حۣۗـۙلَمۣۗـۙ
آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء
آلَجۣۗـۙزۣءآلَثۣۗـۙآنۣۗـۙيۣۗہ_عۣۗـۙشۣۗـۙر
آلَنۣۗـۙآشۣۗـۙربۣۗـۙآرقۣۗـۙ آلَعۣۗـۙرآقۣۗـۙيۣۗہ
أحجي وياج لولا...... حركتو شنو
فزت مريم.....وراحت لهناك
عمر عمر......خلي افهمك......
صرخت عليها بعلوو صوتي....تقربت منها عصرت وجها بإيدي.... انتي حرقتي محلي مريم.... انتي وي منوو
عمر اخ جاي توجعني
جاي اوجعج مووو ..... والوجع الي دمرتي بيه عالم بحلالها ورزقها احجي
انتي وي ممنوو
سامر
سامررر مريم سامر....لزمتها اقوووه ومااحس بنفسي جاس ااذيها حيل
بس اريد اعرف شلون سويتيها شلون انطاج كلبج
انا خسرت ملايين وخسرت جماعتي بسببج
تعرفين شكد محلات خسرو بسببج وشكد بيوت اكلها الجوع من الحاله الي مرو بيها من وراج
مريم انتي .....مااصدك
رحت لهناك..... ضربت الميز كل قوتي... انتي وهذا الحقير هجي سويتوو بيه
لااا مو هوو انتي الي طلبتي منه موو احجي
تدرين لهسه قضيه الحرق بعدهي... اذا اشتكي عليكم شكد يسجنوكم
تدرين شكم دفعت للمحلات حته يتنازلون عني واطلع من السجن
رجعت الها....ليش كتيلي مريم ليش ماخليتيني مخدوع بيج...ولا عرفت هاي السالفه
كنت اصورج فقيره وطيبه.. مافكرتي شيصر بينه... ردنه نبيع البيت وندفع للعالم
تدرين اكوو محل مال ايتام يمي هم نحرق بسببج
حسبي الله عليكم.... ضليت اصرخ كعدوو الجهال يبجون علئ صراخي
مريم اطلعي بره لا ابتلي بيج هسه..
عمر بس خل افهمك.....خل اشرحلك لسالفه الله يخليك
مريم اطلعي بره.... احس نار تطلع من عيني .. بودي اكلها واشبعها ضرب
بس بالكوه لزمت نفسي..... اطلعي مريم ماريد اشوف وجهج هنا
امشي يمين انتي امشي يسار
دمرتي حياتي .. وكنت مخدوع بيج ....ليش بيمن ضريتج بيمن اذيتج...
هذ مجازاة الحبي لو المن احجي.....
هي طلعت واخذت الجهال وياها يتباجون
طلعت للبره. ردت اتنفس هوئ الله لان اختنكت ونار شبت بكلبي وبصدري. لكيتها بالصاله تبجي والجهال بحضنها
وامي شبيج مريم ...شصار بينكم...احجي يا يمه
مريم....راح اروح انا...
وانتي روحي لاهلج بس يصبح الصبح
عمر وين رايح بهالليل.... لا تطلع دنيا الليل بعدهي
مايهمج بيه ...يمه باجر اخذيها لاهلها وخل تكول الهم .....،شسوت بينه
عمه مريم شسويتي...شصار بينكم
اجه الحجي... وحسن علئ صوتنه.... ويسالون شكوو شبيكم
بويه ماكوو شئ... بس انا طالع
وين رايح طالع هسه.... ارجع لغرفتك هسه
ماارجع اذا ابقه هنا بالبيت اخاف امد ايدي عليها وهذا مو طبعي
روحي بويه مريم لغرفتج ونومي جهالج
وانت بويه عمر ...روح ادخل للاستقبال واكعد بيه ....واذا تطلع ماارضئ عنك
يمه شبيكم كنتم كناري شجاكم... هاي عين ماصلت علئ النبي وحسدتكم علئ حبكم وسعادتكم.... الله لا يوفقج ام جاسم بس تجينه للبيت لازم يصير شئ عينها حاروكه
يمه شدخل هالمكروده ام جاسم
اي يمه عينها تحرك اليابس والخضر
الله يهديج حجيه.. ويساعد ام جاسم علئ البلوه الي اجتها وهي نايمه بهالليل
رحت للاستقبال..... اريد يطلع الصبح ماكوو..... انفتح الباب سويت نفسي نايم
اسمع خطوات شخص يمشي بأتجاهي.... عمر عمر...... سويت نفسي غافي
عمر ادري بيك كاعد.....اعرف بيك اذا بعيد عني ماتنام
فدووه بس خل احاجيك
عمرر حاجيني... والله كنت مراهقه وماافتهم...وكنت اضوج منك .... وسامر هو كان يخلي افكار ابالي ... عمر والله هسه مااشوف غيرك انت ابوي وامي
انت اخوي وحبيبي
عمر حاجيني والله متندمه علئ كل يوم خلصته بدونك عند اهلي
ونادمه لان خلصت سنتين بعيده عنك
كنت ماعرفك ولا احبك نفس هسه... كنت ماشوف بس ذاك سامر
عمر سامحني بس والله كنت ماافتهم كنت حقيره وثوله
من عاشرتك عرفتك وحبيتك...
