"Ang bagal mo naman eh," pang-aasar ni Dalisay. "Bilisan mo!"
"Sandali," hinihingal na sagot ni Anise. "Hindi magkasinghaba ang mga binti natin."
Tumawa lang ang dalaga at sabay hinawakan ang kamay ng kaibigan para mahila ito. Malubak at mabato man ang daan pauwi, mahigpit naman ang kapit nila sa isa't isa. Hindi sila nagbitaw ni isang beses kahit nang batiin pa ni Dalisay ang pasmadong mga kamay ni Anise.
"May gusto akong ipakita sa 'yo sa bahay!" wika ni Dalisay. "Tara na!" Tumakbo ang dalawa, magkahawak pa rin ang kamay, malalaki ang mga ngiti at nagtatawanan.
Malapit na sana sila sa kanto paliko sa bahay nina Dalisay nang may makasalubong silang mga matatandang babae. Nagtinginan sila at biglang nagbulungan nang makita ang dalawang dalaga.
Napatigil sina Anise at Dalisay. Hindi nila alam kung bakit pero bigla silang nahiya sa pag-asta nila. Binitawan nila ang kamay ng isa't isa at nagpatuloy lang sa paglalakad.
YOU ARE READING
Mga Rebisadong Ehersisyo
General FictionBilang pagtugon sa huling pangangailangan sa kursong FIL150, ang aming klase ay inatasang baguhin ang aming mga naunang ehersisyo sa klase. Ang mga sumusunod ay mga rebisadong salin ng aming mga ehersisyo sa nasabing kurso.
