استاذي وحبيبي ذات يوم ل اماسي الليل

الجزءالرابع

#استاذي_وحبيبي_ذات_يوم
بقلم اماسي الليل
الناشربارق العراقي
الجزءالرابع
وشكلي راح اتعب هوايه ومراح قلبي يسكت ويبطل الا اذا عرفت عدها شخص تحبه حتى أيأس وبعد انساها// دا اطلع من الكافتريا وصلت للباب التفتت ردت اشوفها راح تندار تشوفني من طلعت /شفتها ابتسمتلي لان اصطاديتها ابتسمتلها ونزلت حسيت ورا هالنظره والابتسامه اكو أمل
ورا ساعتين دخلتلهم محاضره اول ما دخلت صارت عيني على مكانها شفتها ماكو اتوقعت مداخله بس من وكفت كدام الطلاب شفتها كاعده بالاخير مبتسمه/ ابتسمت لان افتهمت أتقصدت تغير مكانها حتى تشوفني من ادخل راح اباوع على مكانها سوت بيه مثل الي سويته من دا اطلع من الكافتيريا
هنادي : حاولت اشغل نفسي بالكتابة وأركز بالشرح خلال المحاضره لحد ما اتعلَّم افصل بين مشاعري تجاه عمر وبين وجوده كأستاذ بالقاعه
خلصت المحاضره وطلع عمر طبعا اغلب البنات ينظروله بأعجاب ومن يطلعون من محاضرته اسمع إعجابهم على شكله وشخصيته ومرات يتشاقون وحده تگول اوف قلبي لو يأخذنا بكل المحاضرات اطلع الاولى
اني وسرى نبقى نضحك على التعليقات
سرى :هنادي شنو رأيج بأستاذ عمر باعتبارج معقده من يم الشباب
هنادي : اذا تقصدين الشكل فهو حلو والشخصيته هم حلوه بس اكيد عنده عيوب ميظهرها
سرى :هاهيه بنات ماطول هنادي مدحته راح انسمي عمر جنتل
هنادي :ومن يومها البنات صاروا يسمو الجنتل من يحجون كدام الولد يستخدمون اللقب حتى ميفتهمون عبالهم مطرب ممثل
اما عمر فحيرني صرت يوميه اشوفه الصبح من انزل من الخط واغلب المرات يمشي ويايه الى ان اصعد للكافيتيريا وهو يروح للقسم ويرجع يصعد للكافتيريا يكعد بميز گبالي بس مرات يجي يوگف يتحجج بسوالف ويسألني عن طلاب أو مواد وبيوم طلب مني المحاضرات القديمه مال ست الاء
ثاني يوم جبتها ومن نزلت الصبح صار بوجهي كأنه كان دينتظر بسيارته ومن شافني وصلت نزل المهم رحت عليه
صباح الخير
عمر صباح النور
أستاذ هاي المحاضرات
عمر:ممكن تبقيها يمج ووقت الريست تجيبيلياها للغرفة اخاف أضيعها /طبعا جانت حجه بس اريد احجي براحتي وياها بمكان بعيد عن عين احد لذلك طلبت تجي لغرفتي لان صار فتره أراقب تصرفاتها وسألت عليها أشخاص بالكليه مدحولي بيها وتأكدت ما عدها علاقه بشاب داخل الكليه وحتى سمعت من شخص يسموها مغروره أو معقده لان علاقتها بالطلاب مجرد سلام وعلى گد الدراسه متتجمع بكروبات وطول وقتها بالكليه ويا سرى صديقتها المقربه وبنيه ثانيه هند خلال هالفتره رجعت احبها مثل الاول بحيث صرت اطلع من البيت من وكت أوصل للكليه حتى اشوفها ونمشي سوا لحد هسه مكدرت أأثر عليها وأكسب مشاعرها من جديد دتعاملني بحدود تعاملني كأستاذ بالجديد متعرفه عليه ولا كأن اكو بينا ماضي
هنادي :بعد المحاضره رحت على غرفة عمر دگيتها ماكو احد دا ارجع سمعته صاح هنادي التفتت عليه بقيت واگفه صار گبالي بيده كوب فتح الغرفه ودخل دخلت ورا سد الباب
اني ارتبكت من ورا نظراته وابتسامته دا احس اكو شي گتله هاي المحاضرات رحت خليتها على الميز وگتله من تخلصها اجي اخذها اترخص سرى تنتظرني وگف بيني وبين الباب باوعتله گلي هالمره وحدنا وماكو احد يشوفنا من الطلاب لذلك راح نحجي وانسي استاذ عمر اني حاليا عمر لزم ايدي كعدني على الكرسي وگعد گبالي خله الكوب على المكتب وگلي أي هنادي من وين نبدي من اخر يوم لو نرجع شويه قبله

