حلم بقلم ام زهراء

الجزءالثالث عشر

حۣۗـۙلَمۣۗـۙ
آلَكۣۗـۙآتۣۗـۙبۣۗـۙهۣۗہ_آمۣۗـۙ_زۣهۣۗہرآء
آلَجۣۗـۙزۣءآلَثۣۗـۙآلَثۣۗـۙ_عۣۗـۙشۣۗـۙر
آلَنۣۗـۙآشۣۗـۙربۣۗـۙآرقۣۗـۙ_آلَعۣۗـۙرآقۣۗـۙيۣۗہ
تعال لهون شبيك عمر ....شنو خايف لو عمرك ماشايف هجي وحده حلوه وتدلعك
اي والله تعال ابو علي وانسه الي خلاك تطلع من بيتك وزعلان...... وانسه الي،ضوجك
اباوع الهم كل واحد مخلي وحده جووه ايده....والدلع و..... ومخلي بطل كدامه
شبيكم انتم اصحوو .... شنو هالحاله الي انتم بيها
استغفر الله
عمي خل اطلع ادورلي فندق صخام ولا ابقه يمكم تبقون بسوالفكم التعبانه
تشتغلون وغربه وذابين فلوسكم وتعبكم عالشرب والبنات

اندفر الباب.....  كلها فزت وتمشي صفح
اجه واحد يركض .... شرطه.... شرطه
كلها ضلت تركض... وصارت مداهمه.... والبنات تتصارخ
اني كنت واكف لان ما اليه علاقه.... بشئ
مسكو البنات وصارت هوسه.... اخذوو جماعتي
واجو اتجاهي.... سحبو ايدي... اني مالي علاقه لا تاخذوني.....
لعد المن جاي تصلي.... هنا لو شنوو
لا اجيت لصديقي من بغداد.... ولكيت هجي
اي حبيبي تدلل عود احضر ويانه للقسم وهناك احجي وكول جاي لصديقي من بغداد
عمار عمار احجي كول اني ما الي علاقه
جرونه وصعدونه بالسيارات
ومكلبجينه
وصلنه للقسم...  واكثر من 10 شقق مسوين عليهن مداهمات
البنات يبجون.....
والله اني ما اليه علاقه فدووه عمو الضابط طلعني
اي ما الج علاقه... شنو مضيعه لو جايه تتفسحين
لا عموو والله ... جابتني صديقتي لهنا
اريد اباوع ماكدر من الازدحام
شفتها بنيه زغيره.... يجي عمرها 17 تبجي وتحجي وي الشرطه
كانت حلووه كلش..وناعمه وبيضه.. دخلونه وجبات للغرفه مالت النقيب
ويستجوبونه ....  ونصهم اخذوهم للسجن..  اجه دوري والبنت ورايه تبجي
اباوع الها... بيها انكسار...  وبرائه .....باوعتلي ودنكت
دخلونه للضابط
وانتي شنو قصتج......
والله عمو صديقتي جابتني لهنا... 
صديقتج منوو
هياتها الي واكفه هنا
لا موو اني حضرة لضابط هيه تحب واحد وشردت وياه.. ومن عافها اجت يمي وجبتها لهنا
وانتي شنوو شغلج تبعين بنات العالم ماسلمتيها للشرطه للامن....
شرطي اخذها وعلمها.... من يمك.....وشوفلي شكم بيت تعرفه
عمو فدوه لاتسجني والله ما اليه ذنب رادو يزوجوني اهلي لابن عمي
والولد الي حبيته ضحك عليه وطلب انهزم وياه...وهو الي باعني....عليهم
وانتي زغيره ضحك عليج...جان خجلتي من شيبات ابوج
جان فكرتي باهلج وسمعتهم وعرضهم
دنكت وضلت تبجي بصوت عالي وراحت..تبوس ايد الضابط.....
كال الها الضابط
اهلج وين انتي
نجف....
الله واكبر ونجف بعد ... يعني بنت عرب وعشاير وناس اجاويد
انطيني رقم اهلج....  اي احد ... خل نحل مشكلتج
لا الله يخليك لاا والله يكتلوني..... الله يخليك خليني بالسجن ولا تخابر اهلي
اجه الشرطي واخذها
وانت تعال شنوو قصتك انت....  احجي
انا من بغداد اجيت لجماعتي... وشفتهم من اجو اصدقائهم وردت اطلع وصارت مداهمه
هاي القصه والاسطوانه دوم نسمعها
ومالين منها.... احجي،شئ جديد
لا سيدي اقسم بالله صحيح .. واسال عمار ورياض
جيبوهم عمار ورياض...
دخلوو
منوو هذا الولد...
عمار....  سيدي ما اله علاقه اجانه من بغداد بالليل ب12وصل النه
وانت رياض شتكول
نعم سيدي.. صحيح
شرطي....طلع اسمه بالحاسبه وشوف شنو عنده سوابق ماضي،شئ
دك الحاسبه...  لا سيدي ماعنده شئ ومن بغداد صحيح كلامه..
استجوب البقيه.... وقعت انا ....وبصمت علئ تعهد ..... وطلعت.... ضل بالي وي البنيه.... رجعت عالشرطي... بلا زحمه شنو مصير هاي لبنيه
ماعرف....  تقربلك هيه
لا والله ماتقربلي بس كسرت خاطري.....  صار الصبح واحنه بس بالمركز وتحقيق وبصم وتوقيع ...  بقيت انتظر يم المركز
اجو زلم معكلين...   وره ساعات.... وشفتهم طلعوو وي لبنيه وواحد يسحب بيها كل قوته وهي تصرخ ....
اليوم ادفنج وانتي عايشه نزلتي روسنه وروس اخواتج ....واهلنه
رحت يمهم...
حجي من رخصتك
تفضل يبني.....
حجي البنيه بريئه ....وزغيره وما واعيه لاتغلط غلط يغضب رب العالمين....
انتي اخووها لاا
اقاربنه
لاااا
انت ااي خطفتها
هم لاا....
خوش بويع وخر من طريقنه ولا تتدخل
بس حجي هاي روح.... الله يخليك... لا تفرط دمها....خل تكولك منو الي،ضحك عليها وحاسبوه
اي اخذنه رقمه..... وراح يطلعونه من الشركه
حجي.... مستعد انا اخذه..... بس لا تسوي شئ خطأ.....خطيه ربنه مايرضاها
باوع بيه.....كالي......ابني روح بطريقك احنه ناس،شيوخ و ومعروفين... وهاي نزلت روسنه ومااحاسبها
تريد اسامحها علئ غلطها
اذا انطيها الك ...بعد كل البنات تغلط وتنزل روسنه....ونطيها وتزوج وتعيش حياتها
ضلت تصرخ لبنيه بعلوو صوتها... اجو الشرطه.... واخذوها من اهلها.... ودخلت وياهم...  وكتبوو تعهد لاهلها ماتنكتل وكل سنه تجي للمركز....حته يتاكدو هيه عايشه ومانقتلت ..
طلع ابوها فاير دم.... واخوها يصرخ عليها....  والي يضرب بيها...
اجيت كدامهم انا اخذها.... بس لا تكتلونها.... هسه نروح للمحكمه واعقد عليها...  ومستعد اعيشها اميره
صفنوو عليه....اجاني اخوها يمكن ..ودفرني من صدري...  ارجع منين مااجيت
عوفه.... عوفه حمد
اجه يمي الحجي..... بس منو يكول ماتبيعها نفس ذاك وشنو مصلحتك بيها
حجي اشوف بعيونها طفوله وبرائه وماكو الي مايخطا وهي زغيره ونضحك عليها
وانا ادور ثواب .. ولا تشوفني غير نضره الحمدلله معروف وابن ناس اجاويد
ومزوج وعندي جهال....
اخذها بس كدامنه تعقد عليها....
اي حجي اخذها....واخذ عنواني وحته كلشي عني
بويه شنوو ياخذها والله اكتلها حته لو انعدم بسببها
اسكت حمد.....صرخ عليه
رحنه للمحكمه وعقدنه .... وانطوها اليه....  وصعدوو سياراتهم وراحوو
وضلت تبجي وراهم بعلوو صوتها.... ووكعت بالكاع
شلتها واخذت تكسي....للمستشفئ ... اسمها درر عرفتها من خلال العقد...
طلع عدها هبوط قوي بالسكر.... انطوها مغذي وعلاج
وتحسنت.... وطلعنه من المستشفئ حرت وين اروح
هي سكته بس عيونها تصب...
اجرنه تكسي... وكتله اخذني فندق هنا.... باوعتلي وين ماخذني انت
شبيج نروح الليله فندق علما اشوف باجر شنسوي
وصلنه فندق..... واخذنه غرفه كانت جبيره ومرتبه حلوه
ااخذت مخده وشرشف ونمت جوه...وهي نامت عالسرير.....اشوف ملابسها.  عاديه ونصها تراب
فكرت باجر اشتري ... الها ملابس وشغلات الها

