☆ عـــــــــــدووي ☆

الـبـارت الـسـادس عـشـر

حجت بثقة و عناد ، دتروح جان الزمها و اجرها  علي

- العناد الزايد ما حلو

- اتركني بحالي

- ماشي تدللين

عفتها و مشيت طلعت من البيت رحت لصاحبي افترينا نغير جو و رحنا للكوفي

- يعني عقد و ما حصلت شي
- اگلك حبر على ورق
- خايب هاي تقنع بيها جاهل ،  شني حبر حرمة صارت بذمتك
- خما اغصبها
- و شلون جا تعرسون و تبقون على هالحال
- حتى  اخلص روحي من الحجي
- انت مقتنع
- انا رايدها و عاشگها و گلتلها وجه بوجه بس ماخذها مو برضاتها ،  ليث انا اريدها تحبني مثل ما احبها لكن احس بكرهها الي ما تطيق كلمة مني لليوم 
- خايب شبي حظك ما يگعد وياهن
-  ما مكتوبلي الفرح لا بالاولى و لا بالثانية
-  لا تحجي هيج الله كريم
بانفعال - اريد افتهمها حتى اگدر اوصل لگلبها مجااي اكدر افهمها شني طينتها
- حرمة يخوي حرمة لو تطك راسك بالف حايط من تفهمها

- باجر ناخذلج النيشان

- اشنو اعمل بي احنا ما اتفقنا هكذ

- جا شلون غير حقج
- ماغيدو حقوق انا قلتو حبر علورك
- عزاا ميصير هيج و بعدين بس النسوان يشوفنه و ينلصمن
- و اشنو اظل اهتم لحكيم اشنو قالو و اشنو حكو و اعيشو عحكيم
- هسة انتي شخسرانه هو علي راضي يصرف فلوسه
- استغفرو الله

احا بالليل ما عاجبتو نفسو غوحو بخشمو اشنو عبالو يزعل و اغاضي
طلعتو معاهم ثيني يوم دخلنا لمحل ذهب طلع اشنو طقم عندو ماكنتو طايقي حالي حكاني المفجوع

- ها ياهو عجبج
دحقتو علينو هو يعغفو انا ماغيدو شيء
- اي ويحد
اخذ حلقي منم و حكاني
- ايدج
- اشنو
مسك ايدي بقوي كنينو انفعل و لبسني الحلقي طلعت كبيغة قام اخذ ثيني طلعت صغيغي حكي
- شسالفة
و اخذ يقيسم علايدي بكل مرة يقيس وحدي اتذكروتو اشون كنتو اتخيل هذا اليوم و اشون تمنيتو من انسان احبو ، لهفتي خلصت كلشي خلص
انتبهتو علينو منفعل و بالو ما بغاسي اكو بيهن علقياسي ينزعن و يرجع يقيس غيرم سحبتو ايدي منو
- خلص هاي علقياسي
اخذو طقم وافقتو عزينو بس حتي اخلص و طلعنا ناخذو بقي جهيز رجعنا للبيت تكسغت من التعب  ،  صعد قالب وجو حكتو امو

- يمة وين ما تاكل
- لا تعبان اريد اصعد انام

مرت الايام و كلشي خلص حددو يوم الزفي قلتلم ماغيدو حفلي بس ما قبلو اشون يزفو ولدم الوحيد بدون شيء
ماغحتو بيوم الحني للكوافيغة اختو عملت شعغي كيغلي و رتبت وجي بمكياج خفيف
قعدتو مثل الصنم و النسوان يرقصو و يهلهو و يغنو
مر و كان ثقيل كثيغ ماطقتو اتحملو اشون العغس
غحتو ثيني يوم للصالون كانو قاعدين عغايس بقيتو علدوغ كانت تمكيجني و تتغزل بيي

-  ولج عيني ام علي وين لكيتوا هيج عروسه ماعدها اخت شي
- الله يحفظها لابني
- الله يسعدهم و يهنيهم
حكيتو بقلبي الله ياخذو و يفجعو بيي بقيتو ادحق بالمريي كل عغوسي تبجي بهكذ يوم لانو تفارق اهلا الا انا كنتو كن فارقتم من قبل ما حسيتو باحساس الفراق بهكذ يوم سرحتو ماحسيتو بالوقت كملت قمتو وقفت حضنتني امو
- انا حاسة بيج  ،  انا امج و لو انه ماكو عوض للام 
- الله يحفظكي خاليي