حلم بقلم ام زهراء

الجزءالحادي عشر

حۣۗـۙلَمۣۗـۙ
آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء
آلَجۣۗـۙزۣءآلَحۣۗـۙآدُيۣۗہ عۣۗـۙشۣۗـۙر
آلَنۣۗـۙآشۣۗـۙربۣۗـۙآرقۣۗـۙ آلَعۣۗـۙرآقۣۗـۙيۣۗہ
رجعت للبيت.... ونحلت المشكله وره يومين...... بس بعد معاناة.... لان ماكدرت اتحمل فراك مريم عليه
مرت اسبوع

مريم حبيبتي وينج
ها عمري جايه بس خل ارضع حوري وجايتك..
خلصي وتعالي اكو موضوع مهم اريد اكولج بيه
اي اي جايه..
سمعتي سالفه مهمه اجيتي ركض..
خوفتني اكو شئ عمري
اي والله مريم...خبر مو زين كلش
شكوو عمر
اخوي حسن غير طلع خاطب اخت صديقه وكايله زوجتي مايصير عدها جهال
عززه ....صدك عمر.... خطيه بتول تموت ماتتحمل
اي والله لبنيه زينه ماشفنه منها شئ مو زين..
اي عمر .. خطيه شلون تتحمل من تسمع الخبر وشنو هسه منطينه مره لولا
اي انطاه صديقه... ومتفقين وفوكاها يخليها بالغرفه الي فوك
شنو يخليها ويانه تصير مشاكل هي وبتول خلي يخليها بيت وحدها.. ,وبتول تبقئ يمنا هذا بيتها من سنوات وتبقئ معززه مكرمه
ماشفت منها ولا الكه نفسها ونفس طيبتها
حاجيته فهمته ماكوو فايده
حسن مقرر كلش

دخلت بتول علينه للصاله .... منو الي راح يتزوج احجي خويه عمر... راح يتزوج حسن موو
كمت الها اهدي خويه اهدي... خل افهمج
شنو تفهمني ...تفهمني حسن يتزوج عليه لان ماعندي جهال
شنو بيدي ماعندي جهال... اكو شئ وما سويته هذا امر ربي
شنو بيدي علئ نفسي ..... ربك ماقاسم
راحت يمها مريم وتهدي بيه... اجو امي وابوي شكوو شبيكم
عمي حسن رايد يتزوج عليه...بيمن قصرت وياه حته هجي يسوي... صارلي 7سنوات وياكم... شنو شفتي مني
والدي.. لا عمي محشومه.. بس شسوي حسن حاجاني البارحه وحجيت عليه بس ماكوو فايده....
يعني عمي تدري بيه وتعرف وكايلك ليش ماكتلي جان تصرفت....

طلعت ركض للغرفه مالتها.... واتصلت علئ اخوها
وره نص ساعه اجه واخذها.... وحاولنه وياهم كد مانكدر بس ماقبلت ... وراحت وي اخووها وره نص ساعه اجه حسن...وكل احنه ضلينه نحجي عليه
بس مافاد وياه... ومقرر علئ الزواج.... مرت اسبوع...وبتول طلبت الانفصال...
وحسن ملتهي بالتجهيزات ... وعقدنه عليهم شيخ وكطعنه مهر وعقدوو محكمه

رجعت للبيت تعبان... صحت لمريم تجهزلي الغده...
اي اجيت ..جاي اجهز بيه عمر
رحت الها للمطبخ.... شبكتها من ضهرها...
خوفتني شبيك
مشتاقلج كلش ياروحي....كلبي طاك عليج صارلي اسبوع من وره المشاكل حته ماكعدت وياج نفس قبل
مريم مشتاق اشتم عطرج واخليج علئ صدري واعصرج علئ كليبي كل قوتي
ليش هو اني اتحرك بالليل من وراك عاصرني عصر... وخانكني خنك مااكدر اتحرك بسببك احس جهتي اليمنئ ماتت من الخدر
يلا خوش بعد احضنج من اليسرئ ههههه
تضحك عليه مو ... بسيطه بعد انام جووه وانت نام فوك عالسرير وحدك
اموت مااكدر اغفه
ليش ....
مااكدر اغفه بدونج ...ولا اكدر وانتي بعيده عني... اذا مو يمي واحضنج واخنكج خنك ماارتاح
اي ويضيع عليه الهوئ بسببك...
شميته بركبتها حيل وضليت ابوس بيها بخدها. يلا خل اكمل الغدا.... ولحكيني للغرفه 😉
كملت غده... ورحنه للغرفه
... ما مرت لحضه واني مليت منها ولا مليت من حبها
حب مريم بعقلي وكلبي
كلما اصلي احمد ربي علئ مريم واحمده لان جمعنا سوه
والاكثر احبها لان كامت تحبني نفس حبي الها واكثر مني
كل يوم يمر لا كل لحضه تمر وحبها يكثر بكلبي
اموت من افاركها ثانيه..... شوفتها ترد الروح اليه..... اروح للمحل اطلع شغل واجب اضل ماكدر اتنفس
معقوله اكو هجي حب.... هواي اسمع الحب عذاب ومشاكل..... وسمعت الي يتزوجون بعد مرور سنه يروح الحب....وتبدي المشاكل
بس الحمدلله صار 3سنوات وي مريم ....واحلئ من حبنه ماكوو... مااكدر اوصف الحب
لا هو جنون ولا خبال ولا مرض
ولا عضو بالجسم ولا سحر..... حبي الها مثل ايماني وديني....صادق ومابيه اي دغش وكذب ولا ملل
نفس العبد الي يتعلق بربه وبصلاته كلما يكبر ويعقل
اني كلما اكبر حب مريم يكبر وياي.... من اتلاكه وياها احس نفسي اصير شاعر
احس نفسي ملك....سلطان.... امير

