اقول ليهو خلاص انادي الدكتور يتصرف معاك حتى يقوم يقعد زي الخلق ويحكحك عيونو ويركز😂😂منظرو يجنن وهو نعسان ومبشتن كدا طبعا نسيت اوصفو ليكم خالد لونو قمحي مايل للحنطي فاتح يعني عندو دقن خفيف وطويل لبيس بس مهمل وجنو ضحك وهظار لو م انا م بجي الجامعه😂😂وضعوا المادي كويس عمرو ٢٤ سنه حياتو ما بين دبي والسودان وجمد سنتين قبل كدا وخلصنا المحاضره وبس خالد التقول كان مثبتنو بي عكاكيز رب جا واقع 😂😂وطلعنا صلينا الضهر قال لي يلا تشرحي لي ساعتين كمان وتمشي البيت قلتا ليهو سبحان من غير الاحوال اسي دا م الكان نايم في المحاضره 😂😂كوولهم ضحكو اسراء قالت لينا بقعد معاكم انا كمان م فاهمه خالد قال ليها لو عايزه تموتي اقعدي😊قالت لي بري خلاص انا ماشه انا قلتا ليهو خااااااالد😒خلي البت ورانا امتحانات المهم كلهم قعدو حتى تبو ولو جا ولد يقعد خالد بخارجو ونادر م يجي ولد يقعد معاي وخالد قاعد 😂قاطع على الجكس في الجامعه المهم خلصنا الساعه عملت ٥م قلتا ليهم انا بمش خالد قال لي بوصلك قلتا ليهو لا انت امش ارتاح عشان تقرأ ورضا في النهايه ركبتا المواصلات ورجعتا وجيت داخله البيت لقيت امي طالعه من بيت شذي وشايله ماجد ضحكتا ومشيت عليهم كنتا عاديه م حسيت بالاحساس الاول مره حسيت بيهو لامن شفتها☺😂وسلمتا عليهم وشلتا ماجد وهظرت معاهو طلعتا ليهو حلاوه مصاصه كانت معاي اديتا ليهو ودخلنا انا وامي وندى لسه م جات غيرتا ملابسي والمطبخ طبعا المفترسه وصلت امي قالت لي ارجي اختك قلتا ليها لاااع اكلتا ودخلتا غرفتي نمتا قمتا الساعه ٨م صليت العشاء وي القرايه جاك زول قريت لامن الله غفر لي قلتا اخد رست نص ساعه كدا مسكتا التلفون كان صامت لقيت كم مكالمه من خالد رجعتا ليهو قال لي وين قلتا ليهو التلفون كان صامت قال لي تمام دردشنا انا والبنات في الواتس وبعدها رجعتا تاني قريت لي الساعه ٢ بالليل قلتا كدا كفايه ونمتا كويس الحمدلله قمتا الصباح شربتا الشاي وطلعتا وانا طالعه كدا كنتا ماسكه قطعة كيكه في يدي واكل من غير مقدمات😁😂وفتحتا باب الشارع وانا باكل بس اشوف ليك نادر تقول كان مستنيني قال لي صباح الخير ☺ طبعا انا الاكل في خشمي خلصتا اللقمه قلتا ليهو صباح النور 😊قال لي لو ماشه الزلط اقدمك قلتا ليهو شكرا بس حابه اتمشى طلع وخلاني وكأنو شال قلبي معاهو،😔قلتا لي روحي براكي رفضتي يلا امشي ومشيت شويه لقيتو واقف مع زول كدا وتاني قال لي اركبي 😮المشوار بعيد اتوكلتا ركبتا وعيني م رفعتا قال لي اليوم داك مالكم😑م كنتو على بعضكم خير ان شاء الله فيكم شئ قلتا ليهو لالا بس مشكلة صغيره واتحلت قال لي تمام بس تاني لامن تمرو بالجيران سلموو😂😂قلتا ليهو أن شاء الله مع ابتسامه فرح كدا حسيت انو في زول دقا باب قلبي وخايفه اقول ليهو اتفضل يخش يخربو ويطلع (وهناك قلب اخر اطمنا نعم هو قلب نادر يقول ل قلبه اهدء فإنها ليست تناسبك انت متزوج وتكبرها سننا لاتخوض هذه المعركه يا قلبي ارجوك ..ويقول في نفسي ما لي لا افرح اذا تتيمت بها لن اتركها وستكون خفقات قلبي لها ولكن اخاف أن اجرحها واجرح تلك التى تحترمي شذي يااالله ماذا فعل آباؤنا بنا ويسكت ) ونوصل الزلط انزل واستأذن منو قلتا ليهو شكرا قال لي العفو ولو ركبتا المواصلات وانا في بالي بس نادر مرات اشاكل روحي حرام افكر فيهو هو عندو عائلة واقول لي قلبي اوعك توقعنا في مشاكل 😭. وهناك في مكان تاني قدر شنو رقيقه وناعمه وزوق وادب يااا الله صبرني ويستغفر نادر ربو ويقول اللهم الخير بس 😪وانا اصل الجامعه وادخل المحاضرات واشرح لي خالد في بريك والتاني لامن خلصنا وكلنا رجعنا البيت كالعاده باكل وبنوم نمتا قمتا الساعه ٧ ودخلتا قعدتا اقرأ ويجي خيالو في بالي واتوتر وارجع واقول عيب واستغفر واواصل الساعه عملت ١١بالليل لقيتهم كلهم نامو وندى في غرفتا بتقرا طلعتا عشان اقفل الباب بالمفتاح بس قلبي دا كأنو عايز يجري مني ويمش للزول البرا 😫م قدرتا وم عرفتا اعمل شنو وبس من غير وعي مشيت وفتحتا الباب 😥 بس شفتو طوالي هو رفع راسو قال لي عايزه حاجه قلتا ليهو لالا وم استنيتو يرد قفلتا الباب وانا قلبي دا بقا دلوكه بس 😭ياخ حاسه ح يطلع من محلو قفلتا الباب وبقيت ماشه والله خطواتي م حاسه بيها دخلتا غرفتي ورجعتا اقرا خالد رسل لي مسج قال لي الحفاره م ظاهره قلتا ليهو كنتا بقرا وأنت قال لي امممممم 😌 قلتا ليهو طيب قوم اقرا وانا بالي هناك في الزول الفي الباب البحب الهدوء في الوقت دا وبحب الاسترخاء وقفلتا الشبكه وقعدتا اقرأ الساعه عملت وحده ونص قلتا اطلع السطوح اشم هو وبيني وبين نفسي عارفه اني طالعه عشان اشوف نادر دخل ولا لا طلعتا شفتو قااعد😴سرحتا فيهو وشغاله لي روحي ي بت ي رنا مالك الراجل م قدرك ومستحيل يكون عندو ذرة احساس من العندك يلا طيري اتخمدي وبس نادر يقوم ويشيل
يتبع....
