الجزءالثالث والثلاثون
ل وردالعامري
اصعب احساس انك تحس ان مهما تسوي يحسسوك انك مقصر وانك غلطان ليش ميحمل الالم اله صاحبه زين حته اذابس صاحبه ايحس بي بس موشافو كلشي بعيونهم معقوله اني صدك غلطانه وحاسه روحي صح زين الصارلي شنو رجعت بذاكرتي للفتره الاخيره الي رجعت بيها لجعفر الي كمت احمدالله ع ايام العذاب الاولي عله الي ده اشوفه شرب وكبسله وضرب وبالاخيركدام طفله عمرها3سنين يلزم لموس ويشرح بجسمه كان المنضر كافي برعب صارالبيت عباره عن بارينجمع بيه كل الشله احبس روحي واحبس بنتي ومن تكمل سهرته تبدي سهرتي الي يضرب لحدماايتعب وينام بيوم كعدت جانت ذكره وفات ابويه وروحي محمله جروح وجاني اكبر جرح بجيت وانضف بشقه كان مموجوداجه هوه واحمدومؤيدوجايبين العده من الصبح عفتهم ورحت للمطبخ احضرالغده لحكني
جعفر: شبيج ليش تعوين
ريم: مابيه جعفر
احمد: كرته هاج هذا فرغي بمواعين عوذه بومه بس تتنعوصين
جعفر: شبيج مواحاجيج لامادايدي عليج ولاجنت يمي ليش تعوين
ريم :جعفركتلك مابيه شي
احمد: هاااااااا اذكرت ليش جعفر متعرف شكواليوم
جعفر ;شكو انت الاخ حته الي براسي طارن
احمد: اليوم وفات البابا وحمودي اووووي سوبرمان ريم مات بهيج يوم
ريم: احمدانت شنو انت حاقد حته ع روحك
احمد: بسبب منوحياتي بسببج ياخره كم مره انتي واخوج تحركون ابويه ويلزمني وين مايوجعك
ريم: من سوءاعمالك وطيحان حضك
جعفر: كافي شنو زعاطيط انتو
احمد: لالا اوكف جعفرشنيه سوءاعمالي هاا تعرفت ع رجلج الي جان اخوج يموت منه وتالي محدموكفلي غير جعفر احسن من اخوج جان وياي بس انتو عار شيفهمكم
ريم: احمدلتغلط محمدعاش ومات تاج راسك ياريتك انت ميت ولاهوه سحل بيه الشقه سحل جعفر يسحب بيه ومؤيد وبلافايده طبت امي وشافتهه يضربني جعفر لزمه خنه بالحايط ومؤيد خلاني وره ضهره وهوه ايسب باابويه وبمحمد ولان جعفرايدافعلي اتضاربو هوه وياه يعني حقداكثر متحملت اسكت انفجرت كمت اغلط عليه وهوه يغلط اخرشي كتله ياريتهم عايشين جان دفنوك بيدهم وطمو عارك
احمد: لك جعفر سكت مرتك لابالقران اجنزها
ريم: ماخاف بعد حبيبي خلص روحي طلعت من عذابكم الي كمت ماااحس لك لوشريف انت تسويها وتموتني وتخلصني
احمد: ليش عبالج مااتمنه وربج الخالقج اتمنه بس محديموت دجاجته لتبيع ذهب
ريم: جيد يعني انت كواد ومفتخر بروحك لعد هسه اشتريلك ملمع لكرونك
احمد: جعفر تسمع مرتك لولا لوحاطه قدر الك وجاسبتك رجلها متحجي هل حجايه
ريم: انوب جعفر اندارعليه هوه واحمدومؤيد ايحاميني اخرشي دفعني للحمام وكالي قفلي الباب عليج صريخ امي وبنتي وغلطهم عليه وانكساري والم الي بداخلي اقوه من اي شي واي قانون واي مبدءاصعب قرار هوه انك تحكم بالموت عله نفسك تنسه الحرام وتذكر هوه خلاصك منهم من توصل لهل مرحله معناها روحك صارت جدا رخيصه الروح الي خفت عليها من الموت تسلمهه بيدك للموت صوت بداخلك يكولك اخلص ليش عايش لمنوعايش روح لهناك للطرف الثاني بيه ناس هواي تحبهم ويحبوك روحلهم
طبعاكانت كل يوم الي شقه بسبب اصواتنه ومشاكلنه يدزولنه السكان الدلال ودائما اأجر شقق مغروشه جاهزه الاتراك دائما يحطون بالحمامات الاسفنيك واحنا العراقيين نكيف عليه نحط بالهدوم الي تنضم اوالفرش
قرارانأخذ بثواني بين بركان اصوات بالخارج مشيت بتجاه الموت واني احس بفرح ببتسامه ارسمت ع وجهي محسيت لابطعم ولابريحه الاسفنيك ولابحرارته كان الالم الي جوايه اضعاف مضاعفه جنت اباوع عله روحي بالمراياالكدامي واني التهم الاسفنيك بكل فرح ثواني معدوده وبدت نارتحرك بمعدتي وجسمي ينتفض وقواي بدت تضعف لزمت المغسله وعيني ثابته بالمراياوكاني اريداشوف شكلي قبل موتي تنفسي ضاق ايدي اعلنت استسلامها عن مسك اي شي وصرت طريحه الارض هدوءخفه كل الاصوات واستسلام تام بكافه الجسم مع نارتشتعل بااحشائي فجاءه الباب انفتح وصرخت امي كانت فاصل بيني وبين الموت دخول مؤيدالي يصيح شمسويه وجعفر الي ايكفر فصلوني عن راحتي وهدوئي حته الناروالالم الي بداخل معدتي كان مريح بنسبه الي صوت مؤيدمازال بااذني وهوه يصرخ حليب جيبو حليب ازركت وتثبت جعفر لراسي بحضنه وبكائه وصراخ بنتي الوحيده الي متندمه لان صرخاتهابسببي مؤيدالي يريديفتح حلكي ويشربني حليب وضغطي بكل قوتي حته مااشرب حسيت شي كام يطلع من حلكي خله ارادتي بسد حلكي تنهزم وصريخ مؤيد راح تموت راح تموت وهوه يدفع الحليب لداخل حلكي واستسلام تام لكل شي ايسوي بيه دخول لحليب لمعدتي كان خط فصل بين موتي وحياتي الشبيهه بالموت نقلوني للمستشفى اجرولي عمليه غسل معده صحيت بعد ساعات واني اندب حضي الي حته بالموت مساعدني بكاءامي وجعفر الي دموعه تنزل عله لعابته الي ايعذب بيها بااسم الحب ايمارس عليهه طقوس طفولته الي ضاعت ع ايد ابوه بضرب والحبس طقوس السجون الي كان بيها ميفاركها كل شهر لازم ايزورها بتهمه السرقه بنتي الي نايمه ع القنفه واثاردموعها كانت اكثر وجع من كل شي معقوله كدرت اسلم روحي للموت من غير مايرفلي جفن هيج كمت احس بنفسي امام نفسي رخيصه بعداستيعاد وعيي بشكل كامل ولان الانتحار جريمه ايحاسب عليها القانون التركي واثارالضرب الي كانت واضحه ع جسمي جانت دافع للتحقيق من قبل السلطات التركيه والسفاره العراقيه دخل الدكتور يبلغني بالتحقيق دماغي الي اصبح مثل جرائمهم فكر ان الخلاص بهذا التحقيق مهما كلف حته لوكان حياتي الي اني قبل ساعات سلمتها للموت دخل رجل تركي ومترجم وعراقي
