الجزء التاسع عشر
ل وردالعامري
هلو وياكم ريم ميحتاج احجي شي عن نفسي مهند كفه ووفه كان عمري22من ازوجت جعفر بطريقه الي عرفتوها ورضيت كلت هذا نصيبي بس جنت كل ليله يشرب ويضربني ع سبب تافهه ممكن ايكسرني عله كولي احبك واكوله احبك بس بلافائده يرجع انتي تكذبين ما تحبيني وبعد مايضرب ويكمل يحضني ويبجي ويصيح اني احبج ريم ليش متحبيني كرهت حياتي حته حزن ع ابويه محزنت مثل العالم حبلت بليان من بدايه زواجي فرحت اكو روح بداخلي بس من كثر المشاكل وممنوع افتح برده كمت اختنك ويصير عندي اغماءمفاجئ جاب امي يمي وبليل شرب ورجعنه ويه سهره كل يوم ياانتي متحبيني ياانت مجنتي تردين تزوجيني جنتي تحبين واحد ياايسب ويلعن باابويه الله يرحمه لان مقبل بيه كتلني واني حامل امي اصلا تك ايد وكفت تعالجت رجلهه بس ايدهه بعدها لان مكان اكو فلوس للعلاج اكدر اخذها فكامت ادفع بيه تبعده عني ضربها سوده عليه وكعت بالكاع اتكومت اني انهاريت كلشي جنت متحمله يضربني ومااحجي لان من احجي شي ايأذيني اكثر بس من شفت امي مااتحملت وكفت بوجهه ودفعته وصيحت فتح باب الشقه وطلع امي بنص الليل وخابر ع السند مالي يكوله انت ع عيني وعله راسي بس مااريد احد يجي ايسوي مشاكل بيني وبين مرتي وامك تريد تهجم بيت بتها بعد ممنوع توصل لبيتي وذاك ايكوله زين اتسوي انت رجال حر ابيتك ويعتذرمر 10ايام اني مشايفه امي كتلني وصار عندي نزيف اخذني للمستشفى كالو تهديد اسقاط وحجزوني تحت الرعايه اضطر ايجيب امي وجتي وياها بنت خالتي سناء للمستشفى كلتلي ع شركه باانقره تريد مهندسين ديكور وجابت الايميل مالهم يومين وطلعت من المستشفى اتفقت ويه سناءاتقدملي ع ايميل لان حته تلفوني جان ساحبه يطينياه بس من ايسافر ومن زواجنه لليوم هوه ممسافر قدمتلي وقابليني ويريدون مقابله محاجيهم اني بااسطنبول والطريق وكذا بس مقتنعين بالنماذج الي دازيلهم صورهن من مشاريع التخرج كانت بالابتوب قابليني قبطت شهرين ودخلت كم يوم بثالث وكال راح اسافر اسوك كلشي الي ومسواك مال شهر لان جان حاط اباله يحبسني بالبيت قفل عليه بوب المعتقل مالته يعني اذا اموت محد يلحكلي لويحترك البيت بين ميكسرون لقفاله اني منتهيه سافر وكل دقيقه ايدك عليه شسوين لتفتحين شباك لاتفتحين برده واذا دك التلفون 3دكات ومرفع الخط يكلب الدنيه لازم اول ميصير طوط عنده اني اجاوب لكيتها فرصه هوه واحمدمسافرين اتفقت ويه مهند واجوي كسرو لقفاله وطلعت من سجنه اخذت جوازي وجنسيتي وكلشي ايخصني وبنفس الليله اخذت امي وطلعت الانقره جان اله يومين مسافر اول ميدك اجاوب واحجي وياه صوت ناصي يسئلني شبيج اكوله نايمه تعبانه لحد مطبيت انقره اني بس اتلفت مثل المخبل واول مطبيت كسرت السيم امي شايله كم فلس اجرنه فندق وثاني يوم رحت للشركه اللغه التركيه مالتي جيده اطوني سكن واستقريت وراتب حياتي اتغيرت بين ليله ويوم ارجع امي تتلكاني وذبيت روحي ع شغل كمت ابدع بيه واحصل حوافز الطفل الي ابطني جان اكبر حافز الي اني انجح من عرفت بنيه انقهرت ياريت لو ولد حته لاينضلم مثل منضلمت استغفرت ربي وبديت اجهز نفسي كل مااشوف شي اشتريه وامي كذلك سجلت امي بمركز علاج وايدها استجابت للعلاج بعد ست شهور اني باانقره ولدت ليان اجمل هديه من ربي
