هذي القصه من مكتبتي كتبتها بال2016من اكثرالقصص الي تعبتني تعرفت عله صاحبتهامن خلال احداقاربي تعرف هوسي بكتابه القصص الحقيقيه تعرفت عليها ع النت وارسلتلي القصه ايضا ع النت لكن كانت تكتبلي اسطر معدوده وتكول مااكدر اكمل تعبت اقسم الكم اني استمريت شهر كامل يله كملت بعدالف مره توقف صاحبتها عن النشر اتمنه تستمتعون بيها
# بحكم الحب
الجزءالاول
لايوجد احد بيننا اختار حياته ولاقدره ولاحتى والديه اوشكله لكن هل يمكننا اختيار من نحب وهل الحب كلمه ام موقف تضحيه ام استبداد قصتنا اليوم فيها معاني كثيره اتمنا ان تعجبكم وترضي اذواقكم اسلم قلمي لاابطالنه ليرون لنا احداثها ورد العامري💕
السلام عليكم ورحمه الله وبركاته
في صباح يوم يمر ككل الايام بين التعدادوالفطور وبعد اخذ دروس للارقام والاحرف خرجنا لنلعب بحديقه الملجأ نلهو ونركض ككل الاطفال لايوجد في داخلنا اي سواد لكن في صفحات سجلاتنا كتبت اسم لقيط اسمي علي الاسم الي اطلقته عليه مديره الملجأ جتي ماما امل ادخلنه ومستعجله مثل كل مره يتبلغون بزياره للملجأ ايسبحونه ويلبسونه ملابس نضيفه نعرفها ملابس العيدنلبسها بس من يجي العيد وعيدنه جان كل يوم يجي بيه احد ايزورنه جان كل مره يجون ايخلونه نسطف بس ايشوفونه ومحد ياخذنه لان اعمارنه بين ال4'5'6سنين جانو دائما ياخذون اعمار اصغر والاكثر تكون اعمارهم اشهر اسطفينه ننتضر الزائر ودخل ووياه ست هدى مديره الملجأ افتر ويباوع علينه واحد واحد
ست هدى: سيدياتفضل بداخل اكو اطفال بعمر اشهر واكو طفل قبل يومين جابوه اتوقع عمره شهرين
الشخص الزائر :لا مااحتاج هيج اعمار هذي الاعمار الموجوده زينه ياريت لو اطلعيلي اعمار من5-6سنين
ست هدى: انت تعرف سيدي ذوله اعمارهم تصير حسب توقعاتنه ارتاح حضرتك بالمكتب وراح نجيبلك اطفال بهل اعمار
امل ركضي يمعوده مالي حيلهم راح اروح للمكتب ومثل ميريد جيبي الاعمار ومو تنسين كل طفل وياه ملفه
كان الكادر كله مرتبك والكل يتحرك بسرعه عزلو كم واحد واني من ضمنهم دخلونه لغرفه المدير جان الرجال كاعد رجل عله رجل لابس بنطرون وقميص لونه ازرك بي دكم ونص ردن وبيده جكاره طويله خشب صفونه كدامه وهوه ايباوع علينه اني بداخلي اكول شكد حلو هسه اني من اكبر هم اشرب جكاره خشب والبس مثل المحبس ماله هذا الاصفر اي عيني وساعه واجي لست هدى اصيح عليها مثل مصيح علينه اشر بيده الي بيها جكاره الرجال ويكول هذا هذا هذا ايئشر علينه واحد واحد جانت اشارته الي خامس واحد ورايه صديقي مروان طلعو البقيه ويركضون ست امل وست هدى اطوه الفايلات وهوه يكلب بيهن ويرفع راسه ايباوع ع واحد واحد ثالث فايل لزمه ونضرته صارت عليه اني من خوفي ضحكت بوجهه اشرلي تعال تقدمت بس خايف منه لان هوه مخنزر
