☆ عـــــــــــدووي ☆

الـبـارت الـتـاسـع عـشـر

- زهرة

- هاي عيني داغير الماي صار حار
- يا ماي لبسيها عباية بسرعة ، دگيت على ليث يجيني بالسيارة بسرعة ، ماقصر دقايق و هو ابابي
شلتها بالعباية و ركضت بيها ، وديتها للطوارئ شدولها و سوولها تحليلات انتظرت لما تطلع ، الدكتور گالي بيها تيفو كتبلها ادوية و طلعها ، رحت حبت الادوية و اخذتها للبيت ما بطلت ون

- يمةة طمني شبيها
- تيفو حاد
صعدتها لغرفتي و امي و زهرا وراي نومتها
- يمة احنا نعتني بيها انت وراك شغل
- لا يمة ما ارتاح الا انا
- و دوامك يمة
- اخذ اجازة عسما شهر و ان ماقبلو ابطل
زهرا فدوة اشويلها صدر دجاج
- على امرك
نزلن امي و زهرا بقيت اوعي بيها ماكة بس تون وجعت گلبي
- شجاج يابوية جنتي جنج ورد

ماتفيد بيها كمادات شلتها للحمام گعدتها بحضني ، غسلت رجليها و ايديها و وجهها ، مسحت صدرها ، جسمها كله يلهب رجعتها للفراش

ما اكلت شي شربتها شوربة بالموت و امي ضربتها ابرة ، الليل كله ما نايم اسويلها گمادات وجه الفجر غفيت و انا گاعد من التعب

فقتو احسو حسمي عيحترق مفاصلي تلهب ناغ و غيحي مغض قلبت معدتي دحقتو انا بكوبة علي غشعتو نايم و ماسك ايدي ، غدتو اقوم ماطقتو غاسي ثقيل و جسمي يشتعل نار ، متو عطش اغيدو ماي
- علي ، علي

صحيت - عيوونه ، روحه لعلي جا شسويتي موتيني عليج
- اغيدو ماي

طفرت من مكاني على سراحية المي گعدتها ع حيلها و شربتها و نومتها

- حسمي عيحترق ، الالم موتني

- من الصخونة يگليبي بالگمادات و الادوية تخف و ترتاحين ، هسة انزل اسويلج ريوگ حتى تاخذين العلاج
- ماغيدو

نزلت ركض لگيت زهرا بالمطبخ
- ها گعدت لو لا
- اي
- خوش انا سويتلها ريوگ جنت جاية اجيبه

- عاشت ايدج ، انا اصعده
اخذت الصنية و صعدت گعدتها و خليت وراها المخاد
- عدقلك ماغيدو ، اغيدو انام
- ما تخفين اذا ما تاكلين ، بس شوي
- ماغيدو ماعتفهم ماطيق ريحتو للدجيج
- تعالي
شلتها من الفراش و طببتها للحمام و هي بالموت تحجي گعدتها بحضني تتحرك ما نطتني مفكة غسلت وجهها و ايديها روحها شاغت من برودة المي ، ما خلتني اغسل رجليها قلصتهن

- عدقلك اموت ثلج والله ثلج عاموت
- لا تعاندين يابنت الناس احسن بادر حتى تخف الحرارة
- لا ، لا ماطيقو اموت والله

فتحت الدش علينا ثنينا شهگت شهگة گطعت گلبي حضنتني ، دقايق و سديته سكنت و ترجف لفيتها بالمنشفة و شلتها خليتها على السرير بالمنشفة نزعت هدومي و ليست بس بجامة على السريع ، طلعتلها برمودا و تيشيرت خفيفات
وخرت عنها المنشفة و بديت انزعها و هي تمانع
- اشنو تعمل ، اتركني علي
- اصبري بس اغيرهن خضر خوما تنامين بيهن
- ماغيدو ماغيدو
- خايبة اسكتي رايدة تموتين
بديت البسها بشرتها گطن ايدي ترجف و انا البسها ، گعدتها و خليت وراها المخاد و بديت اشربها شوربة و اوكلها
- لا تنامين خلي الاكل يستقر
- ما طيقو ، غاسي يدوغ
- سندتها بحضني دقايق وراها انطيتها الدوا نومتها و غطيتها ، غفت
نزلت الصنية لزهرا
گالت - زين اكلت
- بالموت
- انطيتها دواها؟
- اي
- عافيات ان شاء الله ، من تحتاج شي بس صيحني
- بس خلي امي فد اشوي تجي تضربها الابرة
- ماشي هسة اگوللها
طلعت امي جتي من غرفتها
- ها يمة شلون صارت ، اكلت
- اي يمة بس بقت ابرتها
- هسة اصعد انطيهيا
- تعبتج يمة
- لا يمة شنو هالحجي ، الله يشافيها

مر اسبوع خفت شوي شوي و تحسنت
- ادري گيمر الموصل ذاب و ماتحمل شمس البصره
- لا هذا تيفو قديم عندي يرجع كل صيف
- مابيج غير العافية گليبي
- تعبتك
- تعبج راحة ، بس انتي ابقي هنا هاي غرفتج
- لا
- ليش لا انا رجلج هند ما مسيتج بهالايام رغم انا اغير هدومج ، هند انا ما اخذج اذا مو برضاج
- انا ما حكيتو شيء من هذا
- جا ليش هالعناد
- ماعغف
- ماشي هند
عفتها و طلعت صار اشهر و هي صاده عني مو كافي انا هم بشر

صاغ العتمي و ما رجع قمتو اجمع هدومي كلم زهرا صعدتم فتحتو الجكمجة و بديتو اطلعم ، دواغ المغض بعدو ، ماعغف اشنو بيي كلشي بيي يغيد يبتعد و بنفس الوقت يغيدو يبقي جانبو و ما يخسرو
انا ماغيدو عزيز بحياتي بعد ، لانو افقدو بالاخيغ و اعيشو الظلم مرتين
تذكرتو الحلم قمتو ابجي
- دخيلكي مولاتي صاغ هم و انا ما ناقصي هموم ، تعبتو والله ، ماتخيلتو اخسغ اهلي و يهيء لي القدر الادمي الي غاح احبو ، تمنيتو التقي بي بظغوف احسن من هكذ

رجعت بالليل حيل مخنوگ و الدنيا واگفة كل سبلي خلصت حتى اوصللها ، طبيت للغرفة سمعتها تبجي و تحجي رحت گعدت على رگبي وراها
- لا تبجين انا اسف ضغطت عليج
دغتو عليه ما حسيتو علينو من اجا دحقتو بوجو دموعي وقفو ، قغب وجو مني مسك وجي بيدينو و قام يبوس و يهمس
- احبج ، انا ما اتحمل بدونج ، احبج
نشف دمي و قمتو احكي بهدوء
- علي ، علي