ادخل البيت تلاكيني وجهال وراها....انسه كل الموجودين.. اضحك احس نفسي حلكي راح ينشك من ابتسامتي.. ابوسها واحضنها..... بعدين الا انتبه لجهالي وابوسهم
تلاكيني نفس الطفل ..... نفس ما اشتري لجهال حلويات اشتريلها
اكعد وياها.... بس نسولف.... ونتشاقئ ....وهي مامقصره وياي بالدلع والدلال
اكول عموره
كولي كلب عمر
مو كتلك محتاجين.. اغراض للبيت ورانه رمضان
اهوو هم رجعنه لهذا الموضوع...كل سنه هاي الاسطوانه نسمعها احنه
اني اجيب.... اكتبي اليه كلشي تردوه
لا عيني اكو شغلات ابالي هواي اخذني مول غذائي شئ
اي اي خوش
مادام بيها خوش خوش يعني ايسي
مااحب اطلعلين.... اغار عليج من الهوئ
بس مايصير هجي هذا تملك مو حب....جاي اضوج والله حبي
يلا اخذج الايران تتفسحين
شتكولين كلبي
وماكوو غيره هناك لان غربه هههههه
صدك..... اي والله ياريت والجهال ويانه مو
اكيد خل يتونسون ويانه...

رحنه لايران اسبوع واجينه... ورحنه نفس الفندق والاماكن الي رحنه الها اول مره.... وتذكرنه نفس اول مره تزوجنه بيها
ورجعنه صادف رمضان.... ومريم تعبانه من الصيام.... ونضحك عليها اني والاهل..... وبوقت المغرب ....توكع عدنه كلش... ماتتحمل صيام....وتسوي كل الطبخات وماكو شئ ماتطلب اجيبه الها
ومن يجي وقت الافطار ابد ماتاكل.... اقل شئ لبن وتمر.. وكاسه مهلبيه
اخر ايام رمضان ...بعد الاقناع مالتها... رحنه اني وياها والجهال للمول
نشتري ملابس للعيد للجهال.... وكانت طلعه حلوه
بس اعرف ضوجتها هواي.. كنت حته حجايه وي اصحاب المحلات مانع عليها
بس هي كانت فاهمتني وتعشق غيرتي عليها مو يكولون نص الحب غيره... بس انا حبي كله غيره ...... احاول اغير طبعي مااكدر
اشوف هواي نسوان تجي للمحل مالتي وبنات وكلامهن علئ السعر وشقه واعرف شكد هنه بنات ناس ومحترمات
بس ماكدر اتخيل مريم تحجي وتشاقئ وي غيري
وصلت بيه مرحله من تحجي وي بناتنه وتضحك وياهن
مدري شيصير بيه .... اضل اصرخ عليها واكول الها تعالي كعدي هنا
تكلي اخواتك هنا زحمه اعوفهن واكعد يمك بس كنت اجبرها
وصلت المرحله اكثر من الخبال
كان الكل يعرف طبعي وياها... والكل ماقابل بتصرفي ....بس ما اخلي احد يدخل بينه واجاوبهم زوجتي وبكيفي طبعا
وهي ماتناقشني تعرف حبي الها ومقدرته

بليل الساعه.... 1 بليل نيمنه الجهال
وكعدنه وحده علئ السرير..... ضلينه نحجي ونتغزل. اني وياها
لحد 3
مريم تعرفين دائما اذكر شلون عشت ايامي بدونج.... وشنو صار بيه
مريم تخبلت احس نفسي ميت سريريا... كل يوم كنت اذبل اكثر.... عشت مذلول متعوب..
اي حته اني افكر واكول لو باقيه وياك جان ماضيعت كل الايام الي راحت بدون بعض
وجان هسه جهالنه كبار وبالمدرسه ..
اي صحيح.... بس احمده ربي ...هجي كاتب النه
واحنه لو ماتاركين بعض سنتين يمكن ماحنيتي اليه
ولو باقيه يمي جان هسه بعدج حاقده عليه وتكرهيني
بس اكيد شايفه دلالك واهتمامك بيه .... وهم حبيتك
اي والله مريم ...كنت اول مره ابجي بحركه كلب.... مريم عشت طول عمري انا صاحب البيت وانا شايل المسؤليه وكله بيدي
بس ماتوقعت بيوم تذلني مره... وماكنت اتوقع هجي اوكع بالحب ... ولا توقعت ابجي هجي عليج
يعني معقوله اول ماشفتج حبيتج
اعترف كنت اخابر اراسل.... بس ماحبيت ولا دخلت كلبي وحده غيرج
مستحيل اكو حب مثل حبي الج
مريم احبج ....انتي نفسي...... انتي هواي...
ياعمري ربي لايحرمني منك.... هم نفسك ماتوقعت احبك هجي بيوم
ولا توقعت يجمعنه فراش واحد
ولا توقعت تلمسني بيوم
لحد هسخ احزن من اتذكر شسويت بيك وشلون كسرت كلبك وشلون جرحتك
وشلون اتفقت وي سامر يحرق المحل مالتك

فزيت علئ حيلي شنووو
سكتت
صرخت ...شنو احجي شنو حركتو محلي .... احجي
احجي مريم

للحكايه بقيه