لزمت ايدي....شالتها وباستها
عمر ابوس ايدك سامحني...هاي غلطه ...غلطه مراهقه... ماكنت اعرفك
ماكنت احبك
عمر هسه انت كلشي بحياتك. انت الهوئ لو ينكطع عني شلون اعيش... عمر انت حلمي...حته واني نايمه احلم بيك
انت حلم دنياي... واطلب من ربي تصير هم بأخرتي
كنت اتمنئ افز واكعد علئ حيلي.. واشبكها حيل واعصرها علئ كلبي
ماتحملت اسمع شهكتها من تبجي ولا تحملت اسمعها تناديني ومااكعد الها
ولا اتحمل اشوفها تبجي.. احس كلبي كام يوجعني عليها وانكسر....
بس لازم اشوفها نتيجه غلطها.. والي سوته مو شويه
عمر صارت ب6 اكعد... بس حاجيني ...شلون تقبلها اطلع من البيت
عمر اذا سمع سلطان بعد مايرجعني الك وتقبل يكتلني وانت موجود
بقت صافنه.... دقائق
بعدها كامت.... وطلعت.. وسدت الباب وراها.... كعدت اوووف
ماتمنيت اشوفج بهاي الحاله... ياحبيبه كلبي ..اسمعها تحجي
عمه عمر مايريدني بعد انا غلطت
لا يمه اكعدي وماعليج.... هو يهدئ ويسكت ماتعرفين عمر شكد يحبج وشكد ضحئ علمودج
بس انتي شمسويه يالمعزايه شصار بينكم كولي
عمه فدوه سامحوني ....
شمسويه احجي
عمه انا الي.....
طلعت بساع.... من الاستقبال ماردتها تكول شئ لاهلي عرفهم يلعبون لعب بيها
ويطردونها بينهم.... ومايتقبلوها بحياتهم بعد
مريم تعالي... دخلت وراي شردتي تكولين لامي حركت لمحل ردتي تكولين خسرتكم ملايين وبيعتكم الاراضي والي عدكم والي وراكم حته تسدون لخساير
تعرفين شتسوي بيج ... تطردج بعد وتدمرج وتاخذ منج حته جهالج
عمر اسمعني الله يخليك بس خل احاجيك
ماكوو حجي .. انا راح اسافر ارتاح
وحته موبايل مااخذ وياي.... وخلص عوفيني ارتاح
وماراح اكول لاحد علئ سالفتج ابد... لان مااريد احد ينصدم بيج مثلي
مريم كنت طاير بالسمه وبثانيه وكعت لجووه وكعت وتكسرت بسببج
مريم الله يخليج عوفيني..
عمر اسفه سامحني والله غلطت ونسيت. ومستعده اعوضك كلشي خسرته...
شنو تعوضيني
مو تكول خسرت ملايين مستعده ابيع الملابس الي عليه واعوضك وارجع حقوق الناس بس سامحني ....
اوووكفي .... شتحجين
ولج انا ماهزني فلس... لا هزني سجن.. هزني الصدمه بيج
هزني الشئ الي سمعته.... وخري عن طريقي مريم
بعدي عني. . مااريد احجي كلمه تغضب الله ولا اريد امد ايدي عليج
رحت للغرفه... خليت كم حاجه اليه... بجنطه زغيره
طلعت من الغرفه... وهي تصيح وراي
عمر اووكف الله يخليك اوكف
بداعة معزتك وحبك اليه اوكف..