هنادي :عمر انت ليش تريد تفتح موضوع صارله سنين بين مراهقين المفروض نسينا
عمر :اني مجنت مراهق عمري ١٩ بذاك الوقت وما نسيت شي ولا انت نسيتي والدليل الي ديصير واسلوبج بالتعامل ويايه
هنادي :عمر انت حاليا بس استاذي اما عمر سابقا نسيته ممكن نطوي الصفحه ونصير اصدقاء
عمر : اوكي مراح اناقشج خلينا اصدقاء ونشوف وين نوصل
هنادي :وگفت الصداقه ممكن تتحول للحب بس بحالتنا تبقى صداقه لان مرحلة الحب انتهت عدنا
عمر :وگفت گبالها انتي غلطانه والدليل اني بعدني احبج واعرف انت ما نسيتيني من اول يوم دخلت عليكم للقاعه
بس راح اصبر عليج الى ان تنسين ذاك اليوم وترجعيلي
هنادي :مكدرت احجي بس استمع لان كلامه كله صح وعيوني مفضوحه بعدها جاوبته :تدري انت الشخص الوحيد الي مد ايده عليه وضربني وهاي وگفتنا خلتني اتذكر/ عمر اني بسببك وبسبب كلامك كرهت كل الولد وكرهت شي اسمه حب الله يخليك عوفني لتخليني أكرهك خلينا اصدقاء احسن وأنسى الماضي تركته وطلعت وراها بقيت ايام اتجنبه حتى الخط أخرت وقته وادخل للمحاضره واطلع بدون ما اباوع عليه
صرت ما أتواجد بالمكانات الي اوگف أو اكعد بيها بالعاده اندلينا اني وسرى مكان ورا القسم بي أشجار الطلاب ميوصلوله لان هو ممر گصيف بنص حديقه بيها مقاعد حجر سرى طبعا مقبلت على التغيير الا رادت تعرف السبب وكعدت حجيتلها القصه كامله بقت صافنه بوجهي
سرى :يعني الجنتل هو عمر حبيب القلب
هنادي :اي سابقا
سرى: هنادي انت كذابه بعدج تحبي والدليل دتنهزمين منه ومحاولتي تحبين احد بعده
هنادي :سرى لتخليني أندم حجيت وياج
سرى :لج بابا أنسي جنتي زعطوطه وهو لو مو يحبج جان ما گلج امشي اوصلج للشارع ورا ما ضربج وسمعج كل الرزايل لو صح لعب عليج چان تركج يم الهيكل وراح
ثانيا تگولين بقى يتصل يسمع صوتي وانتي نهيتي الموضوع/
والله يا جنتل طلعت واكع بالحب واني الي راسمه عليك هههه لا كذب اشاقه
هنادي :لج صدك اني هسه ضيعت نفسي من حجيتلج يا فطيره بقت سرى تنكت وتنصب عليه وعلى عمر واني اضحك و صارت كل مندخل محاضره من يدخل عمر تندار تبتسملي المخبله طبعا مره مرتين عمر حس وبعدين عرفت هو يعرف سرى تدري بموضوعنا
يتبع