقد ااااا الجمعة لواحد يرتاح فيها ونتوما تنوضو في جدي اخطوني و كوبيت .... امبعد رجعت رقدت حتى نسمع في واحد يقولي :نحبك قردتي انا حسبالي راني نحلم قتلو :انا نموت فيك يا مصارني ... امبعد باسني اااااو هاذي حسيت بيها صح حليت عينيا و نلقاه سامي وليت نهترف و نقول :وشنو وليت نتخايلو في الحقيقة تاني امبعد بعد عليا و قالي :واش فطنتي قتلو :يااااا راك تهدر تاني جامي شفت خيال يهدر مسيتو في وجهو ..قرصتو ناض يعيط قالي :واش هبلتي وجعتيني يا مسمومة ... يخاااااااه هاذا صح راه هنا نضت نعيط :ماااااااماااااا سراااااق سرااااااق قالي :عيطي حتى تكرهي واحد ما راهو هنا .....قتلو: وين راحو واش راك دير نتا هنااااااا ................. زعما سامي علاش و كيفاش دخل لعند اسماء؟؟؟ وواش راح يدير؟؟؟؟
انتهى البارت 6 و هاذا اطول بارت على جالكم يا عدرات تاوعي
الى الملتقى انشالله في البارت7
فوت+كومونت لوف يو
بااااي
أنت تقرأ
عشقت مغرورا - باللهجة الجزائرية -
Romantikشخصيات مختلفة تدور بينهم قصة مليئة بلانتقام و الخيانة و لكن اخيرا ينتصر شيئا اسمه الحب تابعو هذه الرواية لمعرفة احداثها المشوقة التي تدور بين اسماء و سامي نوع القصة رومانسي كوميدي