وكفت......مريم شنو كتلج اذا ابقه تتندمين
لا يعمري روح وارتاح بس اخذ جهار هاك اخذه لا تخلي كلبي عليل عليك
بس طمني لو برساله واكتب اي شئ حته لر غلط المهم اتاكد انك سالم اليه
ماباوعت الها.. وطلعت من الباب.. وانا كلبس يكول ارجع الها واشبكها وسامحها غلطه قديمه..... وكانت ماتحبني بس هسه حبتني ... وعقلي يكول لا اطلع سافر وارتاح كم يوم
وضميري يكول هاي دمرتك ودمرت هواي ناس بسببها هنا حلال ايتام راح بسببها وخساير اهل لمحلات بسببها... عوفها وروح
وين اروح..... وين انطي وجهي
اني ماعندي مكان ارتاح بيه بس غرفتي .. بيها شوفة مريم... بيها ضحكتها ولمستها وشقاها
يااااربي ساعدني شسوي
كعدت عالكاع....يم باب بيتنه.... حاير شسوي.... وين اروح.... ووين يصفئ بيه الدهر
ارجع لبيتي وجهالي... لو ارجع المن
لا خل اروح ارتاح كم يوم ....اروح لجماعتي.... هناك بكركوك
بلكي انسه.... اجرت تكسي... ورحت صعدت مناك لكركوك من كراج الكراج
نص الليل الا وصلت... لاكوني جماعتي كان شغلهم هناك
وعدهم شقه زغيره.... مشترينها مستقرين بيها علمود شغلهم
كتلهم اريد انام تعبان ميت تعب من الطريق
شنو هالبلد هاي ... لا مطار لا طياره هسه بربكك هذ طريق مال سياره.... هاي الدول من الكراده للمنصور طياره واحنه. سفر يوم كامل طريق...
اكعد يمعود عوف هالسياسه... والحفله توها بدت...
حفلت شنوو
سهره... وبنات وكذاا .... وشنو من بنات ... سوريا ولبنان... يوكفن العقل
شجاي تحجون....،انتم كلكم مزوجين بنات شنوو
ضلوو يضحكون والمزوج ممنوع عليه شنووو
اي ممنوه لان اكوو نسوان جاي ينتظرنكم هناك
اهووو اجانه الفيلسوف ... يمعود تريد تنام روح نام وخلصنه منك
هههه ولك منين ينام من الموسيقئ لا حول الله
هذا معقد صاحبكم كلش
يمعود انت المن جاي غير تكول ضايج.. هس راح انطيك وحده عود وصيت عليها شفتها بحفله صديقي بس حلال عليك
ولك هاي تطيح الطير من السمئ
لا والله تطيح القمر من السمئ.....
اندك الباب... راح واحد منهم يفتح الباب هلا هلااا بالحلوات
اجت كومه بنات وشباب علئ شكل وجبات... كمت علئ حيلي
وين اروح هسه...
شنوو هالمهزله.....شغلوو دبكات كرديه وجوو نفس الي بالمسلسلات
والي جاب البطل مالته
والي اخذ ايد بايد صاحبته ودخلوو جووه
استغفر الله وين اجيت يااربي هسه انا شنو هالورط
اكعديالمعقد ري رايح اكعد
شعليك بيه شنو السخافه. .بعد المن صيام وصلاة
اهوووو
وين بدك تروح... تعال لهون
شنوو شكلتي خويه
ههههههه .. تكولك تعال يمي خل انسيك سوالفك التعبانه ومحاضراتك ومرتك ههههههه
باوعت الها... سكتت فعلا تطيح النجوم القمر من جمالها
للحكايه بقيه
أنت تقرأ
حلم بقلم ام زهراء
Romanceقصة حب حقيقية عمر يرى ابنة عمه ومن اول نظره يحبها بل يعشقها يطلبها للزواج من اهلها ويتزوجها / مريم تحب شخصا اخر ويتركها خوفا على نفسه لان ابن عمها اعتبرها نهوته يجبرها اخوها على الزواج من ابن عمها عمر تابعوها لتعرفوا ماحصل معهم