خليت راسي عالمخده افكر ....شكول لمريم من تسمع ....شكول لاهلي هاي تسودن مريم اذا عرفت
شلون ادخل بيها عليهم.....  الف فكره تجي ابالي......  ماعرف شنو افكر وكف عقلي
غفيت ماكعدت الا الصبح....لكيتها ب10 كعدت... لكيتها تبجي ...ومكرفصه نفسها ... شبيج ..
زاد البجي مالتها.......كمت علئ حيلي
شوفي يبنت الناس انتي امانه عندي.... والله ما ااذيج بيوم واخليج فوك راسي..
وزواجنه بس علئ الورق
وتعيشين معززه مكرمه... وانا مزوج وماتعرفين قصتي شلون احب مرتي .... وعندي جهال منها..... ومن مسكوني الشرطه اني لا بيهت ولا عليها ... بس رحت لان عبالي اوادم واكعد يمهم وارتاح
هسه خل نطلب ريوك.... واخذج للسوك ...واشتريلج ملابس
باوعت علئ ملابسها....  ودنكت
اي كلها تراب.....
تريكنه.....وطلعنه كراج..... صعدنه بغداد...  صار المغرب الا وصلنه..... اخذت تكسي للبيت.....درر وياي..  اريد ادخل للبيت ماكدر شكول الهم مااعرف
دخلت ....تعالي ادخلي شبيج
البيت فارغ...... دخلت للصاله.....اسمع طفل يبجي..... مريم ....يمه...
لاكتني منئ زوجت مرتضئ.... وينك عمر... هاي سالفه تسويها بله.... باوعت وراي
منوو هاي....
بعدين افهمج بس فهميني.... مريم وين وامي وين
جهالي وين
تباوع وراي....وتححي بالكوه
منئ احجي،شبيك ماشايفه بشر.....وينهم
الجهال عند اخوالهم.... ومريم اول امس من رحت تعبت كلش....اخذوها للمستشفئ. وخطيه طلعت حامل واجهضت

شنووو مريم حامل
اي حملها ابو 50 يوم..... يلا الحمدلله بس ماكتلي منو هاي

للحكايه بقيه