بس بيني وبين نفسي بقول يا ريت لو كنتا شفتو 😔 وهو طلع قال لي شذى بتصبحي على منو قالت ليهو على رنا بت نفحات وطلعو ركبو العربيه ومشو انا دخلتا اديت امي الزلابيه اخواني طلعوا ندى وفارس قعدنا انا وامي برانا امي قالت لي الخزان دا ليهو كم يوم م بملا كويس قالت أنا طالعه ماشه ام درمان لي ناس حبوبتك ولو جيت راجعه بدري بسأل لي سباك يجي يشوفو مالو وامي طلعت خلتني برأي في البيت وانا فطرتا وقاعده في التلفزيون بعد الفطور كدا مرقتا اقفل المويه كانت فاتحه في الشجر ودخلتا الخرطوش وبس جيت داخله اشوف نادر دا وقف العربيه دي لامن الغبار دا اتطاير ونازل وعرقان وماسك بطنو وانا دي تلقائيا لقيت روحي بناديهو ي نادر نادر 😭بس م سمعني وطوالي دخل انا م قدرتا اتحمل جري شلتا لي توب ومشيت على بيتو لقيتو فاتح التلاجه وبيفتش في حبوب ويرجف انا من شفتو 😔 جريت عليهو ومسكتو قعدتو في الكنبه قال لي الحبوب الحبوب في التلاجه ناوليني ليها ويالله بتكلم قلتا ليهو حبوب شنو قال لي معده معده سريع وجسمو دا عرق عرق م عادي وانا جري على التلاجه جبتا الحبوب وجبتا مويه اديتو ليهم وبلعهم وبس اتكل على الكنبه قال لي رنا خليك خليك جنبي😢قلتا ليهو طيب قعدتا شويه حسيتو غمض عيونو وكان ماسك يدي بي كل قوتو وانا قاعده ليهو في الارض فجأه لقيت روحي ببكي والله من غير مقدمات 😭😭وبقيت سرحانه فيهو تاني استغفرتا ربي قلتا اعمل ليهو حرجل فكيت يدي براحه ومشيت ختيت الحرجل في النار دخلتا الحمام لقيت بشكير نضيف جبتو وبليتو بي مويه وبقيت امسح ليهو العرق فجأه صحا قال لي رنا طوالي بكيت قالتا ليهو نادر 😭 انت كويس قال لي كويس قلتا ليهو دقيقه اجيب ليك الحرجل في النار ومشيت جبتو وجيت وكان لابس تيشيرت قال لي دقيقه اقوم اغير ملابسي وعايز يقوم م قدر قلتا ليهو وصف لي وين ملابسك اجيب ليك ومشيت جبتا التيشيرت وجيت قال لي ممكن تساعديني😭قلتا ليهو طيب بقيت اقلع ليهو في التيشيرت وانا مقبله كدا وهو بعاين لي وشعري كان اتفكا عندي خصل نزلو بي قدام هو براحه شال الخصل ورجعا لي وراء اضاني 😖وانا اتكهربتا في مكاني هو بقا يعاين لي وانا اديتو البشكير المبلل قلتا ليهو امسح جسمك وصدرك ومسك يدي وفيها البشكير وبقا يمسح وكل شويه يقرب اكتر 😭😭 وبقيت حاسه بأنفاسو واقعه علي وانا خلاص جاني هبوط وااااي انا قلتا ليهو كفايه يلا البس مسك التيشيرت ولبسو اديتو كبايه الحرجل وقلت ليهو انت ارتاح بعد كدا انا بمش قلت ليهو جيب تلفونك سجلتا رقمي قلتا ليهو قعدتنا م صاح لو احتجتا اي حاجه اتصل بس علي انا قاعده في البيت وطلعتا مشيت خليتو بعاين لي وبس وانا ماشه دموعي دي حلفت لو تقيف قلتا لي روحي ي رنا😭😭النبي فيكي م يكون حبيتي هو م بحبك اوعك تقعي لامن وصلتا البيت ودخلتا غرفتي بكيت بكل طاقتي وم مصدقه اني خلال فترة اقل من شهرين زول متزوج احبو ويقلبني ويوترني للدرجه دي ونمتا في مكاني داك ونادر بي هناك استسلمتا يعني ي نادر وحبيتا 😢نادر 😭 خليها حاول انسااها بس يرجع ويقول لي نفسو م بقدر الا اشوفا يومي اوووووف من دا عذاب وينوم على كدا 😢😞انا نايمه كدايجي فارس قبل العصر صحاني ومشيت صليت الضهر وجا يجرجر فيني 😡 الساعه الضربتو بي الكمشه لمن عرف الله واحد قال لي متوحشه😡 وبعد العصر جات ندى امي جات قبل المغرب بي شويه صلينا المغرب واتغدينا امي قالت لي م لقيت سباك والله الا أسأل شذى دي بكرا قلت ليها تمام وكنتا ساكته م اتكلمتا كتير قمتا دخلتا غرفتي جاتني ندى قالت لي مالك فيك شئ 😔 قلتا ليها لالا كويسه م اقتنعت بس طلعت شويه كدا اتصل على خالد أفكاري كلها جاطت قلبي مع نادر بس انا اسي بتكلم مع خالد الميت فيني قال لي وينك م ظاهره 😢قال لي تعالو نطلع اشتقتا ليكم قلتا ليهو طيب أن شاء الله وقعد ونسني كداا قال لي أنا بعد كدا اقفل طوالي اتزكرتا انو لو قفل ح افكر في نادر 😭😭 قلتا ليهو خليك شويه قال لي جد قلتا ليهو اي 😢وقعد ينوسني لامن رحتا في سابع نومه قمنا الصباح وكلهم طلو بعد اتجهزو امي قالت لي انا ماشه أسأل شذى من سباك وطلعت وصلت بيت شذى لقتهم كلهم قاعدين قالت لي نادر عايزه لي سباك الخزان دا كأنو المويه م بترفع كويس قال ليها م بتكون مشكلتو كبيره بعدين بشوفو ليكم قالت ليهو تسلم ي ولدي خلاص انا بمش وشذى كانت طالعه الشغل وسايقه معاها ماجد وطلعت وم كلمتهم انها ماشه لي نادين وطلعت الشارع شذى دورت عربيتا ومشت امي قالت احسن اسي امش لي نادين وم كلمتني وانا مفتكراها انها لسه مع شذى بعد رتبتا البيت ونضفتو وفطرتا دخلتا غرفتي واستحميت ولبستا لي قميص حمالات و تحت الركبة بشويه ومسكتا التلفون لامن رحتا في سابع نومه 😴وبس حاسه بي حاجه بتفتش في. شعري وكأنو بتنكشو لي وانا افتكرتو دا فارس شغاله ليهو. اقعد ساي ي حيوان وبس اققوم ليك واشوف الفاره😲?
يتبع.....
