المرة دي بطلنا اسمو نادر😚زول كدا عمرو ٣٢سنه قطعة جاتو بس وقسما بالله فيهو سماحه ولد عشرين سنه م عندو طوييل اسمر مايل للاخضر شعرو سبيبي ناعم وراجل بالجد وخشن وعندو دقن وغمازات يا ساتر ترقد مستشفى وتدخل إنعاش 😌 زول متزوج وعندو ولد حلاتو عمرو سنتين اسمو ماجد وزوجتو اسمها شذى 😣عمرها ٢٧سنه اتزوجو بس م عن حب زواج تقليدي شديد لا بحب زوجتو ولا بكرها رغم انو اتجبرو على بعض وبس عشان هم اولاد اصول وعلى حسب تربايتهم وشايفين أنهم الاتنين اتجبرو على الزواج دا ماف واحد مقصر في حق التاني شذى بتدي نادر كل حقوقو وهو كمان بيديها كل حقوقا عشان كدا جابو البيبي ماجد دا 😪نادر مع زوجتو ساكنين العمارات في بيت راقي وبسيط شذى شغاله محاسبه في شركه بسيطه وحلوه ونادر شغال في شركة النيل للبترول يعني وضعهم فل والحمدلله ...وفي يوم نادر طالع على الشغل يشوف بت طالعه من الجيران واول مره يشوفا في الحي دا ودي ياهي زاتا انا عسسل عارفين العسل بس ياها رنا محمد عبد الجبار من مدني زوله طويله بس م شديد قوامي خرافي ونهائي م سمينه لونا حنطي مايل للدهبي كدا واااي😫 عيوني حلوة وملامح تخجل وتتدوخ بدرس في جامعه ....عمري٢١سنه في المستوى التالت . بدرس مختبرات ناس حلووين ياخ😌
نرجع ..نادرنادر شافني بس اصلو عمل م منتبهة م بنزل من قيمتو نهائي😪وانا برضو م كنتا مركزه وركب عربيتو واتحرك وانا ماشه في الطريق لانو الزلط بعيد شويه من البيت وماف زول فيكي ي العمارات ومره بي م قال ليها اركبي 😁😁بس انا اعجبكم بت اصوول لمن غلط واللف والدوران في طريق وانا في طريق وصلتا الزلط وركبت المواصلات ماشه على الجامعه طبعا انا عندي اخواني خضر ٣٠سنه متزوج عندو ولدو منير ودا في قطر بجي زيارات بس وفارس ١٨سنه ممتحن تالت زول كيوت ومكمل الظرافه بس ابعد عنو سيرة الدراسه يحبك حب 😂😂 نادين ٢٤ ودي متزوجه وساكنه جبنا هي القالت لينا تعالو هنا ندي٢٢ سنجل سنه رابعه طب وحلوه بس همها دراستها امنا اسمها نفحات زولة ماليه مركزا واولادا عندها خط احمر وابونا زول مدير شركه في مدني واحنا عشا الجامعات والدراسه مستقرين في الخرطوم كنا في ام در بس رحلنا العمارات لينا اسبوع .. وصلتا الجامعه واول من شفتا خالد مكسسسر فيني لامن مدشدش والاولاد الصراحه كلهم مكسرين بس خالد دا لمن عواره بجيني قدام الخلق ويقول لي احيييي انا مكسراني ي ناس😂وبنضحك عادي بس انا بتعتبرو اخوي واقول ليهو قفل خشمك دا والله اتصل لي خضر 😂😂هرشه كيف هم شافو خضر مره وصلني الجامعه لامن كان في السودان
عندي صحباتي رشا واسراء وتبو والاولاد زماله وسلام بس م اكتر ..ودخلنا المحاضرات وخالد عينو م بشيلا مني وفي اللاب بس الا يشتغل معاي هو بحبني والله بس انا لا وعشان م عايز يخسرني ساكت وم عايز يفتح معاي موضوع حب وكلام زي دا عارفني بفنشو..😂😂اللهم بهظر وخلاص،عدا اليوم ولامن خلصو خالد قال ليهم عازمكم ارح انا قلت ليهم انا م بقدر امشي بتأخر وم كلمتا امي انتو امشو وفعلا هم طلعوا مشو وانا ركبت المواصلات رجعتا البيت طبعا م كلمتكم جني اكل ممكن اكل زول لو جعتا من جيت جدعتا الشنطه ويا المطبخ جاك زول م خليت شئ م لهطو وامي شغاله لي ي بت بتخنقي براحه 😂😂لالا ي امي جيعانه اسكتي اسي امي غايتو انت الله يديني خيرك ومشيت ونمتا بي ملابسي انا بت دلوعه ناعمه وعندي كل حركات الطفوله والبراءه في وشي ظاهره الناس بقولوا كدا نمتا بس اسمع اضاني زنننن اقوم القى ليك فارس ضربني بالمخد😁ي حيوان ي رمه الليله اصبر لي 😥والله انا ي امي بهرب من البيت دا ولدك دا مطلع صليبي شكيتك لي الله ي طويل ي عوير خليقه معولق😒ورجعت غيرتا ملابسي وصليت العشاء وقمتا على القرايه قريت لي الساعه ١١ ومشيت اقفل باب الشارع عشان كان فاتح بس اشوف زول قاعد في كرسي وكان مسترخي سرحت لاول مره بي طريقه غريبه في الزول دا رغم انو نور الشارع بس الكان عاكس فيهو وهو مدخل سماعاتو ومغمض عيونو م لاحظ لي انا قفلت الباب براحه ودخلت🚶مشيت لي اختي ندى لقيتا لسه بتقرا قلتا ليها كفاك نومي بعد كدا ي اينشتاين🙎ومشيت على غرفتي ونمتا قمتا الصباح ولبست اسكيرت رصاصي وتيشيرت ابيض وطرحه كحلي واسبورت ابيض وطلعتا و ماسكه تلفوني لاحظتا لي ود صغير في باب الزول الامس الكان مسترخي اي ياهو باب نادر وبقيت اشاغل في الشافع🙋 واجدع ليهو في البوسات😘😘 وهو يعاين لي ويضحك😂 لو م بخاف الله كان سقتو ودتيتو بيتنا عجبني شديد بس شويه وتجي ام الولد شذى وتشوفني وتقول لي سلام عليكم 😫انا وعليكم السلام شذى انتو جداد في الحي انا اي لينا اسبوع شذي لالا تمام والله ان شاء الله المكان يعجبكم ويطلع بعدها ناادر😌ااااخ منو زول شياكه كيف سلمتا من بعيد واتحركتا على طريقي وشذى وولدا دخللو البيت ونادر يركب العربيه ويتحرك ويمر بي ..
يتبع.....
