الحلقة الثامنة :
جهاد : سرين تحب ؟ شكون ؟ وقتاه ؟؟
عمي الساسي: ياخي بهيم ياخي أنت في كل شيء طاير غير أمور الحب و الغرام نقلك بهيم تقلي راني هنا ...الطفلة طايحة فيك من الي شافاتك الناس كل علابالها ...
جهاد : تحبني أنا ؟ لااااااا كل عمري نتعامل معاها كي أختي جامي قلتلها حاجة تخليها تحبني ...
الساسي : القلب و مايريد ...
جهاد : وعلاه ما ولهتينيش ؟ علابالك بيا معقد درك باه تقلي يا عمي ....
الساسي : خليها للأيام هي الي تفرق و تلم ...
وصلنا لدزاير ...و تلاقينا الحباب و الجيران و فرحو بينا الناس كل ...
قعدنا عند واحد من صحاب عمي الساسي بين ما ريقلنا أمورنا قررنا نشريو دار نسكنو فيها ...كنت نخرج ندور في المدينة نحوس على دار حتى نلقى دار المير للبيع ماعرفتش علاه سقسيت على المالك تاعها مابقاش المير ساكن فيها و قررت نشريها مانعرف علاه.
أمين : واش راك شريكي ؟؟
جهاد : أهلا بالبف والله غير خدمتي لاطاي ههههه
أمين : الله لا يتربحك مازلتي تشفى ؟؟
جهاد : وعلاه حاجة تتنسى؟ واش حوالك واش داير فيها ؟؟
أمين : مازلت نقرأ هاني مع الجامعة ... و انت هاك ريڨلتي أمورك الطوموبيل و الخدمة و بقيت أنا ...
جهاد : عمي الساسي ظهر عندو رزق كبير في تونس خلاتو أمو ...الحمد لله فرجها علينا ربي .
أمين : أحشيلي أحشيلي هكاك عمي الساسي و بتاتي و باتاتا ماتكلحنيش خلااااه دفناه مع بعضانا...و ديتي كل شيء و خليتيني بصح أنا فحل عليك ماحكيت والو و سرك في بير ....
جهاد : واش راك تهدر أنت ؟؟؟
أمين : الكوفر تاع الذهب قيمة مليار مازلتي تكذب عليا لدرك ؟؟ علابالي بكل شيء و مازلت نستنى في قسمتي لا تحسابني نسيت ... المير قريب هبل صوارد المدينة كل كانت في هذاك الكوفر ....
جهاد : الكوفر مازال بأمانتو عمي الساسي ماحبش يصرف منو راح نمدوه لأصحابو بصح لتحت لتحت أصلا غلطت عمري أني سرقت ...
أمين : تت**حبيتيني نصدق أنكم وصلتو لتونس طل عليكم القدري ؟؟ تحاسبني بقسمتي ما** ما نت*** بيك
جهاد : هههههه حسبتك صاحبي ظهرتي نقش بصح لكن تذوق منهم دورو أنا مانيش راجل ولا نسيتي شكون هو جهاد نفكرك "قربت راسي لراسو و خزرت فيه خزرة الشر تاعي تاع بكري" .... حتى يفوتو علينا زوج بنات ...
أمين : هههه (يهدر ) هاي جات مولات الشي تعرف جهاد شكون هذي ؟؟ آية واش راكي ؟؟
آية : لاباس أمين خويا ..
رحمة :اوووه راني هنا أنا أختك أمين خاطي آيةأمين : آية
الحلقة التاسعة :
رحمة : أصبري سع ..أمين شكون هذا (في قلبها البوقوص ) ؟؟؟
أمين : صاحبي جهاد كان عايش في تونس و رجع ..
آية راحت و رحمة مازالت تهدر و تقلي تشرفنا بصح أنا رجع بيا الوقت 7سنين و رجعو للذاكرة هذوك العينين الزرق كي البحر هذيك الخزرة الي مليانة خوف نفسها الفرق الوحيد النواظر تاع الشوف و الحجاب الي زاد فيها النص قلبي ضرب و مازالو يضرب كيما أول نهار ضربتها بالكوفر و هربت بصح المرة هذي ماكنتش خايف ماعرفتش علاااه ممكن الذنب ولا حاجة أخرى ماعرفتهاش ...
هي تمشي و رايحة و أنا نتبع فيها بعينيا و أمين يقلي أووووو وين رحتي ؟؟
جهاد : هذي هي الي ضربتها ؟؟
أمين : هههه هيه
جهاد : واش حوالهم درك قلتيلي المير طلق أمها ...
أمين : حالتهم تشفّ و فرات عايشة مع أمها كاريين دار العيد الميكانيسيان و أمها تخدم في الديار تاع الناس و باباها مات عندو 3سنين ...ماخلالهم والو ...
بقات الطفلة هذيك تحرق في قلبي أنا سباب الحالة الي وصلولها ماتستاهلش تعيش كيما هك ...
ريقلت أوموري و شريت دار المير و رجعت للخدمة و كنت كل يوم كي نخرج رايح للخدمة نشوف آية رايحة لليسي كانت تقرأ ترمينال كيما قالي أمين .... كل يوم كنت نحب نهدر معاها بصح ماعرفتش واش نقول ...
آية : الطفل هذا شفتو من قبل مانعرف وين ؟؟
رحمة : هههههه وعلاه أنتي عمرك شفتي طفل من قبل ولا هزيتي راسك من الأرض بلاك في أحلامك ..
آية : أنا الغالطة نهدر معاك ...صح معقدة و نخاف من الرجال بصح هذا بالتحديد شايفاتو ...
جهاد : لازم نجيبو وحدة تسيقلنا الدار ولات حالة والله مانقدر عليها وحدي ...في تونس كثر خير خالتي محبوبة بصح هنا نبقاو هك تدود الحالة ....
عمي الساسي : قتلك لواش لينا الدار هذي كل لكن شرينا برطما صغيرة و خلاص ...
جهاد : عجبتني ... درك ندير إعلان على فام دوميناج و ربي يسهل .
أنت تقرأ
#سرق-منزلي-ثم-سرق-قلبي
Teen Fiction.# #فرنديقاتي-فرندقائي ......والعودة من جدييييد لكتابة الكرونيييييك #safa--------* نعمممم انها كرووونيك دزيرية مشوووقة مممتعة هاااايلة يعني اقل مايقاااال عنها تحفة قصصية كرونيكية عشقية درامية اربطوووا احزمتكم و حطو جام وكمنتار مكاش تفاعل والله منح...