الزائر :شسمك/علي عمو/شمعلميك المعلمات /الارقام عمو/جيد احسب اريد اسمع ليوين تعرف/ ١٢٣٥٧٩٨/هههههههههههههههههه ارقامك طايره /ضحكته كانت الها صوت قوي انداربعينه ع ست هدى كلها هذا
ست هدى :حاضر سيدي بعيوني
الزائر: مثل مفهمتج فايله وياه يكون انتضري مني تلفون ابلغج المكان والزمان
#بحكم الحب
الجزءالثاني
ل وردالعامري
بيومها اطونه تفاحه وموز وكالو لكل الجهال هذا من ابوعلي وست هدى كالتي هذا ابوك وجان مسافر وهسه رجع هوه جان مخليك يمنه وهسه راح ياخذك ثاني يوم اجتي اخذتني جنت نايم وجتي عليه اخذتني وطلعنه من الباب الوره مال الملجأ الصغيره ومشينه بسرعه بسرعه جانت اكو سياره سوده واكفه بعيد عن الملجأ فتحت الباب الوره وصعدتني وجان الرجال موجود كاعد ليكدام ايسوق اطته فايل
الرجل: ميحتاج اكولج اذا ضهرت ورقه او انذكر اسمي شيصير هذا الموضوع ينمسح من دماغج ودماغ الي يشتغلون عندج
ست هدى: لايضل بالك سيدي الي تريده انت ايتم والموضوع مينذكر لوواطير ركبتي
اخذني الرجال واني مكيف بسياره شكدحلوه وبيها بردات الزم بالكشنات مشينه مسافه وبعدين طبينه بشارع بيه كومه اشجار ووكف يم بوابه جبيره دك هورن وفتحو الباب وطبب السياره مشه كراج طويل ووكف نزل وفتحلي الباب وهوه لحد هسه ممحاجيني مد ايده كلي تعال لزمت ايده ونزلت صعدنه بايتين كبار وباب خشب جبير مفتوح طبينه منه البيت جبييير كلش وبيه اضويه كبار ونازلات من السكف ضليت بس اباوع وادير براسي جتي مره كلها اخذي ولاتنسين الي وصيتج عليه مااريد اي غلط وهيه تكوله حاضر حاضر بعيوني سيدي اخذتني من ايدي واني بس اباوع منا ومنا صعدتني ع درج طويل وبي شويه لوفه وصور مناضر اشجار ومي وصوره ناس معلكات ع طول الدرج وبالوجهه سيوف ثنين صايرات مثل الاكس مشتني ممر بي غرف بوبهه مسدود طببتني ب3غرفه جان بيها جربايه وكنتور ومرايا وتلفزيون اني امشي والزم شغله شلغه وهيه طلعت من الكنتور خاولي ورجعت لزمتني اكو باب بالغرفه نفسها فتحتها وطببتني حمام بس مشايف مثله بي حوض وبي كراسي ثنين بيهن بواري كالت اكعد هنا جان اكو كرسي بالحمام وراحت شويه وجتي طب واحد جبير حط عله صدري صدريه عرفت حيزينوني لان جانو ايزينونه بالملجأ زين الي بس سوالي هل مره شعري شكد حلو كل مره ايزينوه صفر والمره فتحت مي بالحوض ومدري شتحط بي كومتني ونزعتني هدومي وكالت اكعد هنا طببت رجلي وهي لازمتني كعدت بالمي ريحته تخبل وجلفتني جلف طلعتني بالغرفه ولبستني هدوم جديده شكد حلوه جان قميص 👕 ابيض وشورت ازرك وجواريب وحذاء بي قياطين شدته ومشطتلي وخلتلي ريحه ريحته كلش كلش طيبه ونزلتني جوه للمطبخ اطتني اكل بس حطت قماش ابيض ع صدري وحضني وهيه توكلني فدااكل طيب ولحم وفواكهه
